Nɔmbɛs 14:28 - EBƆRƐ BE KAWƆL

²⁸ Kaŋɛ bumo fanɛ meeŋ wora bumo kusɔ nɛ b kaŋɛ gbagba. Ma Enyɛnpe Ebɔrɛ na e malga na.

Nɔmbɛs 14:28 ပူးပေါင်းရင်းမြစ်များ

Job be kawɔl 21:20

Shin nɛ Enyɛnpetale Ebɔrɛ na be agbogboŋ na e ba alubiworapoana gbagba so nɛ b mur cheche.

Nshɛ 106:26

Amoso e daŋ kpele bumo kusoe kenishipereso nna fanɛ e beeŋ shin nɛ b wu n tɔr keshishɛrsawule na so.

Nshɛ 95:11

Ebɔrɛ daŋ nya agbo nna nseŋ bɔ ntaŋ ŋ kaŋɛ le: “B maaŋ luri ma kewushi na to kikɛ!”

Ezikɛl 12:25

Ma, Enyɛnpe Ebɔrɛ na e naŋ malga n sa bumo nɛ kusɔ nɛ meeŋ kaŋɛ na a wora. Menyi basa nɛ men pal kaman n sa ma ere bre be jemanɛ to, meeŋ wora kusɔ kama nɛ ŋ kpele menyi kumo be kusoe fanɛ meeŋ wora na. Ma, Enyɛnpetale Ebɔrɛ e kaŋɛ na.”

Nɔmbɛs 11:1

Israɛlebi na fara nna a fubel a bile asheŋ ŋkpal awurfoŋ nɛ b daa ji so. Enyɛnpe Ebɔrɛ ka nu bumo be nfubel na nɛ e nya agbo nseŋ shin nɛ edɛ ba bumo to m ba chɔɔ bumo be keeyi na to be ekarso.

Nɔmbɛs 14:2

nseŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “An daŋ wu Ijipt be kasawule so ŋko keshishɛrsawule ere so be kakpa ko gba, k daa beeŋ par anyi!

Nɔmbɛs 14:21

Ama ŋkpal ŋ ka wɔ ŋkpa to nɛ ma kemaŋkura bɔlɔ durnya ere to kikɛ so,

Nɔmbɛs 14:23

Bumo be keya maaŋ cha kasawule nɛ n nase kɔnɔ fanɛ meeŋ sa bumo nananyɛnana na so kikɛ. Bekama nɛ b kini ma na be ekama be keya maaŋ cha ndoŋ.

Nɔmbɛs 14:39

Mosis ka kaŋɛ Israɛlebi na kusɔ nɛ Enyɛnpe Ebɔrɛ kaŋɛ na nɛ b shu kagbenejijaso ga.

Nɔmbɛs 32:11

‘Ma e naa kaŋɛ na fanɛ, ŋkpal b ka maŋ ji kashenteŋ n sa ma na so, bumo be bekama nɛ b shi Ijipt be kasawule so m ba nseŋ fo nfɛ adunyɔ ŋko m baŋ so na be ekama maaŋ yɔ kasawule nɛ n nase kɔnɔ fanɛ meeŋ sa Eebraham nɛ Aizek nɛ Jeekɔb na so.’

Ditɛronɔmi 1:34

“Enyɛnpe Ebɔrɛ na ka nu menyi be kemunto n fubel na nɛ e nya agbo nseŋ bɔ ntaŋ ŋ kaŋɛ le,

Ditɛronɔmi 1:35

‘Menyi ere be kekurgeto be basa lubi ere be esa koŋwule gba maaŋ yɔ kasawule lela nɛ n nase kɔnɔ fanɛ meeŋ ta n sa men nananyɛnana na so kikɛ.

Ditɛronɔmi 2:14

An ka lar kakpa nɛ baa tre Kadɛsh Bania na be nfɛ adesa nɛ aburwa nna na. Benyɛn kama nɛ b daa tiŋ a kɔ kena loŋ be jemanɛ na kikɛ wu, fanɛ kananɛ Enyɛnpe Ebɔrɛ na kaŋɛ fanɛ baaŋ wu na.

Ditɛronɔmi 2:15

Enyɛnpe Ebɔrɛ na e daa maŋ shin nɛ b nya bumo be amu n ji hale nɛ bumo kikɛ wu mur.

Ditɛronɔmi 32:40

Ma e la Ebɔrɛ nɛ e bee sa ŋkpa; ma e maŋ ma enɔ so m bɔ ntaŋ

Hibruwebi 3:17

Nɛ basa mo nɛ e daŋ nya agbo n wɔtɔ nfɛ adena kikɛ na? Mannɛ bumo nɛ b daŋ wora alubi kiyi to nɛ bumo be eyurana daŋ shir ndoŋ na a?