Nɔmbɛs 14:22 - EBƆRƐ BE KAWƆL

²² basa ere b ekama maaŋ yɔ kasawule nɛ n nase kɔnɔ n sa bumo na so. Ŋkpal manɛ so b wu ma kemaŋkura nɛ emamachisheŋ nɛ n wora ashi Ijipt be kasawule so nɛ keshishɛrsawule na so, ama b kini kenu n sa ma nseŋ wora ma ŋ keni alɛ damta.

Nɔmbɛs 14:22 ပူးပေါင်းရင်းမြစ်များ

Jɛnesis 31:41

Le be kebaawɔtɔ ere to nɛ n daa wɔ fo laŋ to loŋ nfɛ adunyɔ. Nfɛ kuduana nɛ n shuŋ n sa fo pɔɛŋ nseŋ nya fo bibichesobi anyɔ ere n ta. Nfɛnshe malɛ nɛ n shuŋ ŋ keni fo asɔbɔya so n sa fo, ama amo nɛ amo kikɛ fo chɛrga ma kakɔka ale kudu.

Jɛnesis 31:7

Ama men tuto puni ma nseŋ chɛrga ma kakɔka ale kudu. Ama Ebɔrɛ maŋ shin nɛ e nya ma n doro bre.

Job be kawɔl 19:3

Ale kudu nna na fo kaa bee malga a gbiti ma. Nyɔmɔ maŋ kɔ fo a?

Nshɛ 106:14

Ajibi be kayɛlgagboŋ daŋ pɛ bumo ashi keshishɛrsawule na so nna nɛ b wora Ebɔrɛ ŋ keni.

Nshɛ 106:26

Amoso e daŋ kpele bumo kusoe kenishipereso nna fanɛ e beeŋ shin nɛ b wu n tɔr keshishɛrsawule na so.

Nshɛ 78:41

B daŋ baa wɔtɔ nna a wora mo a keni, nsaa wɔtɔ Israɛl be Ebɔrɛ cheembi na ebesa to.

Ɛksodɔs 14:11

Kumo be kaman nɛ b kilgi m bishi Mosis le: “Nchaŋana ka maŋ wɔ Ijipt to bre so nɛ fo keta anyi m ba keshishɛrsawule ere so fanɛ an baa wu ere a? Manɛ so nɛ fo wora anyi loŋ n lara anyi ashi Ijipt to ere?

Ɛksodɔs 15:24

Nɛ basa na naŋ fara a fubel a kaŋɛ Mosis le: “To, nnɛ nɛ anyeeŋ nya nchu n nuu?”

Ɛksodɔs 16:2

Ndoŋ nna nɛ Israɛlebi na kikɛ naŋ fara a fubel a malga a gbiti Mosis nɛ Ɛɛrɔn

Ɛksodɔs 17:2

Ndoŋ nna nɛ baa fubel a kaŋɛ Mosis le: “Sa anyi nchu nɛ an nuu.” Ndoŋ nna nɛ Mosis bishi bumo: “Manɛ nna nɛ menyee fubel loŋ? Manɛ nna nɛ menyee wora Enyɛnpe Ebɔrɛ na a keni?”

Ɛksodɔs 17:3

Ama ŋkpal achukoŋ ka daa kɔ basa na ga so b baa bile asheŋ nna nsaa malga a gbiti Mosis a bishi mo: “Manɛ nna bre nɛ fo lara anyi ashi Ijipt m ba kaa shin nɛ fo ta achukoŋ m mɔ anyi nɛ an be mbia nɛ asɔbɔya kikɛ ere?”

Ɛksodɔs 17:7

Nɛ Mosis nase kaboŋ na be ketre Masa nɛ Meriba, ŋkpal Israɛlebi na ka daŋ malga ŋ gbiti Enyɛnpe Ebɔrɛ nseŋ wora mo ŋ keni saŋɛ nɛ b bishi fanɛ Enyɛnpe Ebɔrɛ na wɔ anyi kutɔ nna ere ŋko e maŋ wɔtɔ na so so.

Ɛksodɔs 32:1

Mosis ka daŋ chɛr kebee na so nsaa maŋ ba manaŋ na nɛ basa na ba shɛr ŋ kulti Ɛɛrɔn nseŋ kaŋɛ mo: “Koso n lɔŋɛ ebɔrɛ ko n sa anyi nɛ e baa juŋkpar anyi. Ŋkpal manɛ so, anyi maŋ nyi kusɔ nɛ k wora Mosis, nɛ e juŋkpar anyi n lar Ijipt be kasawule so na.”

Ɛksodɔs 5:21

Ndoŋ nna nɛ b kaŋɛ bumo le: “Enyɛnpe Ebɔrɛ gbagba wu kusɔ nɛ men wora anyi nna na. Mo alɛ beeŋ gberge menyi kusoe, ŋkpal men ka shin nɛ ewura Fɛɛro nɛ mbe basa nya agbo n wora anyi nseŋ sa bumo ekpa fanɛ b mɔ anyi na so.”

Aizaaya 42:20

Fo, Israɛl, wu asɔ damta ga, ama fo alɛ be lakal maŋ wɔ amo to. Fo kɔ asoe nɛ a beeŋ tiŋ n nu asheŋ, ama fo alɛ maŋ kaŋ asoe n nu shɛŋ.”

Danɛl 1:20

Asheŋ kikɛ nɛ ewura na daŋ baŋ bishi, e daa wu nna fanɛ mbia ana na nyi asheŋ nsaa pin asheŋ to alɛ kudu a chɔ mbe belejipo nɛ ŋkilgiwuraana nɛ b wɔ mbe efuli so kikɛ.

Malakai 3:15

Naniere bre, ŋkpensheŋ wuraana na nɛ anyeeŋ kaŋɛ fanɛ baa nya nɛfa. Belubiworapoana gba bee wora Ebɔrɛ nna a keni nsaa ta bumo be amu a ji.’ ”

Nɔmbɛs 11:1

Israɛlebi na fara nna a fubel a bile asheŋ ŋkpal awurfoŋ nɛ b daa ji so. Enyɛnpe Ebɔrɛ ka nu bumo be nfubel na nɛ e nya agbo nseŋ shin nɛ edɛ ba bumo to m ba chɔɔ bumo be keeyi na to be ekarso.

Nɔmbɛs 11:4

Kachako nɛ befɔ nɛ b daŋ tu Israɛlebi na a yɔ na fara a yɛlga ajibi ko kenishipereso, ndoŋ nna nɛ Israɛlebi na gba fara a fubel a bile asheŋ a kaŋɛ le: “Anyi maŋ nya eblaŋ kikɛ nɛ an we!

Nɔmbɛs 12:1

Miriam nɛ Ɛɛrɔn daŋ malga nna ŋ gbiti Mosis ŋkpal e ka ta Kush be efuli so be eche so.

Nɔmbɛs 14:11

Ndoŋ nna nɛ Enyɛnpe Ebɔrɛ kaŋɛ Mosis le: “Emamachisheŋ damta nɛ n wora n sa basa ere kikɛ ere, b kraŋ kini keyirda ma nsaa keni ma jiga a?

Nɔmbɛs 14:2

nseŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “An daŋ wu Ijipt be kasawule so ŋko keshishɛrsawule ere so be kakpa ko gba, k daa beeŋ par anyi!

Nɔmbɛs 32:12

Jefune nɛ e la Keniz be esa na pibinyɛn Kalɛb nɛ Nun pibinyɛn Joshuwa nawule e daŋ ji kashenteŋ n sa Enyɛnpe Ebɔrɛ na.

Matiu 4:7

Nɛ Yesu kaŋɛ mo le: “Le nɛ abɔrɛsibɛ na gba bee kaŋɛ: ‘Sa maŋ kaŋ wora Enyɛnpe fo Ebɔrɛ ŋ keni kikɛ.’ ”

1 Kɔrintebi 10:5

Ama bumo be galeŋga be asheŋ daa maŋ par Ebɔrɛ, amoso, e daŋ shin nɛ bumo be eyurana pesaŋ m pesaŋ to nna n dese kiyi na to.

1 Kɔrintebi 10:9

A maŋ daga fanɛ an wora Enyɛnpe na ŋ keni fanɛ kananɛ bumo be beko daŋ wora nɛ awɔ daŋ duŋ n duŋ bumo m mɔ na.

Ditɛronɔmi 9:7

Men sa maŋ kaŋ teŋ kananɛ men daŋ shin nɛ Enyɛnpe menyi be Ebɔrɛ na nya agbo ashi keshishɛrsawule na so na. Yili kachɛ nɛ men lar Ijipt be efuli so m ba fo nfe, men baa la basa nɛ menyee lar Enyɛnpe Ebɔrɛ na kaman nna.

Hibruwebi 3:9

Ebɔrɛ yɛ: Ndoŋ nɛ men nananyɛnana daŋ chɔ ma ŋ keni nseŋ daŋ wora ma ŋ keni na. Ama bumo alɛ daŋ wu kusɔ nɛ ma Ebɔrɛ daŋ wora nfɛ adena na kikɛ to.