Nɔmbɛs 14:21 - EBƆRƐ BE KAWƆL

²¹ Ama ŋkpal ŋ ka wɔ ŋkpa to nɛ ma kemaŋkura bɔlɔ durnya ere to kikɛ so,

Nɔmbɛs 14:21 ပူးပေါင်းရင်းမြစ်များ

Nshɛ 57:6

Bedoŋ bee fe ma ajigbelɛ nna a da ma a lɛ. Baa kur amaŋ chiŋgeliŋ ma ekpa to nna, nsaa kilgi a tɔr amo to bumo gbagba.

Nshɛ 72:19

Anyeeŋ baa kpaŋ fo ketre nɛ k kɔ kemaŋkura na jemanɛ kikɛ. Shin nɛ fo kemaŋkuragboŋ na e dii efuli durnya ere be kaplɛkama. Amɛn! Amɛn!

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Aizaaya 49:18

Keni ŋ kulti fo! Feeŋ wu fo basa ka bɛta a ba epe. Ma, Enyɛnpe Ebɔrɛ ka baa wɔtɔ ere bre, feeŋ baa puchi fo basa so nsaa wu fo kumu, fanɛ kananɛ kejafɔche bee ta mbe abitasɔ a mea to nsaa ji kebita a ŋini basa na.

Aizaaya 6:3

Bumo alɛ daa ponte awɔrso nna a shoŋi abar a kaŋɛ le: “Enyɛnpetale Ebɔrɛ na nawule e du cheembi! Mbe kemaŋkura e bɔlɔ durnya kikɛ nyam to.”

Jɛremaya 22:24

Nɛ Enyɛnpe Ebɔrɛ na naŋ kaŋɛ ewura Jehowachin nɛ e sɔ mo tuto Ewura Jehowakim so a ji Juda be kuwura na le: “Ŋ ka baa la Enyɛnpe Ebɔrɛ nɛ e bee sa ŋkpa ere, nɛ fo e la kepinibi nɛ mee wɔtɔ ma enɔjiso to a ŋini ma kuwurji be eleŋ gba, ŋ kraa beeŋ pee fo ma keshilbi to n lɛ.

Ezikɛl 18:3

Naniere kaŋɛ bumo fanɛ ma, Enyɛnpetale Ebɔrɛ nɛ e bee sa ŋkpa na e kaŋɛ na fanɛ b maaŋ naa bɔ loŋ be keŋasa na Israɛl be efuli so.

Ezikɛl 20:36

Kananɛ n ji men tutoana demu Ijipt be efuli so be kiyi to nɛ b ji n tɔr nɛ ŋ gberge bumo kusoe na nɛ meeŋ ji menyi alɛ gba demu. Ma, Enyɛnpetale Ebɔrɛ e kaŋɛ na.

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Ezikɛl 33:27

Kaŋɛ bumo fanɛ ŋ ka la Enyɛnpetale Ebɔrɛ nɛ e bee sa ŋkpa so, mee fɛa basa nɛ b kraa wɔ nde bureso na to na so nna nsaa kaŋɛ bumo fanɛ baaŋ wu kena to. Kumo be kaman nɛ kupuŋ to be asɔbɔya lubi e pɛ bumo nɛ b wɔ ndekarso na n we, nɛ kulɔ e mɔ bumo nɛ bumo alɛ ŋana a wɔ abee so nɛ abeelaŋ to na.

Ezikɛl 5:11

Ma, Enyɛnpetale Ebɔrɛ na, e naa bɔ ntaŋ a kaŋɛ fanɛ, ŋkpal men ka ta menyi be agbirana nɛ aworbi lubiana n shin nɛ ma bɔrɛlambu ki kakpa nɛ esa maaŋ naŋ tiŋ n shuŋ ma ndoŋ so, m maaŋ wu menyi kuwɔr ŋko n shu menyi so ŋko n shin nɛ men nya menyi be amu n ya ji kikɛ.

Habakuk 2:14

Ama kananɛ teku baŋ bɔlɔ nchu n sɔ kaplɛkama a dese na, aloŋ nɛ basa be kebaanyi Enyɛnpe Ebɔrɛ na be kemaŋkura be asheŋ beeŋ ba sɔ kasawule ere kikɛ so.

Zefanaiya 2:9

Ŋ ka baa la Enyɛnpe Ebɔrɛ nɛ e bee sa ŋkpa nsaa la Israɛl be Ebɔrɛ ere, m bɔ ntaŋ fanɛ Mowab nɛ Ammɔn be basa beeŋ mur fanɛ ndegboŋ nɛ baa tre Sodɔm nɛ Gomɔra na. Mowab nɛ Ammɔn be nsawule beeŋ ki kakpa nɛ basa beeŋ baa kur nfɔl nɛ afitiri e sɔ ndoŋ kikɛ. Ma basa nɛ baaŋ ji efute na beeŋ suge bumo be kasawule nɛ asɔ kikɛ eleŋso.”

Nɔmbɛs 14:28

Kaŋɛ bumo fanɛ meeŋ wora bumo kusɔ nɛ b kaŋɛ gbagba. Ma Enyɛnpe Ebɔrɛ na e malga na.

Matiu 6:10

n shin nɛ fo Kuwurgboŋ na e ba, n shin nɛ basa e baa wora fo aparsheŋ durnya ere to fanɛ kananɛ k du ebɔrɛso na.

Ditɛronɔmi 32:40

Ma e la Ebɔrɛ nɛ e bee sa ŋkpa; ma e maŋ ma enɔ so m bɔ ntaŋ