Nɔmbɛs 14:10 - EBƆRƐ BE KAWƆL

¹⁰ Ŋkpal kusɔ nɛ Joshuwa nɛ Kalɛb kaŋɛ na so Israɛlebi na daa sha kekpa bumo ajembu nna m mɔ, ama epul na to nɛ Enyɛnpe Ebɔrɛ be kemaŋkura lar Israɛlebi na so nseŋ buu Enyɛnpe be wajɛbu cheembi na so.

Nɔmbɛs 14:10 ပူးပေါင်းရင်းမြစ်များ

Ɛksodɔs 16:10

Ɛɛrɔn ka bee malga a sa Israɛlebi na nɛ b keni keshishɛrsawule na be kaba so n wu Enyɛnpe be kemaŋkura ka bee nyaŋɛ kuwɔlpa to epul na to.

Ɛksodɔs 16:7

Echefo chipurso menyeeŋ wu Enyɛnpe Ebɔrɛ na be kemaŋkura, ŋkpal manɛ so, e nu menyi be mmalga nɛ menyee malga a gbiti mo na kikɛ. Mo nɛ men daa malga ŋ gbiti na, mannɛ anyi.”

Ɛksodɔs 17:4

Asheŋ na ka daŋ ki loŋ na nɛ Mosis shu n tre Enyɛnpe Ebɔrɛ m bishi mo: “Nuso nɛ meeŋ wora basa ere? A ka gbrɛbi nɛ b kpa ma ajembu m mɔ nna na.”

Ɛksodɔs 40:34

Nɛ kuwɔlpa ba buu Enyɛnpe be wajɛbu na so nɛ Enyɛnpe Ebɔrɛ be kemaŋkura ba bɔlɔ kumo to.

Levitikɔs 9:23

Kumo be kaman nɛ Mosis nɛ Ɛɛrɔn luri wajɛbu na to. B ka lar m ba nɛ b nɛfa basa na nɛ Enyɛnpe Ebɔrɛ na be kemaŋkura fulto ndoŋ nɛ basa na kikɛ wu kumo.

Nɔmbɛs 16:19

Nɛ Koora shin nɛ Israɛlebi na kikɛ gbargbar abar m ba yili Mosis nɛ Ɛɛrɔn be anishito ashi wajɛbu na be kabuna. Epul na to nɛ Enyɛnpe Ebɔrɛ be kemaŋkura lar basa na kikɛ so,

Nɔmbɛs 16:42

B ka ba abar so nɛ b ba malga ŋ gbiti Mosis nɛ Ɛɛrɔn na, nɛ b keni wajɛbu na be kaba so, nseŋ wu Enyɛnpe Ebɔrɛ be kemaŋkura ka bɔla kuwɔlpa to m ba buu kumo so.

Nɔmbɛs 17:7

Nɛ Mosis ta akpabi na kikɛ n nase Enyɛnpe Ebɔrɛ be ŋkre be deka na be anishito ashi wajɛbu na to.

Nɔmbɛs 20:6

Ndoŋ nna nɛ Mosis nɛ Ɛɛrɔn lar basa na kutɔ n ya gbir wajɛbu na be kabuna a kule Ebɔrɛ nɛ Enyɛnpe Ebɔrɛ be kemaŋkura lar bumo so.

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

Ashuŋ Shunso 7:59

B daŋ kraa wɔ kekpa Stiven ajembu to nna nɛ e kule Enyɛnpe le: “Enyɛnpe Yesu, shin nɛ ma kiyoyu e ba fo kutɔ.”

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.