Nɔmbɛs 14:1 - EBƆRƐ BE KAWƆL

¹ Israɛlebi na ka nu baru nɛ basa nɛ b ya dara Keenan be kasawule na bar na, nɛ b shu kagbenejijaso ga loŋ be kanyɛ na kikɛ

Nɔmbɛs 14:1 ပူးပေါင်းရင်းမြစ်များ

Nshɛ 106:25

B daŋ kini kewora Ebɔrɛ kasonu nna, nseŋ daa munto a bile asheŋ ashi bumo be ewajɛbu to.

Nshɛ 78:32

Ama amo nɛ amo kikɛ, b kraa wora alubi nna. Emamachisheŋ nɛ Ebɔrɛ wora na kikɛ be kaman, b kraa maŋ yirda mo.

Ɛksodɔs 13:17

Saŋɛ nɛ ewura Fɛɛro daŋ sa Israɛl be basa ekpa fanɛ b yɔ na, Ebɔrɛ daa maŋ juŋkpar bumo m bɔla ekpa shiimbi ashi Filistiebi be kasawule so, ŋkpal manɛ so, le nɛ Ebɔrɛ daŋ fɛ: “Nɛ Filistiebi kaŋ ya kre kena n tu bumo, baaŋ chɛrga bumo be nfɛra m bɛta n yɔ Ijipt.”

Ɛksodɔs 33:4

Basa na ka nu loŋ be baru lubi na nɛ b fara a shu keeli nsaa lara bumo be shuwa be abitasɔ nɛ b daŋ wɔtɔ na a lɛ.

Nɔmbɛs 13:13

Maikel pibinyɛn Sɛtuur shi Ashɛr be yiri to nɛ

Nɔmbɛs 13:33

An ka wu basa tenteŋ gboŋgboŋi nɛ b shi Anak be kanaŋ to na, an ki fanɛ alonte nna ashi bumo be anishito.”

Nɔmbɛs 14:2

nseŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “An daŋ wu Ijipt be kasawule so ŋko keshishɛrsawule ere so be kakpa ko gba, k daa beeŋ par anyi!

Ditɛronɔmi 1:26

Ama men kini kewora Enyɛnpe menyi be Ebɔrɛ na kasonu nseŋ kini keyɔ kasawule na so.

Ditɛronɔmi 1:45

Kumo be kaman nɛ men shu n tre Enyɛnpe Ebɔrɛ na fanɛ e chɛ menyi to, ama e daŋ maŋ nu n sa menyi.

Ditɛronɔmi 9:23

Kumo be kaman na, Enyɛnpe Ebɔrɛ na daŋ naŋ kaŋɛ bumo ashi Kadɛsh Bania nna fanɛ b yɔ n ya kɔ n sɔ kasawule nɛ e bee ta a sa bumo na, ama ŋkpal b ka maŋ yirda mo so, b lar mo kaman nna nseŋ kini kewora mbe mbraana kasonu.

Joshuwa 14:8

Basa nɛ ma nɛ bumo daŋ yɔ na daŋ ta kufu damta nna n wɔtɔ anyi be basa to. Ama ma ere daŋ wora Enyɛnpe Ebɔrɛ na kasonu nna kashenteŋto.

1 Samuɛl 30:4

nɛ b shu ga hale n ya chɛl pɔɛŋ nseŋ yige.