Nɔmbɛs 13:33 - EBƆRƐ BE KAWƆL

³³ An ka wu basa tenteŋ gboŋgboŋi nɛ b shi Anak be kanaŋ to na, an ki fanɛ alonte nna ashi bumo be anishito.”

Nɔmbɛs 13:33 ပူးပေါင်းရင်းမြစ်များ

Jɛnesis 6:4

Jemanɛ na so nɛ kumo be kaman nɛ basa ko nɛ b daa tre Nefilebi nɛ b la basa tenteŋ nsaa kɔ eleŋ a kɔ kena ga nɛ basa kikɛ bee sa bumo bunyaŋ ga na daa wɔ durnya to. Le be saŋɛ ere nɛ Ebɔrɛso be asɔtoso nyɛnsoana daa ta edimɛdi be bibichesobiana a kurge mbia na.

1 Kronikɛls 11:23

E daŋ mɔ Ijipt be kanyɛn gboŋgboŋi ko nɛ mbe nteŋ du fanɛ ayadra ashunu nɛ bargato nɛ e daŋ keta kekpa gboŋgboŋi ko a kɔ mo, ama Bɛnaya bre daŋ ta kaprɛ nna ŋ kɔ mo nseŋ suge Ijipt be esa na be kekpa na ashi mbe enɔ to nseŋ mɔ mo.

Aizaaya 40:22

Esa nɛ e chena mbe kuwurputi so ashi durnya be esoso nɛ k baŋ awɔlpa so na e to durnya. Basa nɛ b wɔ kumo to na du fanɛ atutulombi mo kutɔ nna. Mo e parga kuwɔlpa to fanɛ patisa, ŋko fanɛ wajɛbu nɛ esa e chena to na.

Nɔmbɛs 13:22

B ka bɔla kelargato be kaseto be kaba so a yɔ na nɛ b ya tu kade ko nɛ baa tre Hibrɔn. Ndoŋ nɛ b tu Ahiman nɛ Shishai nɛ Talmai nɛ b shi basa tenteŋ gboŋgboŋi nɛ baa tre Anakebi be kanaŋ to na. Hibrɔn daŋ chena nfɛ ashunu nna pɔɛŋ nɛ Zowan nɛ k wɔ Ijipt be efuli so na chena.

Nɔmbɛs 13:28

Ama basa nɛ b wɔ ndoŋ na kɔ eleŋ ga nseŋ pɔr egbal ŋ kulti ndegboŋ nɛ a wɔ ndoŋ na kikɛ nɛnɛ. An wu Anak be kanaŋ to be basa tenteŋ gboŋgboŋi lempoana gba ndoŋ.

Nɔmbɛs 14:1

Israɛlebi na ka nu baru nɛ basa nɛ b ya dara Keenan be kasawule na bar na, nɛ b shu kagbenejijaso ga loŋ be kanyɛ na kikɛ

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

Ditɛronɔmi 2:10

(Pɔɛŋ nɛ Enyɛnpe Ebɔrɛ na ta kasawule na n sa Mowabebi na, edimɛdi be yiri ko nɛ b daŋ pɔlto nsaa du jeŋgreŋ jeŋgreŋ nɛ b daa tre bumo Emim, e daa wɔ Ar. B daŋ pɔlto nsaa du jeŋgreŋ jeŋgreŋ nna fanɛ edimɛdi be yiri ko nɛ baa tre Anak na.

Ditɛronɔmi 3:11

(Ewura Ɔg e daŋ ka edimɛdi be yiri nɛ baa tre Refaebi na be esa lalalogesopo. Kejembu nɛ b daŋ ta n lɔŋɛ deka nɛ b ta m puli mo na. Kumo be nteŋ daa sa fanɛ ayadra kuduana nɛ kumo be mparto malɛ daa sa fanɛ ayadra ashe, nɛ esa kraa beeŋ wu kumo ashi Ammɔnebi be kadegboŋ nɛ baa tre Rabba na to.)

Ditɛronɔmi 9:2

Basa na gbagba wɔ nteŋ nsaa kɔ eleŋ a chɔ menyi, nɛ menyi alɛ bee nu fanɛ esa kama maŋ tiŋ n tu bumo ŋ kɔ m pɔɔ so.

Joshuwa 11:21

Loŋ be jemanɛ na so nɛ Joshuwa ya kɔ nseŋ mur basa tenteŋ gboŋgboŋi nɛ baa tre Anakebi nɛ b wɔ abee so ashi Hibrɔn nɛ Debir nɛ Anaab nɛ Juda be abee be fuliso kikɛ ashi Israɛl be kasawule so. Joshuwa daŋ kɔ mur bumo nɛ bumo be nde kikɛ nna.

Joshuwa 14:12

Naniere ta kebeeso be efuli nɛ Enyɛnpe Ebɔrɛ nase kɔnɔ kamɔnchɛ afanɛ e beeŋ sa ma na n sa ma. An teŋ kaŋɛ fo fanɛ basa tenteŋ gboŋgboŋi nɛ baa tre Anakebi na e wɔ ndegboŋ nɛ b pɔr egbal ŋ kulti na to ashi efuli na kikɛ so. Ashere Enyɛnpe Ebɔrɛ beeŋ yili ma kaman nɛ n ju bumo n lar fanɛ kananɛ Enyɛnpe Ebɔrɛ kaŋɛ na gbagba chap.”

Joshuwa 15:14

Ndoŋ nna nɛ Kalɛb ju Anak be kaman to ebi na ashi Hibrɔn be kade to. Bumo e daa la Shishai nɛ Ahiman nɛ Talmai be mbuna na.

1 Samuɛl 17:24

Israɛl be benapo na ka wu Goliɛf, nɛ kufu pɛ bumo nɛ bumo kikɛ shile.

1 Samuɛl 17:42

keni n wu fanɛ e la kabrantiɛbia nna nsaa walɛ kayɛrbi, nɛ e wora mo eyurto