Nɔmbɛs 13:31 - EBƆRƐ BE KAWƆL

³¹ Ama le nɛ basa nɛ bumo nɛ Kalɛb yɔ na daŋ kaŋɛ: “Anyi maaŋ tiŋ n tu basa na ŋ kɔ kena, ŋkpal manɛ so, b kɔ eleŋ a chɔ anyi.”

Nɔmbɛs 13:31 ပူးပေါင်းရင်းမြစ်များ

Nɔmbɛs 13:30

Ndoŋ nna nɛ Kalɛb kaŋɛ jimaŋ nɛ baa fubel a bile asheŋ a malga a gbiti Mosis na fanɛ b wushi eyur, nseŋ kaŋɛ bumo le: “Men shin nɛ an ya kɔ n sɔ kasawule na. Anyeeŋ tiŋ m pɔɔ bumo so.”

Nɔmbɛs 32:7

Men wora loŋ, menyeeŋ shin nɛ Israɛlebi na be aba e pɔ nɛ b kini kedii Jɔɔdan be lɔr na n yɔ kasawule nɛ Enyɛnpe Ebɔrɛ ta n sa bumo na so.

Nɔmbɛs 32:9

B daŋ yɔ nna n ya fo Eshkɔl be ketaŋɛ na nseŋ yili ndoŋ ŋ keni kasawule na nseŋ bɛta m ba kaŋɛ Israɛlebi na fanɛ b maaŋ tiŋ n yɔ kasawule nɛ Enyɛnpe Ebɔrɛ ta n sa bumo na so.

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

Ditɛronɔmi 9:1

Israɛlebi, men nu nfe! Menyee sha kedii lɔrgboŋ nɛ baa tre Jɔɔdan na nna n ya kɔ n sɔ efuliana nɛ amo be basa kɔ eleŋ a chɔ menyi be kasawule n chena so na. Bumo be ndegboŋ kɔ egbalana nɛ amo be jeŋgreŋ du fanɛ a kaa bee chute awɔlpa nna.

Hibruwebi 3:19

To, an wu fanɛ b ka daa maŋ tiŋ n luri Ebɔrɛ be kewushi na to na yirda nɛ b daa maŋ kɔ so.

Joshuwa 14:8

Basa nɛ ma nɛ bumo daŋ yɔ na daŋ ta kufu damta nna n wɔtɔ anyi be basa to. Ama ma ere daŋ wora Enyɛnpe Ebɔrɛ na kasonu nna kashenteŋto.

1 Samuɛl 17:33

Nɛ Sɔɔl kaŋɛ le: “M-m, fo maaŋ tiŋ n tu kanyɛn ere ŋ kɔ kikɛ, ŋkpal manɛ so kabrantiɛbia e kraa la fo, ama kanyɛn ere bre be kebia to kikɛ nɛ e kɔ kena hale m ba fo kabre!”