Nɔmbɛs 13:29 - EBƆRƐ BE KAWƆL

²⁹ Amalɛkebi e chena kasawule na be kelargato be kaseto be kaba so, nɛ Hitebi nɛ Jebusiebi nɛ Amɔriebi malɛ chena kebee be efuli na be kaba so; nɛ Keenanebi malɛ chena m mata Teku nɛ baa tre Mɛditerenia na nɛ Jɔɔdan be lɔr na be ekarso.”

Nɔmbɛs 13:29 ပူးပေါင်းရင်းမြစ်များ

Jɛnesis 14:7

Kede be kaman nɛ b bɛta kaman m ba Ɛn Mishpat. (Kumo e la Kadɛsh na) Ndoŋ nna nɛ b naŋ ya kɔ n sɔ Amalɛkebi be nsawule kikɛ nseŋ naŋ kɔ m pɔɔ so Amɔriebi nɛ b daa wɔ Hazazɔn Tamaa na malɛ so.

Nehemaya 9:8

Ŋkpal e ka daa ji kashenteŋ a sa fo so fo nɛ mo daŋ wora kɔnɔkoŋwule be ŋkre nna fanɛ feeŋ ta Keenanebi nɛ Hitebi nɛ Amɔriebi nɛ Pɛrizebi nɛ Jebusiebi nɛ Giigaebi be nsawule n sa mbe kaman to ebi. Naniere fo wora fo kɔnɔ naseso na m bɔlɔ so fanɛ kananɛ fee wora saŋkikɛ na.

Nshɛ 83:7

nɛ basa nɛ b shi Gebal nɛ Ammɔn nɛ Amalɛk be efuliana so, nɛ Filisti nɛ Tayɛ be ndegboŋana to.

Ɛksodɔs 3:17

Ma alɛ yili kumo fanɛ meeŋ lara menyi ashi tɔrɔ nɛ menyee ji ashi Ijipt be efuli so na to n yɔ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi be nsawuleana so. Loŋ be nsawule na e kɔ kanya alegaiso nsaa wora ajibi nɛnɛ.”

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Nɔmbɛs 13:17

Pɔɛŋ nɛ Mosis shuŋi bumo Keenan be kasawule so na, le nɛ e daŋ kaŋɛ bumo: “Men yili nfe m bɔla Keenan be keshishɛrsawule na be kelargato be kaseto be kaba so n sɔ to kelargato be esoso be kaba so n ya luri kebee be efuli na so.

Nɔmbɛs 13:30

Ndoŋ nna nɛ Kalɛb kaŋɛ jimaŋ nɛ baa fubel a bile asheŋ a malga a gbiti Mosis na fanɛ b wushi eyur, nseŋ kaŋɛ bumo le: “Men shin nɛ an ya kɔ n sɔ kasawule na. Anyeeŋ tiŋ m pɔɔ bumo so.”

Nɔmbɛs 14:25

Ŋkpal Amalɛkebi nɛ Keenanebi na ka tase ataŋɛ nɛ a wɔ men be anishito na so, echefo men kilgi n sɔ keshishɛrsawule na so m bɔla teku peper na be kaba so.”

Nɔmbɛs 14:43

Menyi nɛ Amalɛkebi nɛ Keenanebi na baŋ ya ka kɔ, Enyɛnpe Ebɔrɛ na beeŋ lar menyi kaman nɛ b pɔɔ menyi so m mɔ menyi ŋkpal men ka maŋ wora mo kasonu so.”

Nɔmbɛs 14:45

Ndoŋ nna nɛ Amalɛkebi nɛ Keenanebi nɛ b wɔ kebee so be efuli na so na kɔ m pɔɔ bumo so nseŋ ju bumo hale n ya fo kade nɛ baa tre Hɔɔma na.

Nɔmbɛs 24:20

Balaam ka ku bɔrɛdare n wu Amalɛkebi na, nɛ e kaŋɛ le: “Amalɛk e daa la efuliana ere be kelempo, ama saŋko k beeŋ mur cheche.”

Ditɛronɔmi 20:17

Ŋkpal manɛ so, Enyɛnpe Ebɔrɛ na teŋ yili kumo fanɛ men mur Hitebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi na kikɛ nna.

Ditɛronɔmi 7:1

Ndoŋ nna nɛ Mosis naŋ kaŋɛ: “Israɛlebi, Enyɛnpe menyi be Ebɔrɛ na beeŋ chɛ menyi to nɛ men suge Hitebi nɛ Giigashebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi be nsawule. Efuli ashunu ere be kekama be basa shibi nsaa kɔ eleŋ a chɔ menyi Israɛlebi, ama nɛ men kre kena n ya tu bumo,

Joshuwa 10:5

Amoso Amɔriebi be bewura anu nɛ b shi Jerusalɛm nɛ Hibrɔn nɛ Jaamɔf nɛ Lakish nɛ Iglɔn na be benapo daŋ ba abar so nna nɛ b ba kɔ Gibiɔnebi kena.

Joshuwa 10:6

Kubɔya nɛ Gibiɔnebi na daŋ shuŋi ŋ kaŋɛ Joshuwa ashi Gilgaal be keeyi to e daa la: “Men sa maŋ yige anyi n lɛ. Men ba mɔlga anyi manaŋ! Men ba naniere m ba chɛ anyi to, ŋkpal manɛ so, Amɔriebi be bewura nɛ b shi kebee so be efuli so na kikɛ chɛ abar nna a kɔ anyi kena.”

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

Joshuwa 5:1

Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.

Joshuwa 9:1

Bewura nɛ b wɔ Jɔɔdan be lɔr na be epeŋitɔrkpa be efuli nɛ k wɔ abee be kaba so nseŋ kra Mɛditerenia be teku na be kepla n ya fo Lebanɔn na daŋ nu Israɛlebi be kekɔmpɔɔso na be asheŋ nna. B daa la Hitebi nɛ Amɔriebi nɛ Keenanebi nɛ Pɛrizebi, nɛ Hivebi nɛ Jebusiebi be bewura nna.

Demujipoana 3:5

Israɛlebi na daŋ tu Keenanebi na nɛ Hitebi na nɛ Amɔriebi na nɛ Pɛrizebi na nɛ Hivebi na nɛ Jebusebi na kikɛ n chena nna.

Demujipoana 6:3

Jemanɛ kikɛ nɛ Israɛlebi na baŋ ya dɔ n duu bumo be adɔjibi, Midianebi nɛ Amalɛkebi nɛ basa nɛ b wɔ keshishɛrsawule be epeŋilarkpa be kaba so na, bee ba nna m ba kaa kɔ bumo.

1 Samuɛl 14:48

E daŋ kɔ kena kenyɛnso nna ga hale m pɔɔ Amalɛk be basa so. Mo e daŋ mɔlga Israɛl be basa ashi basa nɛ baa ta kena a purgi basa a suge bumo be asɔ na kutɔ.

1 Samuɛl 27:8

Loŋ be saŋɛ na, Deevid nɛ mbe basa daa kre kena n ya kaa purgi Gɛshur nɛ Girzi nɛ Amalɛk be basa nɛ b daŋ chena efuli na so n chɛr ga na a suge bumo be asɔ nna. E daa yili Shur nna a wora loŋ hale n ya ka fo Ijipt be kasawule so kikɛ,

1 Samuɛl 30:1

Kachɛ sasopo na nɛ Deevid nɛ mbe basa luri Ziklag. Ama saŋɛ nɛ Deevid nɛ mbe basa daa maŋ wɔ ndoŋ na, Amalɛkebi na daŋ kre kena nna n ya purge Juda be kelargato be kaseto be kaba so ebi na hale ŋ kɔ Ziklag n chɔɔ kade na kikɛ

1 Samuɛl 7:14

Nɛ Israɛl be nde nɛ a wɔ Ekrɔn nɛ Gaaf be kefɛato nɛ Filistiebi daŋ sɔ na kikɛ naŋ laŋɛ ŋ ki Israɛlebi peya. Nɛ kagbenewushi malɛ ba Amɔriebi na nɛ Israɛlebi na be kefɛato.