Nɔmbɛs 13:23 - EBƆRƐ BE KAWƆL

²³ Basa nɛ b shuŋi na ka fo ketaŋɛ nɛ baa tre Eshkɔl na to, nɛ b ku kesɔrso nɛ baa tre greep na be asɔrso be keyabi. Ŋkpal k ka daa shibi ga nsaa wɔ egbɛ so b daŋ ta kumo nna n deŋi kedibi so nɛ basa anyɔ cha abar n sulɔ kumo bumo be abatimu so a nite. B daŋ ta kedibi nɛ baa tre pomegranates na be asɔrso nɛ figidibi be asɔrso gba nna n ti kumo so.

Nɔmbɛs 13:23 ပူးပေါင်းရင်းမြစ်များ

Jɛnesis 14:13

Ama kanyɛn ko bre daŋ nya mbe kumu n shile nseŋ ya kaŋɛ Eebram, Hibruw be esa na, asheŋ nɛ a daŋ wora na kikɛ. Eebram malɛ daŋ chena m mata ndibigboŋ ko nɛ a daa la Amɔriebi be esa ko nɛ baa tre Mamre na peya. Mamre nɛ mo sipoana Ɛshkɔl nɛ Anɛr nɛ Eebram daŋ yili kumo nna fanɛ baaŋ baa chɛ abar to.

Nɔmbɛs 13:24

B daŋ nase kaboŋ na Eshkɔl be ketaŋɛ nna ŋkpal Israɛlebi na ka daŋ ku greep be asɔrso nɛ a chɛ gbi gbi ndoŋ so.

Nɔmbɛs 32:9

B daŋ yɔ nna n ya fo Eshkɔl be ketaŋɛ na nseŋ yili ndoŋ ŋ keni kasawule na nseŋ bɛta m ba kaŋɛ Israɛlebi na fanɛ b maaŋ tiŋ n yɔ kasawule nɛ Enyɛnpe Ebɔrɛ ta n sa bumo na so.

Ditɛronɔmi 8:8

K la kasawule nɛ k beeŋ baa wora ayu nɛ amalo nɛ asɔrso be yiri yiri nsaa kɔ mushoŋ nna ga.

Demujipoana 16:4

Jemanɛ ko, nɛ Samsɔn ba kaa sha kebichebi ko nɛ baa tre Delaila nɛ e shi efuli na be kaba ko nɛ baa tre Sɔrɛk be Ketaŋɛ na.