Nɔmbɛs 12:8 - EBƆRƐ BE KAWƆL

⁸ Ma nɛ mo ere bee wu abar nna nsaa malga abar kutɔ. Mannɛ aŋasa to nɛ mee malga mo kutɔ. E nyi kananɛ ma kapɔr du kikɛ! Amoso men maŋ kɔ ekpa nɛ men malga ŋ gbiti ma kayɛrbi Mosis!”

Nɔmbɛs 12:8 ပူးပေါင်းရင်းမြစ်များ

Jɛnesis 32:30

Amoso nɛ Jeekɔb daŋ nase kaboŋ na be ketre Peniyɛl na, ŋkpal manɛ so, e yɛ: “N wu Ebɔrɛ kenishiso nfe nna, ma alɛ maŋ wu.”

Nshɛ 17:15

Meeŋ ba fo anishito, ŋkpal manɛ so, m maŋ wora kulubi kikɛ. M baŋ tiŋi nseŋ wu fanɛ fo wɔ ma kutɔ, ma kagbene beeŋ fuli nna.

Nshɛ 49:4

Aŋasa nɛ mee shin nɛ m bɔ, ama meeŋ ŋini amo be afito saŋɛ nɛ mee laŋ jaŋjilaŋ na.

Ɛksodɔs 19:19

Saŋɛ nɛ kabel na kraŋ baa ponte to awɔrso na nɛ Mosis malga Ebɔrɛ kutɔ nɛ Ebɔrɛ bɔla bɔrɛ be keponte na to m malga Mosis kutɔ.

Ɛksodɔs 20:4

Men sa maŋ kaŋ lɔŋɛ kusɔ kama nɛ k wɔ ebɔrɛso ŋko kasawule so ŋko nchu to ashi kasawule be kaseto be kaduli

Ɛksodɔs 33:11

Enyɛnpe Ebɔrɛ na nɛ Mosis daa malga abar kutɔ nna fanɛ esa nɛ mo teri na. Kumo be kaman nɛ Mosis e bɛta m ba keeyi to. Mbe kayɛrbi, nɛ baa tre Joshuwa nɛ e la Nun pibinyɛn na bre daa shir a wɔ nshɛr be wajɛbu na to nna.

Ɛksodɔs 33:19

Nɛ e kaŋɛ Mosis: “Meeŋ shin nɛ ma kemankura kikɛ e bɔla fo anishito n choŋ nɛ n ti ma ketre ŋ ŋini fo. Ma e la Enyɛnpe Ebɔrɛ nɛ mee wu kuwɔr nsaa lara ma kasha a ŋini bekama nɛ n lara na.

Ɛksodɔs 33:23

Kumo be kaman nɛ m bugi ma enɔ ashi fo so nɛ fo wu ma kaman, ama fo maaŋ wu ma anishito bre.”

Ɛksodɔs 34:30

Ɛɛrɔn nɛ Israɛlebi nɛ b ka na kikɛ ka wu kananɛ mbe anishiakpa bee kpa edɛ na, nɛ kufu pɛ bumo nɛ b maŋ tiŋ nɛ b yɔ mo kutɔ.

Aŋasa 1:6

nsaa tiŋ a pin aŋasa nɛ ablɔmbi nɛ mmalga chiŋgeliŋ nɛ benyiashempo be mmalga be atrɔmbi nɛ amo be afito.

Aizaaya 40:18

Esa kikɛ maŋ du fanɛ Ebɔrɛ. Amoso esa maaŋ tiŋ ŋ ŋini kananɛ e du.

Aizaaya 46:5

Kede be kaman, nɛ Enyɛnpe Ebɔrɛ na naŋ kaŋɛ le: “Menyi maaŋ tiŋ n ta ma m ber esa kikɛ, ŋkpal manɛ so, esa kikɛ maŋ du fanɛ ma.

Ezikɛl 17:2

“Dimɛdi pibi, Ezikɛl, bɔ Israɛl be basa na keŋasa

Ezikɛl 20:49

Ndoŋ nna nɛ n fubel ŋ kaŋɛ: “Enyɛnpetale Ebɔrɛ, sa maŋ shin nɛ n wora loŋ! Ekama bee malga a kaŋɛ fanɛ aŋasa nɛ mee bɔ nɛ a bee wul bumo to.”

Hoziya 12:13

Enyɛnpe Ebɔrɛ e shuŋi anebi Mosis fanɛ e ya mɔlga Israɛl be basa kenyaya to ashi Ijipt be kasawule so nseŋ keni bumo so nɛnɛ.

Nɔmbɛs 14:14

baaŋ kaŋɛ basa nɛ b wɔ kasawule ere so kikɛ kumo be asheŋ. Bumo alɛ teŋ nu fanɛ fo Enyɛnpe Ebɔrɛ na wɔ anyi kutɔ nɛ anyi nɛ fo bee malga abar kutɔ, nɛ fo kuwɔlpa buu anyi so nsaa juŋkpar anyi kapaso nɛ fo edɛ be kabulpi malɛ bee juŋkpar anyi kanyɛso.

Nɔmbɛs 7:89

Mosis ka yɔ wajɛbu na to nɛ mo nɛ Enyɛnpe Ebɔrɛ na e ya malga abar kutɔ, nɛ e nu Enyɛnpe Ebɔrɛ be ebɔl ka shi mpɔrduli nɛ baa tre Chɛrubim nɛ b pɔr n yili ŋkre be deka be buuso na so na be nferinto a malga mo kutɔ.

Matiu 13:35

E daŋ wora loŋ nna nɛ kusɔ nɛ anebi ko daŋ kaŋɛ na e bɔla ekpa. Anebi na yɛ: “Ebɔrɛ kaŋɛ: ‘M ba kaa malga bumo kutɔ, aŋasa nɛ meeŋ baa bɔ bumo. Meeŋ bugi asheŋ nɛ a la wulo be asɔ, yili kasɔto be jemanɛ na m ba fo mbre n sa basa.’ ”

Luuk 10:16

Kumo be kaman nɛ e kaŋɛ mbe bebɛsopo: “Esa kama nɛ e bee nu a sa menyi, bee nu a sa ma nna na. Ekama malɛ nɛ e bee kini menyi, bee kini ma nna na. Nɛ ekama malɛ nɛ e kini ma, kini emo nɛ e shuŋi ma na nna na.”

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Baru lela nɛ Jɔn kute na 15:15

M maŋ naa tre menyi ma anya, ŋkpal manɛ so, kenya maa pin mo nyɛnpe be asheŋ woraso to. Naniere bre mee tre menyi n teriana nna, ŋkpal manɛ so, kusɔ kama nɛ ŋ koya ashi n Tuto na kutɔ, m maŋ ta amo ŋ ŋana menyi so.

Baru lela nɛ Jɔn kute na 15:24

Nɛ fanɛ n daa maŋ wora emamachisheŋ nɛ esa kikɛ maŋ naŋ wora ere bumo to nna, b daa maaŋ tɔr alubi be ntaŋ, ama naniere b wu emamachisheŋ ere kikɛ, bumo alɛ kraa kishi ma nɛ n Tuto na kikɛ.

1 Kɔrintebi 13:12

Naniere bre anyee wu asɔ nna lii fanɛ an ka bee keni digi to na. Ama saŋko anyeeŋ wu kusɔ kama kenishiso nɛnɛ. Naniere n nyi asheŋ to gbrɛbi nna, ama saŋko meeŋ pin kusɔ kama to nɛnɛ n loge fanɛ kananɛ Ebɔrɛ nyi ma to na.

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.

Ditɛronɔmi 18:15

Kusɔ nɛ e beeŋ wora e la fanɛ e beeŋ shuŋi anebi ko nɛ e du fanɛ ma nseŋ shi menyi gbagba be basa to nɛ e ba menyi kutɔ. A daga fanɛ men wora loŋ be anebi na kasonu.

Ditɛronɔmi 34:10

Anebi kikɛ maŋ naŋ lar Israɛl be efuli so a du fanɛ Mosis. Mo nɛ Enyɛnpe Ebɔrɛ na daa malga, baa wu abar nna.

Ditɛronɔmi 4:15

Ade be kaman, nɛ Mosis naŋ kaŋɛ Israɛlebi na le: “Enyɛnpe Ebɔrɛ na ka daŋ bɔla edɛ na to m malga menyi kutɔ ashi Sainai be kebee na ase na, men daa maŋ wu mbe kapɔr kikɛ kenishiso. Amoso men baa da so

Ditɛronɔmi 5:8

Men sa maŋ lɔŋɛ kusɔ kikɛ nɛ k wɔ ebɔrɛso ŋko kasawule so ŋko nchu to ŋko kasawule be kaseto be kapɔrduli n sa menyi be amu.

Kɔlɔsiebi 1:15

Ebɔrɛ Pibi na du fanɛ Ebɔrɛ nɛ basa maaŋ tiŋ n wu kikɛ na nna. Mo e la kusɔtoso kikɛ be enimu,

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

Hibruwebi 1:1

Dra na Ebɔrɛ daŋ bɔla anebiana so nna m malga ale damta ashi ekpa damtaana so n sa an nananyɛnana.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

2 Pita 2:10

fɔnfɔŋ bumo nɛ b wɔtɔ a bɛ bumo be eyurana be nyɛlga lubiana so nsaa kini Ebɔrɛ be eleŋ na so. Loŋ be basa na nya kagbene nna a wɔtɔ a wu bumo be amu nsaa tege bebunyampoana nɛ b wɔ ebɔrɛso na ŋkaa maa ŋana,

Juud 1:8

Loŋ koŋwule na malɛ nɛ bumo nɛ b luri menyi to na du. B wɔtɔ nna a ku edare nsaa wora alubi a gbiti bumo gbagba be eyurana, baa kini Ebɔrɛ be eleŋ nsaa tege emalaika mo nɛ b kɔ kemaŋkura ashi ebɔrɛso na.