Nɔmbɛs 12:13 - EBƆRƐ BE KAWƆL

¹³ Ndoŋ nna nɛ Mosis boŋ to awɔrso ŋ kaŋɛ le: “Enyɛnpe Ebɔrɛ, jande, chɛ Miriam!”

Nɔmbɛs 12:13 ပူးပေါင်းရင်းမြစ်များ

Jɛnesis 20:17

Ŋkpal Abimelɛk ka daŋ suge Eebraham be eche Sɛɛra so, Enyɛnpetale daŋ ti mbe laŋ to ebi kikɛ be kakurge nna. Ndoŋ nna nɛ Eebraham kule Ebɔrɛ nɛ Ebɔrɛ chɛ Abimelɛk nɛ mbe eche nɛ mbe anyache kikɛ, saŋɛ na so baaŋ naŋ tiŋ ŋ kurge mbia.

1 Bewura 13:6

Ndoŋ nna nɛ ewura Jeroboam kaŋɛ anebi na le: “Jande kule Enyɛnpe fo Ebɔrɛ na nɛ e chɛ ma enɔ n sa ma!” Nɛ anebi na kule Ebɔrɛ nɛ mbe enɔ na nya alenfia.

Nshɛ 30:2

N shu n tre fo Enyɛnpe ma Ebɔrɛ; nɛ fo chɛ ma to,

Nshɛ 41:4

Enyɛnpe, jande wu ma kuwɔr! Hale ŋ ka wora alubi n da fo so ere gba kikɛ, ta m paŋ ma.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Ɛksodɔs 4:7

Ndoŋ nna nɛ Enyɛnpe Ebɔrɛ naŋ kaŋɛ mo: “Naŋ ta fo enɔ n wɔtɔ fo piŋi to.” Nɛ Mosis naŋ ta mbe enɔ n wɔtɔ mbe piŋi na to. E ka naŋ lara kumo nɛ k naŋ nyalɛ so ŋ ki mbe kayurwule gbagba.

Aizaaya 30:26

Kufɔl beeŋ fuli to parr fanɛ epeŋi nɛ epeŋi malɛ e fuli to ale ashunu so n ti so, a du fanɛ nchɛnshunu be kefulto na. Kachɛ nɛ Enyɛnpe Ebɔrɛ na beeŋ fɔr nseŋ kre mbe basa be achuu nseŋ chɛ bumo be alɔana na nɛ le beeŋ wora.

Jɛremaya 17:14

Enyɛnpe Ebɔrɛ, chɛ ma to nɛ n nya alenfia. Mɔlga ma nɛ n nya ma kumu kashenteŋto. Ŋkpal manɛ so, fo nawule nɛ mee kpaŋ!

Nɔmbɛs 11:2

Ndoŋ nna nɛ basa na shu ŋ ŋini Mosis fanɛ e chɛ bumo to, nɛ e kule Enyɛnpe Ebɔrɛ nɛ edɛ na duŋ.

Nɔmbɛs 12:12

Sa maŋ shin nɛ Miriam be kayurwule e ba du fanɛ kebia nɛ e wu mo nio be epun to pɔɛŋ nɛ b kurge mo be kayurwule.”

Nɔmbɛs 14:2

nseŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “An daŋ wu Ijipt be kasawule so ŋko keshishɛrsawule ere so be kakpa ko gba, k daa beeŋ par anyi!

Nɔmbɛs 16:41

Kumo be ŋklade nɛ Israɛlebi kikɛ naŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “Men mɔ Enyɛnpe Ebɔrɛ be basa, ŋko!”

Luuk 23:34

Nɛ Yesu kaŋɛ le: “Etuto, ta m paŋ bumo, ŋkpal manɛ so, b maŋ nyi kusɔ nɛ baa wora.” Nɛ b to beri a fin bumo nɛ baaŋ nya mbe asɔbuuso.

Luuk 6:28

Men baa nɛfa bumo nɛ baa melgi menyi na nsaa kule Ebɔrɛ a sa bumo nɛ baa keni menyi jiga na.

Ashuŋ Shunso 7:60

Ndoŋ nna nɛ e gbir nseŋ kaŋɛ awɔrso: “Enyɛnpe, ta bumo be kulubi ere m paŋ bumo.” Kede be kaman nɛ e wu.

Romebi 12:21

Men sa maŋ shin nɛ kulubi e baa pɔɔ menyi so, ama men baa shin nɛ menyi be kelela e baa pɔɔ kulubi so.

Jeems 5:15

Nɛ b baŋ kule Ebɔrɛ yirdaso, elɔpo na beeŋ nya eleŋ. Enyɛnpe beeŋ chɛ mo nɛ e niŋi to nɛ alubi kama malɛ nɛ e wora, Ebɔrɛ beeŋ ta m paŋ mo.

1 Samuɛl 12:23

Nɛ m baŋ yige kebaakule Ebɔrɛ a sa menyi, kumo ere Enyɛnpe Ebɔrɛ na nɛ m maŋ wora kasonu na. Meeŋ ŋini menyi kusɔ nɛ k daga fanɛ men baa wora.

1 Samuɛl 15:11

“K wora ma kagbenejija ga fanɛ ŋ ka ta Sɔɔl ŋ ki ewura; ŋkpal manɛ so e pal kaman n sa ma nseŋ kini ma mbra be keb so.” Kumo be loŋ daŋ pɛ Samuɛl agbo ga nɛ e kule Ebɔrɛ awɔrso hale nɛ kare ba chɛ.