Nɔmbɛs 11:25 - EBƆRƐ BE KAWƆL

²⁵ Nɛ kuwɔlpa na gbelge m ba nɛ Enyɛnpe Ebɔrɛ malga Mosis kutɔ nseŋ sa bejuŋkparpo adushunu na gba eleŋ nɛ e sa Mosis na. B ka nya eleŋ na nɛ b fara a malga a cha awɔr fanɛ anebiana na. Ama b daa maŋ malga loŋ n chɛr.

Nɔmbɛs 11:25 ပူးပေါင်းရင်းမြစ်များ

2 Bewura 2:15

Jɛriko be anebiana adunu na ka wu loŋ nɛ b kaŋɛ le: “Anebi Elaija be eleŋ gbelge Elaisha so,” Kumo be kaman nɛ b ya shɛr mo to ŋ jɔŋɛ mo ase

Nehemaya 9:20

Fo Kiyoyu lela e ŋini bumo kusɔ nɛ k daga nseŋ sa bumo ajibi nɛ baa tre manna na nɛ b ji. Kumo be kaman nɛ fo sa bumo nchu nɛ b nuu.

Nshɛ 99:7

E daŋ bɔla kuwɔlpa to nna m malga n sa Mosis nɛ Ɛɛrɔn; nɛ bumo alɛ daŋ wora mbe mbraana nɛ atande nɛ e ta n sa bumo na kasonu.

Ɛksodɔs 32:32

Jande ta bumo be alubi m paŋ bumo, nɛ loŋ maaŋ tiŋ n wora, kumo ere fo lara ma ketre ashi kawɔl nɛ fo sibɛ fo basa be atre n wɔtɔ na to.”

Ɛksodɔs 34:5

Ndoŋ nna nɛ Enyɛnpe Ebɔrɛ bɔla kuwɔlpa to m ba yili Mosis kutɔ ndoŋ nseŋ ti mbe ketre cheembi na: ‘Enyɛnpetale Ebɔrɛ.’

Ɛksodɔs 40:38

Amoso saŋɛ nɛ Israɛlebi na daa wɔ bumo be enite to na, Ebɔrɛ be kuwɔlpa na daa buu Ebɔrɛ be wajɛbu na so kapaso kikɛ nna nsaa fulto edɛ kanyɛso malɛ kikɛ.

Aizaaya 63:11

Ama Enyɛnpe Ebɔrɛ na be basa naŋ nyiŋi asheŋ nɛ e wora bumo nananyɛn Mosis be jemanɛ nseŋ bishi le: “Nnɛ nɛ Enyɛnpe Ebɔrɛ nɛ e daŋ mɔlga mbe basa be bejuŋkparpoana ashi teku peper na to dra dra na wɔ? Nnɛ nɛ Ebɔrɛ nɛ e ta mbe Kiyoyu n sa Mosis na wɔ?

Ezikɛl 8:11

Israɛl be basa na be benimuana na to be basa adushunu e daa yil ndoŋ. Shafan pibinyɛn, Jazaania gba daŋ ti bumo so. Bumo be ekama malɛ daa kɔ kusɔ nɛ b kɔ a chɔɔ duwu mbe enɔ nna nɛ edishi bee kaa kumo to.

Nɔmbɛs 11:17

Meeŋ gbelge m ba ndoŋ m ba malga menyi kutɔ, nseŋ sa bumo eleŋ nɛ n sa fo na, saŋɛ na so baaŋ baa chɛ fo to a keni ma basa so nɛ esulɔ na maaŋ naa la fo nawule peya.

Nɔmbɛs 12:5

nɛ Enyɛnpe Ebɔrɛ na bɔla kuwɔlpa to m ba yili wajɛbu na be kabuna to nseŋ tre Ɛɛrɔn nɛ Miriam awɔrso, nɛ bumo benyɔ na lar n yɔ anishito.

Nɔmbɛs 16:25

Ndoŋ nna nɛ Mosis kpa n niŋi to nɛ Israɛl be bejuŋkparpoana na bɛ mo so n yɔ Deetan nɛ Abiram kutɔ.

Nɔmbɛs 24:2

nseŋ wu Israɛlebi na ka wora bumo be nyi to n chena eyiri yiri be ntuŋ so. Ndoŋ nna nɛ Enyɛnpe Ebɔrɛ be kiyoyu gbelge mo so,

Nɔmbɛs 27:18

Ndoŋ nna nɛ Enyɛnpe Ebɔrɛ kaŋɛ Mosis le: “Lara Nun pibinyɛn Joshuwa nɛ kiyoyu na bɔlɔ mo to na nseŋ ta fo enɔana n deŋi mbe kumu so.

Ashuŋ Shunso 11:28

Bumo to be eko e daa la Agabes, mo e daŋ bɔla Kiyoyu Cheeŋ na be eleŋ to n wu ŋ kaŋɛ fanɛ akoŋgboŋ beeŋ tɔr durnya kikɛ to. Ewurgboŋ Klawdias be jemanɛ na nɛ akoŋgboŋ na daŋ tɔr.

1 Kɔrintebi 14:32

Abɔrɛsheŋ be bewuŋkaŋɛpoana gbagba e wɔ bumo be kewuŋkaŋɛ be ayoyu.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

2 Pita 1:21

Ŋkpal manɛ so, abɔrɛsheŋ wuŋkaŋɛ kama maŋ naŋ shi dimɛdi be katiŋ so m ba, ama Kiyoyu Cheeŋ na e daŋ ta basa nɛ b malga baru nɛ k shi Ebɔrɛ kutɔ na.

Demujipoana 3:10

Enyɛnpe Ebɔrɛ na be Kiyoyu e daŋ gbelge Ofniɛl so nɛ e ki Israɛl be efuli so be ejuŋkparpo nseŋ juŋkpar bumo n ya kɔ Mɛsopoteemia be ewura, Kushan Rishateem kena. Ndoŋ nna nɛ Enyɛnpe Ebɔrɛ na shin nɛ Ofniɛl kɔ m pɔɔ so.

1 Samuɛl 10:10

Sɔɔl nɛ mbe kayɛrbi ka fo Gibia, nɛ anebiana be katuŋ ko ba tu bumo epul to na to nɛ Ebɔrɛ be kiyoyu gbelge mo so eleŋso nɛ mo alɛ gba fara a wu asheŋ a kaŋɛ.