Nɔmbɛs 11:23 - EBƆRƐ BE KAWƆL

²³ Nɛ Enyɛnpe Ebɔrɛ kaŋɛ le: “Kusɔ ko du ma Enyɛnpe na so kpakpa a? K maaŋ chɛr, menyeeŋ wu kusɔ nɛ ŋ kaŋɛ ere ka wora.”

Nɔmbɛs 11:23 ပူးပေါင်းရင်းမြစ်များ

Jɛnesis 18:14

Kusɔ ko malɛ wɔtɔ nna a du kpakpa n sa Enyɛnpe na a? Kafɛ a ba saŋɛ ere so, meeŋ naŋ bɛta m ba fanɛ kananɛ ŋ kaŋɛ na nɛ Sɛɛra nya kebia na.”

2 Bewura 4:43

Ama le nɛ mbe kayɛrbi na daŋ kaŋɛ: “Fee tama fanɛ ajibi ere beeŋ fo basa kalfa a?” Nɛ Elaisha kaŋɛ le: “Ta ajibi na n sa bumo nɛ b ji, ŋkpal manɛ so Enyɛnpe Ebɔrɛ na yɛ baaŋ ji amo m moɛ nɛ ako gba e ka.”

2 Bewura 7:2

Ndoŋ nna nɛ ewura na be benapo be enimu nɛ e bee fute a yigeso na kaŋɛ anebi Elaisha le: “Loŋ maaŋ tiŋ n wora. Hale Enyɛnpe Ebɔrɛ shin nɛ bɔrɛ ba ga nɛ ayu wora ga gba, amo be yawu maaŋ baa du loŋ.” Nɛ Elaisha kaŋɛ: “Fo anishi nɛ feeŋ ta n wu amo ama fo maaŋ ji amo be ajibi.”

Nshɛ 78:41

B daŋ baa wɔtɔ nna a wora mo a keni, nsaa wɔtɔ Israɛl be Ebɔrɛ cheembi na ebesa to.

Ɛksodɔs 6:1

Ndoŋ nna nɛ Enyɛnpe Ebɔrɛ kaŋɛ Mosis le: “Naniere bre feeŋ wu kusɔ nɛ meeŋ wora ewura Fɛɛro. Ŋkpal ma eleŋ nɛ ŋ kɔ na so, e beeŋ shin nɛ ma basa e yɔ. Kashenteŋ nɛ mee kaŋɛ fo na fanɛ meeŋ tintiŋ mo hale nɛ e ju bumo nɛ b lar mbe kasawule ere so.”

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Aizaaya 59:1

Men sa maa fɛ fanɛ Enyɛnpe Ebɔrɛ na pɔ nna ga so nɛ e maaŋ tiŋ m mɔlga menyi ŋko mbe asoe ti nna so nɛ e maaŋ tiŋ n nu kushu nɛ menyee shu a fin kechɛto na!

Jɛremaya 14:9

Manɛ nna nɛ fee wora asheŋ fanɛ esa nɛ asheŋ purgi loŋ, ŋko fanɛ enapo nɛ e maŋ kɔ eleŋ nɛ e tiŋ n chɛ esa to? Fo Enyɛnpe Ebɔrɛ na wɔ anyi kutɔ kashenteŋto nna! An la fo basa nna nɛ fo bɔrɛlambu wɔ anyi kutɔ nfe, amoso, sa maŋ kini anyi n lɛ.’ ”

Jɛremaya 32:17

“Enyɛnpetale Ebɔrɛ, fo e bɔla fo eleŋgboŋ nɛ yuku so n to esoso nɛ kasawule. Sheŋ malɛ maŋ du kpakpa n sa fo.

Jɛremaya 32:27

“Ma, e la Enyɛnpe Ebɔrɛ nɛ e bee ji durnya kikɛ so kuwura na. Shɛŋ shɛŋ maŋ du ma so kpakpa.

Ezikɛl 12:25

Ma, Enyɛnpe Ebɔrɛ na e naŋ malga n sa bumo nɛ kusɔ nɛ meeŋ kaŋɛ na a wora. Menyi basa nɛ men pal kaman n sa ma ere bre be jemanɛ to, meeŋ wora kusɔ kama nɛ ŋ kpele menyi kumo be kusoe fanɛ meeŋ wora na. Ma, Enyɛnpetale Ebɔrɛ e kaŋɛ na.”

Ezikɛl 24:14

Ma, Enyɛnpetale Ebɔrɛ na e kaŋɛ na fanɛ saŋɛ fo nɛ n wora kusɔ nɛ ŋ kaŋɛ fanɛ meeŋ wora na. M maaŋ kplaŋ fo lubi so ŋko n wu fo kuwɔr ŋko n chɛrga ma nfɛra. Meeŋ gberge fo kusoe ŋkpal kusɔ nɛ fo wora so.”

Danɛl 6:20

E ka fo ndoŋ, nɛ e ponte n tre: “Danɛl! Ebɔrɛ nɛ e wɔ ŋkpa to na b kayɛrbi, fo Ebɔrɛ nɛ fee shuŋ kashenteŋto na tiŋ m mɔlga fo ashi ebuluŋ na to a?”

Maika 2:7

Menyi Israɛlebi nɛ men la Jeekɔb be kaman to ebi na kɔ ekpa nɛ men baa kaŋɛ fanɛ Enyɛnpe Ebɔrɛ na nya agbo nna n wora kusɔ nɛ e wora ere? Enyɛnpe Ebɔrɛ maa kaa nɛfa bekama nɛ baa wora asheŋ niŋiso nna a?”

Nɔmbɛs 11:22

Hale nɛ an mɔ anyi be mbolpɔ nɛ ana kikɛ ŋko m pɛ teku to be ekɔrɔtɔ kikɛ gba, a kra maaŋ fo bumo.”

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

Matiu 19:26

Ndoŋ nna nɛ Yesu keni bumo nseŋ kaŋɛ le: “Nyiŋgbasa bre kutɔ loŋ maaŋ tiŋ n wora, ama shɛŋ shɛŋ maŋ du Ebɔrɛ so kpakpa.”

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Luuk 1:37

Ŋkpal manɛ so, kusɔ kama maŋ wɔtɔ nɛ Ebɔrɛ maaŋ tiŋ n wora.”