Nɔmbɛs 11:16 - EBƆRƐ BE KAWƆL

¹⁶ Nɛ Enyɛnpe Ebɔrɛ kaŋɛ Mosis le: “Lara Israɛl be bejuŋkparpo adushunu nɛ basa na bee sa bunyaŋ nɛ b nyi bumo be ashuŋ nɛnɛ, nɛ fo nɛ bumo kikɛ e ba yili Enyɛnpe be wajɛbu na be kabuna.

Nɔmbɛs 11:16 ပူးပေါင်းရင်းမြစ်များ

Jɛnesis 46:27

Bibinyɛn anyɔ nɛ Josɛf daŋ kurge ashi Ijipt n shin nɛ Jeekɔb be kanaŋ to ebi nɛ b daŋ yɔ Ijipt na kikɛ daa wɔ basa adushunu.

Ɛksodɔs 18:25

Kumo be kaman nɛ Mosis lara benyɛn nɛ baaŋ tiŋ n shuŋ kushuŋ na ashi Israɛlebi na kikɛ to nseŋ shin nɛ b ki basa kagboŋ kagboŋ nɛ basa kalfa kalfa nɛ basa adununu nɛ basa kudu kudu be bekenipoana.

Ɛksodɔs 24:1

Kachako nɛ Enyɛnpe Ebɔrɛ kaŋɛ Mosis le: “Fo nɛ Ɛɛrɔn nɛ Nadab nɛ Abihu nɛ Israɛlebi be bejuŋkparpo adushunu e ba ma kutɔ ashi kebee ere ase nfe. Ama pɔɛŋ nɛ men fo kumo men feŋ n yili m bunyaŋ ma.

Ɛksodɔs 24:9

Asheŋ ere kikɛ be kaman nɛ Mosis nɛ Ɛɛrɔn nɛ Nadab nɛ Abihu nɛ Israɛlebi na be bejuŋkparpo adushunu dii kebee na be esoso.

Ɛksodɔs 4:29

Kumo be kaman nɛ Mosis nɛ Ɛɛrɔn yɔ Ijipt n ya shɛr Israɛlebi be benimu na kikɛ abar so.

Jɛremaya 19:1

Nɛ Enyɛnpe Ebɔrɛ na kaŋɛ ma fanɛ n ya tɔ kapuya nɛ b ta ebɔ m pɔr. Kumo be kaman nɛ ŋ keta basa na to be benimuana na be beko nɛ bɔrɛmatapoana na to be bejuŋkparpo nɛ ekama nyi bumo na n ti ma kumu so

Ezikɛl 8:11

Israɛl be basa na be benimuana na to be basa adushunu e daa yil ndoŋ. Shafan pibinyɛn, Jazaania gba daŋ ti bumo so. Bumo be ekama malɛ daa kɔ kusɔ nɛ b kɔ a chɔɔ duwu mbe enɔ nna nɛ edishi bee kaa kumo to.

Nɔmbɛs 11:24

Ndoŋ nna nɛ Mosis ya kaŋɛ basa na kusɔ nɛ Enyɛnpe Ebɔrɛ kaŋɛ na, nseŋ shin nɛ bejuŋkparpo adushunu nɛ e daŋ lara na, ba yili ŋ kulti Enyɛnpe be wajɛbu na.

Nɔmbɛs 16:25

Ndoŋ nna nɛ Mosis kpa n niŋi to nɛ Israɛl be bejuŋkparpoana na bɛ mo so n yɔ Deetan nɛ Abiram kutɔ.

Luuk 10:1

Ade be kaman nɛ Enyɛnpe lara basa adushunu nɛ anyɔ ko malɛ n shuŋi bumo benyɔnyɔ fanɛ b juŋkpar mo n yɔ kade kama nɛ kaplɛkama nɛ e daa shin nɛ e yɔ to.

Luuk 10:17

Ndoŋ nna nɛ bebɛsopo adushunu nɛ anyɔ na ya bɛta m ba nɛ kagbenefuli m ba kaŋɛ Yesu: “Enyɛnpe, an ka ya ti fo ketre, mbuibi lubiana gba nu n sa anyi n lar basa to.”

Ditɛronɔmi 1:15

Ndoŋ nna nɛ n shin nɛ basa nɛ men lara eyiriana na to nɛ b nyi asheŋ nsaa kɔ kenyi nɛ kepinto nɛnɛ na ki menyi be bejuŋkparpo. Beko daa keni basa kagboŋ so, nɛ beko daa keni basa kalfa so, nɛ beko bee keni basa adunu so nɛ beko malɛ bee keni basa kudu so.

Ditɛronɔmi 16:18

Ade kikɛ be kaman nɛ Mosis naŋ kaŋɛ Israɛlebi na le: “Menyeeŋ lara demujipoana nɛ benimuana ko ashi menyi be ndeana nɛ Enyɛnpe, menyi be Ebɔrɛ na beeŋ sa menyi na to nɛ bumo alɛ e sa maa ji basa demu ŋkpɛato be ekpa so.

Ditɛronɔmi 31:28

Amoso, shin nɛ Israɛl be eyiriana na be bejuŋkparpoana nɛ benimuana na e shɛr nɛ ŋ kaŋɛ bumo asheŋ ere nseŋ ta esoso nɛ kasawule ŋ ki eshɛdajipo fanɛ men kikɛ tea nyi kusɔ nɛ k daga fanɛ men baa wora.