Nɔmbɛs 11:11 - EBƆRƐ BE KAWƆL

¹¹ Kumo be kaman nɛ Mosis kule Enyɛnpe Ebɔrɛ ŋ kaŋɛ le: “Manɛ nna nɛ fo shin nɛ le be asheŋ ere tu ma? Manɛ nna nɛ fo nya agbo n wɔtɔ ma loŋ? Manɛ nna nɛ fo ta basa ere be esulɔ kikɛ n sulɔ ma?

Nɔmbɛs 11:11 ပူးပေါင်းရင်းမြစ်များ

Job be kawɔl 10:2

O Ebɔrɛ, sa maŋ kaŋ ji m bri ma loŋ! Manɛ be demu nɛ ma nɛ fo kɔ nɛ an ji ashi demujikpa?

Nshɛ 130:3

Nɛ fo Enyɛnpe Ebɔrɛ na daa sibɛ alubi a nase nna, esa kikɛ daa maaŋ ji n lar fo demuji to.

Nshɛ 143:2

Sa maŋ ji ma, fo kayɛrbi demu; ŋkpal manɛ so, esa kikɛ be kebaawɔtɔ maŋ niŋi ashi fo anishito.

Ɛksodɔs 17:4

Asheŋ na ka daŋ ki loŋ na nɛ Mosis shu n tre Enyɛnpe Ebɔrɛ m bishi mo: “Nuso nɛ meeŋ wora basa ere? A ka gbrɛbi nɛ b kpa ma ajembu m mɔ nna na.”

Ɛksodɔs 5:22

Ndoŋ nna nɛ Mosis naŋ lɔŋɛ m bishi Enyɛnpe Ebɔrɛ le: “Enyɛnpe Ebɔrɛ, manɛ e ba nɛ fo ta tɔrɔ m ba fo basa ere so le? Ama le so nɛ fo shuŋi ma nfe a?

Jɛremaya 15:10

Ade kikɛ be kaman nɛ Jɛremaya fɛ le ashi mbe kagbene to: “N la esa nɛ mbe kagbene jija mo ga nna! Manɛ nna nɛ n nio kurge ma m ba durnya to bre? Ma nɛ ekama bee bile nna kasawule ere so. Ma alɛ maŋ naŋ yɔ esa kikɛ kutɔ n ya paŋ amansherbi ŋko n ta amansherbi m paŋ esa kikɛ ŋ ku so, ama ekama bee shoduu ma nna.”

Jɛremaya 15:18

Manɛ nna nɛ ŋ kraa ji awurfoŋ nsaa nu ebesa jemanɛ kikɛ loŋ? Manɛ nna nɛ fo ki fanɛ kabombi nɛ k wɔlto kechali so, nɛ m maaŋ naŋ tiŋ n ta ma kumu n to fo so?”

Malakai 3:14

Men yɛ, ‘K la kawulisheŋ nna fanɛ esa ka beeŋ baa shuŋ Ebɔrɛ, ŋko a wora kusɔ nɛ Ebɔrɛ bee sha ŋko a kaŋɛ Enyɛnpe Ebɔrɛ fanɛ e bee kule mo alubi be ketampaŋ. Manɛ be tɔnɔ nɛ e bee nya kumo to?

Nɔmbɛs 11:10

Mosis ka nu basa na kikɛ ka yil ntuŋ so bumo be ewajɛbu na be mbuna ase a fubel a bile asheŋ na nɛ mbe kagbene jija mo ga ŋkpal b ka daŋ shin nɛ Enyɛnpe Ebɔrɛ nya agbo na so.

Nɔmbɛs 11:15

Nɛ le bre nɛ fee sha kewora ma, kumo ere wu ma kuwɔr nseŋ mɔ ma nɛ n wushi.”

2 Kɔrintebi 11:28

Nɛ m maŋ naŋ ti asɔ ko gba n ti so, kachɛ kama be kafɔŋ nɛ ŋ kɔ a sa asɔriana kikɛ na shi ma so ga.

Ditɛronɔmi 1:12

Ama n nawule maaŋ tiŋ n shuŋ demuji be kushuŋ na ashi menyi to.