Nɔmbɛs 11:10 - EBƆRƐ BE KAWƆL

¹⁰ Mosis ka nu basa na kikɛ ka yil ntuŋ so bumo be ewajɛbu na be mbuna ase a fubel a bile asheŋ na nɛ mbe kagbene jija mo ga ŋkpal b ka daŋ shin nɛ Enyɛnpe Ebɔrɛ nya agbo na so.

Nɔmbɛs 11:10 ပူးပေါင်းရင်းမြစ်များ

Nshɛ 106:25

B daŋ kini kewora Ebɔrɛ kasonu nna, nseŋ daa munto a bile asheŋ ashi bumo be ewajɛbu to.

Nshɛ 139:21

O Enyɛnpe Ebɔrɛ, ma alɛ gba kishi bekama nɛ b kishi fo nseŋ kini fo, n lar fo kaman na nna.

Nshɛ 78:21

Enyɛnpe Ebɔrɛ na ka nu kusɔ nɛ b kaŋɛ na, nɛ e nya agbo ga nseŋ shin nɛ mbe edɛ suse so ashi mbe basa nɛ b la Jeekɔb be kaman to ebi to,

Nshɛ 78:59

Ŋkpal kusɔ nɛ b wora na so, Ebɔrɛ daŋ nya agbo nna nseŋ kini Israɛl be basa na n lɛ.

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Jɛremaya 17:4

Ŋkpal kusɔ nɛ men wora na so, menyeeŋ paŋ kasawule nɛ n sa menyi na, kumo be kaman nɛ n shin nɛ men shuŋ men doŋana ashi kasawule nɛ menyi maŋ nyi shɛŋ a laŋɛ kumo be kaplɛa so. Ŋkpal manɛ so, ma agbo du fanɛ edɛ nɛ k maa duŋ mbaanaayɔ nna.”

Nɔmbɛs 11:1

Israɛlebi na fara nna a fubel a bile asheŋ ŋkpal awurfoŋ nɛ b daa ji so. Enyɛnpe Ebɔrɛ ka nu bumo be nfubel na nɛ e nya agbo nseŋ shin nɛ edɛ ba bumo to m ba chɔɔ bumo be keeyi na to be ekarso.

Nɔmbɛs 11:11

Kumo be kaman nɛ Mosis kule Enyɛnpe Ebɔrɛ ŋ kaŋɛ le: “Manɛ nna nɛ fo shin nɛ le be asheŋ ere tu ma? Manɛ nna nɛ fo nya agbo n wɔtɔ ma loŋ? Manɛ nna nɛ fo ta basa ere be esulɔ kikɛ n sulɔ ma?

Nɔmbɛs 12:3

Mosis daa kɔ kamubrase nna ga, e daa kɔ kamubrase a chɔ esa kikɛ durnya to.

Nɔmbɛs 12:9

Amoso Enyɛnpe Ebɔrɛ daŋ nya agbo nna n wɔtɔ Ɛɛrɔn nɛ Miriam, nseŋ lar ndoŋ n yɔ,

Nɔmbɛs 16:27

Amoso basa na kikɛ daŋ shile Koora nɛ Deetan nɛ Abiram be ewajɛbu na ase nna ŋ ka bumo nɛ bumo be beche nɛ mbia nawule n yili bumo be ewajɛbu na be mbuna.

Nɔmbɛs 21:5

nseŋ malga ŋ gbiti Ebɔrɛ nɛ Mosis ŋ kaŋɛ le: “Manɛ nna nɛ men lara anyi Ijipt be kasawule so m bar anyi nfe nɛ an ba wu keshishɛrsawule nɛ ajibi nɛ nchu gba maŋ wɔ ere so? Nfe be ajibi ere fi anyi.”

Maak 10:14

Yesu ka pin loŋ nɛ agbo pɛ mo, nɛ e kaŋɛ mbe bebɛsopo na: “Men shin nɛ mbia na e baa ba ma kutɔ, men sa maa kuŋ bumo ekpa, ŋkpal manɛ so, Ebɔrɛ be kuwura na la loŋ be basa peya nna.

Maak 3:5

Kumo be kaman nɛ Yesu keni bumo agbo nɛ kagbenejijaso ŋkpal b ka kɔ amu kpakpaso so nseŋ kaŋɛ kanyɛn na: “Teŋi fo enɔ to.” E ka teŋi kumo to nɛ mbe enɔ na nya eleŋ.

Ditɛronɔmi 32:22

Kumo be kaman nɛ ma agbo e suse fanɛ edɛ n chɔɔ kusɔ kama durnya to, n ta menyi be adɔ n ti so. Edɛ na beeŋ chɔɔ hale bubuni to ashi kasawule to nseŋ naŋ chɔɔ abeeana gba m mur.