Nɔmbɛs 10:29 - EBƆRƐ BE KAWƆL

²⁹ B ka bee bela ase nɛ b kaa na, nɛ Mosis kaŋɛ Jetro pibinyɛn Hobab nɛ e la mo ere Mosis mo churo na le: “Anyee bela ase nna nɛ an yɔ kakpa nɛ Enyɛnpe Ebɔrɛ nase kɔnɔ fanɛ e beeŋ sa anyi na. Mo e kaŋɛ fanɛ e beeŋ nɛfa Israɛl, amoso bɛ anyi so, asheŋ beeŋ ya nyalɛ n sa anyi kikɛ.”

Nɔmbɛs 10:29 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 13:15

Meeŋ ta kasawule nɛ fo wu ere kikɛ n sa fo nɛ fo kaman to ebi nɛ k baa la menyeya nna hale mbaanaayɔ.

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛnesis 32:12

Ama fo alɛ kaŋɛ fanɛ feeŋ shin nɛ ŋ ki asɔwura nseŋ shin nɛ ma kanaŋ e salga fanɛ teku ase be leele nɛ esa maaŋ tiŋ ŋ karga na.”

Nshɛ 100:1

Durnya to be basa kikɛ, e baa kpaŋ Enyɛnpe Ebɔrɛ na!

Nshɛ 34:8

Nɛ fo firgi n taga Enyɛnpe na to, feeŋ wu fanɛ e walɛ. Nɛfa la bekama nɛ baa nya kekuŋ ashi Enyɛnpe na to peya nna.

Nshɛ 95:1

Men ba nɛ an boŋ kagbenefuli be nshɛ n sa Enyɛnpe Ebɔrɛ nɛ e bee kuŋ anyi na.

Ɛksodɔs 18:1

Ade kikɛ be kaman nɛ Mosis mo shanyɛn Jetro nɛ e daa la Midian be bɔrɛmatapo na daŋ nu asɔ nɛ Ebɔrɛ wora n sa Mosis nɛ Israɛlebi na nɛ kananɛ Enyɛnpe Ebɔrɛ lara mbe basa Israɛlebi na ashi Ijipt be asheŋ.

Ɛksodɔs 18:12

Ndoŋ nna nɛ Jetro lara sarga chɔɔso nɛ esarga pɔtɛana ko n sa Ebɔrɛ. Ɛɛrɔn nɛ Israɛlebi be bejuŋkparpo na kikɛ daŋ ya tu Mosis mo shanyɛn Jetro nna n ji kejigboŋ Ebɔrɛ be anishito.

Ɛksodɔs 18:27

Ade kikɛ be kaman nɛ Mosis shuŋi mo shanyɛn Jetro ekpa nɛ e bɛta n yɔ mbe efuli so.

Ɛksodɔs 2:18

Mbichesobi na ka bɛta n yɔ bumo tuto Jetro kutɔ nɛ e bishi bumo: “Manɛ nna nɛ men bɛta m ba manaŋ kabre loŋ?”

Ɛksodɔs 2:21

Kumo be kaman nɛ Mosis shuli n chena Midian. Mosis nɛ bumo wɔtɔ loŋ nɛ Jetro ta mo pibiche Zipora n sa mo nɛ e ki mbe eche.

Ɛksodɔs 3:1

Mosis daa kpa mo shanyɛn Jetro nɛ e daa la Midian be bɔrɛmatapo na be mbolpɔ nna. Kachako nɛ e kpa bumo m bɔla kiyi to n ya fo Ebɔrɛ be kebeegboŋ nɛ baa tre Sainai na ase.

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Ɛksodɔs 6:4

Ade kikɛ be kaman nɛ ma nɛ bumo wora kɔnɔkoŋwule be ŋkre nɛ n nase kɔnɔ n sa bumo fanɛ meeŋ ta Keenan be kasawule nɛ b daa wɔ kumo so fanɛ befɔ na n sa bumo.

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”

Jɛremaya 50:5

Baaŋ bishi n fin Jerusalɛm be ekpa nseŋ bɔla kumo so m bɛta m ba nɛ ma nɛ bumo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Bumo alɛ maaŋ naŋ wora n da kumo so ŋko n teŋ kumo so kikɛ.

Nɔmbɛs 10:28

Israɛlebi na baa kaa bumo be keeyi to, kananɛ baa nite kebɛso kebɛso so nna na.

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

Ashuŋ Shunso 7:5

Ebɔrɛ daa maŋ sa Eebraham kasawule na be gbrɛ nyitiibi kikɛ gba fanɛ k baa la mo peya. Ama Ebɔrɛ daŋ nase kɔnɔ n sa Eebraham fanɛ e beeŋ ta kasawule na n sa mo nɛ mbe kaman to ebi kikɛ. Saŋɛ na so nɛ Eebraham daa maa kɔ mbia.

Ditɛronɔmi 30:5

saŋɛ na so, menyeeŋ naŋ ba sɔ kasawule nɛ men nananyɛnana daŋ chena so nɛ k la men be kapetɛ na n chena so. Enyɛnpe Ebɔrɛ na malɛ beeŋ shin nɛ men dii dama nseŋ naŋ wora keshi a chɔ kananɛ men nananyɛnana daa sa na.

Ditɛronɔmi 4:40

Men baa wora mbe mbraana kikɛ nɛ mee sa menyi kabre ere kasonu, nɛ asheŋ a nyalɛ n sa menyi nɛ menyi be kaman to ebi kikɛ. Kumo be kaman nɛ men chena kasawule nɛ Enyɛnpe, menyi be Ebɔrɛ na bee ta a sa menyi na so mbaanaayɔ.”

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.

Demujipoana 1:16

Kɛnebi nɛ b la Mosis mo shanyɛn be kaman to ebi daŋ tu Judaebi nna n lar kade nɛ baa tre Jɛriko na n ya chena m mata kade nɛ baa tre Arad nɛ k dese kasawule wɔlso nɛ k wɔ kelargato be kaseto na so.

Demujipoana 4:11

Jemanɛ ere so nɛ kanyɛn ko nɛ baa tre Heba, nɛ e shi Kɛn be kabuna na, malɛ yuu mbe wajɛbu ashi kadebi ko nɛ baa tre kumo Zaananim na be kedibi gboŋgboŋi ko ase m mata Kɛdesh. E daŋ lar mo kurgepoana Kɛnebi nɛ b la kanyɛn ko nɛ baa tre Hɔbab nɛ e la Mosis mo churo na be kaman to ebi na to nna n ya chena ndoŋ.

1 Samuɛl 15:6

Le nɛ Sɔɔl daŋ kaŋɛ Kenebi ko nɛ b daŋ chena m mata Amalɛkebi na: “Saŋɛ nɛ anyi be efuli ere so ebi daŋ lar Ijipt a ba na, menyi be basa daŋ wora bumo kelela ga. Amoso men lar Amalɛkebi ere to manaŋ nɛ an sa maŋ kaŋ mɔ menyi n ti bumo so saŋɛ nɛ anyee kɔ bumo kena na.” Ndoŋ nna nɛ Kenebi na lar Amalɛkebi na to.