Nɔmbɛs 1:50 - EBƆRƐ BE KAWƆL

⁵⁰ Shin nɛ Livaiebi na e baa keni Enyɛnpe be wajɛbu na nɛ asɔ nɛ a wɔ kumo to kikɛ so. Bumo e naŋ baa sulɔ kumo nɛ asɔ nɛ a wɔ kumo to na kikɛ, nsaa keni kumo so, a yuu kumo nsaa yuu bumo be ewajɛbu a chena a kulti kumo saŋkama nɛ b wora keeyito popɔr.

Nɔmbɛs 1:50 ပူးပေါင်းရင်းမြစ်များ

2 Kronikɛls 24:6

Amoso e daŋ shuŋi nna n tre Jehowada nɛ e la bɔrɛmatapo nimuso na m bishi mo le: “Manɛ nna nɛ fo maŋ shin nɛ Livaiebi na sɔ lampo ashi Juda nɛ Jerusalɛm be basa na kutɔ fanɛ kananɛ Enyɛnpe Ebɔrɛ be kenya Mosis daŋ shin nɛ baa ka nɛ baa ta a chɛ Enyɛnpe be Nshɛr be wajɛbu na be kushuŋ to na?”

Nehemaya 12:22

Jemanɛ nɛ Eliashib nɛ Joida nɛ Johanan nɛ Jadua daŋ ki bɔrɛmatapo nimusoana kebɛso kebɛso nɛ ewurgboŋ Dariɔs daa ji Pɛshiya be efuli so be kuwura na, b daŋ sibɛ Livaiebi nɛ bɔrɛmatapoana be benimuana be atre n wɔtɔ kawɔl to n nase nna.

Nehemaya 12:47

Jemanɛ nɛ Zerubabel daa la bɔrɛmatapo nimuso nɛ ma, Nehemaya, malɛ daa la gomena ashi Juda be efuli so na, ekama ashi Israɛl be efuli so daa sa kusɔ nɛ k daga fanɛ e sa nɛ beshɛbompo na nɛ bɔrɛlambu na to be bekumpo nɛ b shi Livaiebi be yiri to na e baa nya bumo be karechɛ kikɛ be kusɔ jiso nna. Basa na daa lara ŋkɛ cheembi nna a sa Livaiebi na nɛ bumo alɛ bee lara amo to be amo nɛ a daga na a sa bɔrɛmatapoana nɛ b la Ɛɛrɔn be kaman to ebi na.

Nehemaya 12:8

Livaiebi nɛ bumo alɛ gba bɛta m ba e la Joshuwa nɛ Binui nɛ Kadmiɛl nɛ Sherebia nɛ Juda nɛ Mataniya. Bumo nɛ bumo be bechɛtopo e daa juŋkpar a boŋ kapandi be nshɛ.

Nehemaya 13:22

Kumo be kaman nɛ ŋ kaŋɛ Livaiebi na fanɛ b baa wora bumo be amu cheembi nsaa kuŋ Jerusalɛm be kadegboŋ na be mbuna na Kewushiachɛ kikɛ, saŋɛ na so basa beeŋ ta kumo ŋ ki kachɛ cheembi nsaa sa kumo bunyaŋ. Ebɔrɛ la ewɔrwupo nna, mee kule mo fanɛ e wu ma kuwɔr nseŋ nɛfa ma ŋkpal kusɔ nɛ mee wora ere so.

Nehemaya 13:5

E daŋ shin nna nɛ Tobaya daa wɔ ebuana na be kegboŋgboŋi nɛ baa yili asɔ be yiri yiri fanɛ esarga be aboyu nɛ duwu nɛ bɔrɛlambu na to be asɔ daŋɛso nɛ ashuŋsɔ nɛ ayu nɛ yabra nɛ ɔlif be ŋku be kudu kudusopo nɛ b bar m ba sa Livaiebi nɛ beshɛbompo na nɛ bɔrɛlambu na to be bekumpo na nɛ ŋkɛ nɛ b bar m ba sa bɔrɛmatapoana na kikɛ na to.

Nshɛ 122:4

K la kakpa nɛ Israɛl be eyiriana na bee wora Enyɛnpe Ebɔrɛ kasonu nna, nsaa ba ndoŋ m baa kaa di mo epaŋ.

Ɛksodɔs 31:18

Ebɔrɛ ka malga Mosis kutɔ n loge ashi Sainai be kebee na so nɛ e ta ajembu pantraŋ pantrambi anyɔ nɛ mo ere Ebɔrɛ gbagba sibɛ mbe mbra n deŋi so na n sa Mosis.

Ɛksodɔs 38:21

Besalɛl nɛ e la Uri pibinyɛn nseŋ naa la Hur nɛ e shi Juda be kanaŋ to na mo nanabi na e wora kusɔ kama nɛ Enyɛnpe Ebɔrɛ kaŋɛ Mosis na kikɛ. Esa nɛ e daŋ chɛ mo to e daa la Oholiab nɛ e la Ahisamak nɛ e shi Dan be kanaŋ to na pibinyɛn nɛ e kɔ enɔ to be kushuŋ be kenyi a tiŋ a ta ago be ejese lela nɛ ejese buru nɛ apeper kpaw nɛ apeper kunɔkunɔ a lue ŋko a jɔ. Asɔ nɛ b daŋ ta n lɔŋɛ Ebɔrɛ be wajɛbu nɛ kɔnɔkoŋwule be ŋkre be deka na nɛ asɔ nɛ a daa wɔ kumo to na be kananɛ a sa nde. Mosis e daŋ bɔla Itama nɛ e la bɔrɛmatapo Ɛɛrɔn pibinyɛn na so n shin nɛ Livaiebi sibɛ amo be egbɛ nɛ kananɛ a sa.

Nɔmbɛs 1:53

Ama Livaiebi na bre beeŋ yuu bumo be ewajɛbuana n chena ŋ kulti Enyɛnpe be wajɛbu na a kuŋ kumo, saŋɛ na so, esa kama maaŋ taga kumo to n shin nɛ n nya agbo ga n wɔtɔ Israɛlebi kikɛ.”

Nɔmbɛs 10:21

Kohaf be kabuna ebi nɛ b la Livaiebi na be kushuŋ e daa la asɔ cheembi nɛ baa ta a wora asheŋ wajɛbu na to be kebaasulɔ. Ama a daga b ka yuu wajɛbu na keeyi popɔr na to nna pɔɛŋ nɛ bumo kikɛ e fo ndoŋ.

Nɔmbɛs 17:7

Nɛ Mosis ta akpabi na kikɛ n nase Enyɛnpe Ebɔrɛ be ŋkre be deka na be anishito ashi wajɛbu na to.

Nɔmbɛs 18:5

Fo nɛ fo mbinyɛnsobi nawule e daga kebaashuŋ Enyɛnpe be wajɛbu na to nɛ bɔrɛsure na so, loŋ nɛ ma agbo maaŋ naŋ ba Israɛlebi na so.

Nɔmbɛs 2:17

Kumo be kaman nɛ Livaiebi na malɛ e sulɔ nshɛr be wajɛbu na nseŋ keta bumo be tuta m bɛ nnaŋ nɛ Ruben bee juŋkpar na so fanɛ kananɛ b chena kebɛso kebɛso na.

Nɔmbɛs 20:11

Kumo be kaman nɛ Mosis maŋ mbe kekpabi so ŋ ŋmɛa kefalta na ale anyɔ. Epul to nɛ nchu lar kefalta na to eleŋso a wurge nɛ basa na nɛ bumo be asɔbɔya kikɛ nuu.

Nɔmbɛs 4:15

Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.

Nɔmbɛs 4:3

nseŋ sibɛ benyɛn nɛ b fo yili nfɛ adesa n ya fo nfɛ adunu nsaa beeŋ tiŋ n shuŋ Enyɛnpe Ebɔrɛ be wajɛbu na to na be atre n wɔtɔ kawɔl to.

Nɔmbɛs 8:19

Ma alɛ lara Livaiebi nna fanɛ kakɛ ashi Israɛlebi na to n sa Ɛɛrɔn nɛ mbe mbinyɛnsobi na nɛ b yili Israɛlebi na be katelamu to a shuŋ Enyɛnpe be wajɛbu na to saŋɛ na so Israɛlebi na maaŋ ba kumo ase nɛ aleblawu e ba bumo so.”

Nɔmbɛs 8:20

Ndoŋ nna nɛ Mosis nɛ Ɛɛrɔn nɛ Israɛlebi na kikɛ ta Livaiebi na n bɔɔ Enyɛnpe Ebɔrɛ enɔ fanɛ kananɛ Enyɛnpe Ebɔrɛ kaŋɛ Mosis na gbagba.

Nɔmbɛs 8:22

Ade kikɛ be kaman nɛ basa na wora kusɔ kama nɛ Enyɛnpe Ebɔrɛ kaŋɛ Mosis fanɛ e kaŋɛ bumo kenishipereso a yɔ Livaiebi na be kaplɛa so na. Nɛ Livaiebi na fara a chɛ Ɛɛrɔn nɛ mbe mbinyɛnsobi to a shuŋ Enyɛnpe be wajɛbu na to.

Kelaraŋŋini 15:5

Kede be kaman nɛ ŋ keni n wu shɛda be wajɛbu na be bɔrɛlambu ka bugi a yil ebɔrɛso.