Nshɛ 99:6 - EBƆRƐ BE KAWƆL

⁶ Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Nshɛ 99:6 ပူးပေါင်းရင်းမြစ်များ

Ɛksodɔs 14:15

Ade kikɛ be kaman nɛ Enyɛnpe Ebɔrɛ na kaŋɛ Mosis le: “Manɛ e ba nɛ fee shu a tre ma? Meeŋ mɔlga menyi, amoso kaŋɛ Israɛlebi na fanɛ b baa yɔ anishito.

Ɛksodɔs 15:25

Ndoŋ nna nɛ Mosis shu n tre Enyɛnpe Ebɔrɛ nɛ Enyɛnpe Ebɔrɛ na ŋini mo kedibi ko nɛ e ta kumo n lɛ nchu na to, nɛ a kilgi nchu belbelso. Enyɛnpe Ebɔrɛ ka wora bumo ŋ keni na nɛ e sa bumo mbra

Ɛksodɔs 17:4

Asheŋ na ka daŋ ki loŋ na nɛ Mosis shu n tre Enyɛnpe Ebɔrɛ m bishi mo: “Nuso nɛ meeŋ wora basa ere? A ka gbrɛbi nɛ b kpa ma ajembu m mɔ nna na.”

Ɛksodɔs 32:30

Kumo be ŋklade kachipurso nɛ Mosis kaŋɛ basa na le: “Men wora kulubi gboŋgboŋi ga, ama meeŋ naŋ bɛta n dii kebee na so n ya kule Enyɛnpe Ebɔrɛ na ŋ keni ashere e beeŋ ta men be alubi m paŋ menyi.”

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”