Nshɛ 97:10 - EBƆRƐ BE KAWƆL

¹⁰ Bekama nɛ baa sha Enyɛnpe Ebɔrɛ na kishi kulubi nna. Ŋkpal manɛ so, mo e naa kuŋ mbe basa nɛ baa ji kashenteŋ a sa mo na be ŋkpa nsaa kɔ a suge bumo ashi kumukpakpasowuraana be enɔ to.

Nshɛ 97:10 ပူးပေါင်းရင်းမြစ်များ

Nshɛ 101:3

Ma alɛ beeŋ kishi kusɔ nɛ basa nɛ b pal kaman n sa Ebɔrɛ bee wora na kikɛ.

Nshɛ 119:104

Fo mbraana so nɛ mee bɔla a pin asheŋ to, amoso nɛ ŋ kishi efɛsheŋ kikɛ na.

Nshɛ 119:163

Ŋ kishi efɛsheŋ ga; maa sha amo be asheŋ, ama mee sha fo mbra bre.

Nshɛ 121:7

Enyɛnpe Ebɔrɛ na e naŋ kuŋ fo ashi kusɔ kama nɛ k beeŋ tiŋ n doro fo, ŋko m mɔ fo. Saŋɛ na so, shɛŋ shɛŋ maaŋ wora fo.

Nshɛ 125:3

E maaŋ shuli n shin nɛ kumukpakpasowuraana e ji kuwura mbe basa so, ŋko n fule bumo nɛ b wora alubi.

Nshɛ 145:20

Enyɛnpe Ebɔrɛ na bee kuŋ bekama nɛ baa sha mo na nna, ama kumukpakpasowuraana bre, e bee mur bumo nna.

Nshɛ 31:23

Menyi Ebɔrɛ be basa e baa sha Enyɛnpe na. Ŋkpal manɛ so, e bee kuŋ beshenteŋjipo nna, nsaa gberge kamoowuwuraana bre kusoe kananɛ k daga bumo.

Nshɛ 34:14

Men yige alubi be kebaawora nsaa wora alela; meeŋ baa kɔ a fin kagbenewushi ashi men be ŋgbene to.

Nshɛ 36:4

B dese bumo be edesekpa gba alubi be kewora be ŋkre nɛ baa kre. B maa wora asheŋ lela kikɛ. Kulubi kama malɛ maa choŋ bumo so.

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

Aŋasa 2:8

Mo e naa kuŋ basa nɛ baa wora asheŋ nɛ a daga, nsaa ŋini bekama nɛ baa shuŋ mo nɛ kagbene koŋwule na ekpa.

Aŋasa 3:7

Sa maa fɛ fanɛ fo nyi asheŋ ga. Baa nu a sa Enyɛnpe Ebɔrɛ na nsaa gelge alubi.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Aizaaya 45:17

Ama Enyɛnpe Ebɔrɛ na mɔlga Israɛl be basa bre, nɛ b kɔ m pɔɔ so mbaanaayɔ. Bumo be basa malɛ maaŋ ŋaba kikɛ.

Jɛremaya 15:21

Ma alɛ beeŋ kɔ n suge fo ashi kumu kpakpasowuraana nɛ b maa wu kuwɔr ere be enɔ to. Ma, Enyɛnpe Ebɔrɛ e kaŋɛ na.”

Danɛl 3:28

Ndoŋ nna nɛ ewura Nebukadneeza kaŋɛ le: “Kemaŋkura e baa la Shaadrak nɛ Mɛshaak nɛ Abedneego be Ebɔrɛ na peya! Mo e shuŋi mbe malaika nɛ e ba mɔlga mbe nyɛrbi nɛ b yirda mo na. B kini k nu n sa ma nseŋ ta bumo be amu ŋ kpa kelara ŋ kini kejɔŋɛ m bunyaŋ kegbir kikɛ, she bumo be Ebɔrɛ na nawule.

Danɛl 6:22

Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.”

Danɛl 6:27

Mo e naa mɔlga basa nsaa sɔ bumo a yige na. Mo e naa wora emamachisheŋ ashi ebɔrɛso nɛ kasawule so kikɛ. Mo e mɔlga Danɛl nɛ ebuluŋ maŋ tiŋ m mɔ mo ŋko n doro mo na.”

Eemɔs 5:14

Men baa kɔ a fin kelela be kewora nseŋ yige alubi be kebaa wora, saŋɛ na so menyeeŋ baa kɔ ŋkpa, nɛ Enyɛnpetale Ebɔrɛ na e baa wɔ menyi kutɔ fanɛ kananɛ men kaŋɛ na.

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

Romebi 7:15

Amoso, ma ere gbagba maa pin ma asheŋ woraso to, ŋkpal manɛ so, asɔ nɛ mee sha kewora, amo nɛ m maa wora nsaa wora asɔ nɛ ŋ kishi.

Romebi 7:24

Yee, nuso bre be asheŋ e nya ma le? Nɛ wanɛ malɛ e naaŋ mɔlga ma ashi le be eyur nɛ k kɔ ma a yɔ luwu to ere?

1 Kɔrintebi 8:3

Ama ekama nɛ e bee sha Ebɔrɛ, kumo ere Ebɔrɛ nyi amodoŋwura.

2 Tɛsalɔnikaebi 3:2

Men baa kule Ebɔrɛ a sa anyi nɛ e baa pete anyi basa lubi be yiri kikɛ to. Ŋkpal manɛ so, mannɛ basa kikɛ e kɔ yirda.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

1 Jɔn 4:19

Ebɔrɛ e daŋ kesha anyi so shin nɛ anyi alɛ kɔ kasha na.

1 Jɔn 5:18

An baa nyi fanɛ Ebɔrɛ pibi kama maa shir a wɔ alubi to a wora amo, ŋkpal manɛ so, Ebɔrɛ Pibinyɛn e naa kuŋ mo nɛ alubipo na e sa maŋ tiŋ n doro mo.

Kelaraŋŋini 13:8

Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.