Nshɛ 96:9 - EBƆRƐ BE KAWƆL

⁹ Men baa yili Enyɛnpe Ebɔrɛ na be kela nɛ kecheembiya so a bunyaŋ. Durnya to ebi kikɛ e ta kechicha chicha m ba mbe anishito.

Nshɛ 96:9 ပူးပေါင်းရင်းမြစ်များ

2 Kronikɛls 29:28

Bekama nɛ b daa wɔ ndoŋ na kikɛ daŋ ti bumo so nna a bunyaŋ Enyɛnpe Ebɔrɛ na nsaa boŋ nshɛ a laŋ alaŋsɔ hale nɛ b lara sarga chɔɔso na n loge.

2 Kronikɛls 29:29

Ade kikɛ be kaman nɛ ewura Hɛzekaya nɛ basa na kikɛ gbir m bunyaŋ Ebɔrɛ.

2 Kronikɛls 29:30

Ewura na nɛ efuli na so be bejuŋkparpoana na daŋ kaŋɛ Livaiebi na nna fanɛ b baa boŋ nshɛ nɛ ewura Deevid nɛ anebi Asaf daŋ sibɛ n nase na. B ka bee boŋ amo nɛ ekama be kagbene fuli nɛ b gbir m bunyaŋ Ebɔrɛ.

Ɛzra 7:27

Ndoŋ nna nɛ Ɛzra kaŋɛ le: “Kemaŋkura e baa la an nananyɛnana be Ebɔrɛ na peya. Mo e sa ewura na le be nfɛra nɛ e ta bunyaŋ n sa Enyɛnpe Ebɔrɛ be lambu nɛ k wɔ Jerusalɛm na.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Nshɛ 114:7

Enyɛnpe Ebɔrɛ nɛ men nananyɛn Jeekɔb shuŋ dra na baŋ firgi n taga to, kasawule bee gbuŋgbuŋ nna;

Nshɛ 29:2

Men di mbe ketre nɛ k kɔ kemaŋkura na epaŋ; nseŋ bunyaŋ mo ŋkpal e ka du cheembi nsaa kɔ kemaŋkura so.

Nshɛ 33:8

Kasawule so ebi kikɛ e shuŋ Enyɛnpe na, nɛ durnya to be basa kikɛ e bunyaŋ mo.

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Nshɛ 76:7

Fo Enyɛnpe Ebɔrɛ na e daga fanɛ ekama e baa ŋana fo. Fo baŋ nya agbo, esa kikɛ maaŋ tiŋ n yili fo anishito.

Nshɛ 99:1

Enyɛnpe Ebɔrɛ na e la ewura! Efuliana kikɛ so be basa e baa chicha. E chena mbe kuwurputi nɛ emalaika nɛ b kɔ aba wɔ kumo be kaseto na so nna; nɛ kasawule bee gbuŋgbuŋ.

Ezikɛl 7:20

B daa puchi ŋkpal abitasɔ lela nɛ b kɔ so nna nseŋ ta amo ŋ wora agbirana nɛ amo be asheŋ bee nu agbo. Amoso meeŋ shin nɛ abitasɔ na e ki fuloŋ, nsaa maŋ naa kɔ tɔnɔ n sa bumo.

Danɛl 11:45

Kede be kaman nɛ e yuu bewura be wajɛbu gboŋgboŋi ashi Teku nɛ baa tre Mɛditerenia nɛ k wɔ epeŋitɔrkpa na nɛ kebee nɛ bɔrɛlambu na yil so na be kefɛato. Ama ndoŋ nɛ e beeŋ wu nɛ esa kama maŋ chɛ mo to.”