Nshɛ 96:1 - EBƆRƐ BE KAWƆL

¹ Ekama nɛ e wɔ durnya to, e boŋ kashɛ popɔr n sa Enyɛnpe Ebɔrɛ na!

Nshɛ 96:1 ပူးပေါင်းရင်းမြစ်များ

Nshɛ 149:1

Men baa kpaŋ Enyɛnpe Ebɔrɛ na! Men boŋ kashɛ popɔr n sa Enyɛnpe Ebɔrɛ na; men baa kpaŋ mo ashi kakpa nɛ mbe basa nɛ baa ji kashenteŋ a sa mo shɛr abar so na.

Nshɛ 33:3

Men boŋ nshɛ popɔr n dele mo. Men laŋ ejaŋjilaŋ kenyiso, nseŋ cha awɔr kagbenefuliso.

Nshɛ 66:4

Durnya ere to be esa kikɛ bee bunyaŋ fo nsaa fur fo.

Nshɛ 68:32

Men boŋ nshɛ n fur Ebɔrɛ. Durnya to be efuli kikɛ so ebi e boŋ nshɛ n sa Enyɛnpe Ebɔrɛ na.

Nshɛ 98:1

Men boŋ kashɛ popɔr n sa Enyɛnpe Ebɔrɛ na! Mo e ta mbe enɔ lempo cheembi na n wora emamachisheŋ ŋ kɔ m pɔɔ so na.

Romebi 15:11

Amo koŋwule na kraŋ naa kaŋɛ le: “Menyi nnyamase kikɛ, men di Enyɛnpe na epaŋ, nɛ menyi basa yiri kikɛ men boŋ nshɛ n di mo epaŋ.”

Kelaraŋŋini 14:3

Nɛ b boŋ kashɛ popɔr ashi kuwurputi na be anishito nɛ asɔbɔya keniso ana nɛ bejuŋkparpo na be anishito. Esa kikɛ daa maaŋ tiŋ ŋ koya kashɛ na she basa ŋgboŋ kalfa nɛ ŋgboŋ adena nɛ ŋgboŋ ana mo nɛ b sɔ n yige kasawule so na.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.