Nshɛ 95:8 - EBƆRƐ BE KAWƆL

⁸ men sa maŋ wora menyi be ŋgbene kpakpa, fanɛ kananɛ men nanaana daŋ wora ashi mboŋ nɛ baa tre Mɛriba nɛ Maasa ashi keshishɛrsawule so na.

Nshɛ 95:8 ပူးပေါင်းရင်းမြစ်များ

Ɛksodɔs 17:2

Ndoŋ nna nɛ baa fubel a kaŋɛ Mosis le: “Sa anyi nchu nɛ an nuu.” Ndoŋ nna nɛ Mosis bishi bumo: “Manɛ nna nɛ menyee fubel loŋ? Manɛ nna nɛ menyee wora Enyɛnpe Ebɔrɛ na a keni?”

Ɛksodɔs 17:7

Nɛ Mosis nase kaboŋ na be ketre Masa nɛ Meriba, ŋkpal Israɛlebi na ka daŋ malga ŋ gbiti Enyɛnpe Ebɔrɛ nseŋ wora mo ŋ keni saŋɛ nɛ b bishi fanɛ Enyɛnpe Ebɔrɛ na wɔ anyi kutɔ nna ere ŋko e maŋ wɔtɔ na so so.

Ɛksodɔs 8:15

Fɛɛro ka wu fanɛ epulo na be tɔrɔ na loge nɛ e naŋ wora mbe kagbene kpakpa nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ kaŋɛ na.

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Nɔmbɛs 14:11

Ndoŋ nna nɛ Enyɛnpe Ebɔrɛ kaŋɛ Mosis le: “Emamachisheŋ damta nɛ n wora n sa basa ere kikɛ ere, b kraŋ kini keyirda ma nsaa keni ma jiga a?

Nɔmbɛs 14:22

basa ere b ekama maaŋ yɔ kasawule nɛ n nase kɔnɔ n sa bumo na so. Ŋkpal manɛ so b wu ma kemaŋkura nɛ emamachisheŋ nɛ n wora ashi Ijipt be kasawule so nɛ keshishɛrsawule na so, ama b kini kenu n sa ma nseŋ wora ma ŋ keni alɛ damta.

Nɔmbɛs 14:27

“Saŋɛ mo gba nɛ basa lubi ere beeŋ yige kebaa fubel a bile asheŋ a malga a gbiti ma? Bumo be nfubel na wora kebaŋso!

Nɔmbɛs 20:13

Israɛlebi na daŋ fubel m bile asheŋ nna m malga ŋ gbiti Enyɛnpe Ebɔrɛ na, nɛ e ŋini bumo mbe kecheembiya be eleŋ nseŋ sa bumo nchu nɛ b nuu nseŋ nase kakpa na be ketre Mɛriba. Mɛriba be kifito e la kefubel m bile asheŋ.

Ashuŋ Shunso 19:9

Ama bumo be beko daŋ ta amu kpakpaso ŋ kini kenu nseŋ malga mmalga lubi basa na kikɛ to ŋ gbiti ekpa nɛ Enyɛnpe bee ŋini na. Nɛ Pɔɔl yige bumo nseŋ keta beyirdapoana na nɛ b wɔtɔ a shɛr kachɛ kama a ber abɔrɛsheŋ na be bare ashi lambu nɛ Tiranes daa shɛr basa a malga a sa bumo na to.

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

Ditɛronɔmi 6:16

Men sa maŋ kaŋ wora Enyɛnpe menyi be Ebɔrɛ na ŋ keni, fanɛ kananɛ men daŋ wora ashi kakpa nɛ baa tre Massa na.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 3:13

Nɛ saŋɛ baa wɔtɔ nɛ baa tre kabre be saŋɛ, men baa leŋ abar to, saŋɛ na so, alubi be kafulesheŋ kama maaŋ shin nɛ menyi be ekama be kagbene e ki kpakpa.

Juud 1:5

N nyi men ka tea nyi asheŋ nɛ mee sha kekaŋɛ menyi ere kikɛ, ama mee sha kenyiŋi menyi kananɛ Enyɛnpe daŋ mɔlga mbe basa Israɛlebi ashi Ijipt be kasawule so nna. Kumo be kaman nɛ e mur bumo to be bumo nɛ b daa maŋ yirda mo na.

1 Samuɛl 6:6

Men sa maŋ kaŋ wora men be ŋgbene kpakpa fanɛ Ijiptebi na nɛ bumo be ewura. Dra na Ebɔrɛ be kasogberge gboŋgboŋi daŋ ba bumo so nna pɔɛŋ nɛ b sa Israɛlebi na ekpa nɛ b lar Ijipt to.