Nshɛ 95:3 - EBƆRƐ BE KAWƆL

³ Ŋkpal manɛ so, Enyɛnpe Ebɔrɛ na e la Ewurgboŋ; agbirana maŋ la shɛŋ mbe anishito.

Nshɛ 95:3 ပူးပေါင်းရင်းမြစ်များ

Nehemaya 8:6

Ɛzra ka kraŋ kawɔl na n loge nɛ e kaŋɛ: “Kemaŋkura e baa la Enyɛnpe Ebɔrɛ nɛ e shi ga na peya!” Nɛ basa na kikɛ maŋ bumo be enɔana esoso nseŋ shuli so ŋ kaŋɛ: “Amɛn! Amɛn!” Kumo be kaman nɛ b gbir ŋ kurgi bumo be amu n yuu to m bunyaŋ Enyɛnpe Ebɔrɛ na.

Nshɛ 104:1

Ma kagbene kikɛ nɛ n ta a kpaŋ fo, Enyɛnpe Ebɔrɛ na, ŋkpal manɛ so, kemaŋkuragboŋ nɛ kela kikɛ buu fo fanɛ kuwurpiŋi nna,

Nshɛ 135:5

N nyi fanɛ Enyɛnpe Ebɔrɛ na shi ga a chɔ agbirana kikɛ.

Nshɛ 145:3

Enyɛnpe Ebɔrɛ na shi ga, nseŋ daga fanɛ b baa kpaŋ mo saŋkama. Ekama maaŋ tiŋ m pin mbe kishi na to.

Nshɛ 47:2

Enyɛnpetale Ebɔrɛ na be asheŋ woraso kɔ mamachi nɛ kufu nna. Mo e la ewurgboŋ, a ji durnya kikɛ so kuwura.

Nshɛ 47:3

Ebɔrɛ na e shin nɛ an pɔɔ efuli kikɛ so nsaa ji amo so eleŋ.

Nshɛ 96:4

Ŋkpal manɛ so, Enyɛnpe Ebɔrɛ shi ga, nseŋ daga fanɛ ekama e baa kpaŋ mo nsaa ŋana mo a chɔ agbirana kikɛ.

Nshɛ 97:9

Ŋkpal manɛ so, fo, Enyɛnpe Ebɔrɛ na e naa ji kuwura durnya kikɛ ebi so. Fo alɛ shi ga a chɔ agbirana kikɛ.

Ɛksodɔs 12:12

Kumo be kanyɛ na meeŋ ba Ijipt be efuli so m ba mɔ ewurkoŋnyɛn kikɛ, meeŋ mɔ edimɛdi nɛ asɔbɔya kikɛ peya. Ma alɛ beeŋ gberge Ijipt be efuli so be agbirana kikɛ kusoe. Ma e la Enyɛnpe Ebɔrɛ na.

Ɛksodɔs 18:11

Ijiptebi na fɛl menyi Israɛlebi n chɛr. Naniere nɛ m pin fanɛ Enyɛnpe Ebɔrɛ kɔ eleŋ a chɔ agbirana kikɛ, ŋkpal kusɔ nɛ e wora basa na so.”

Aizaaya 44:8

Men sa maa lɔ kufu, ma basa! Men nyi yili dra dra na kikɛ m ba fo mbre, ma e naa kaŋɛ asɔ nɛ e beeŋ baa wora kikɛ; menyi alɛ e la ma eshɛdajipoana. N nawule e la Ebɔrɛ, shɛŋ maŋ naa kɔ eleŋgboŋ fanɛ ma.”

Jɛremaya 46:18

Ma, Enyɛnpe Ebɔrɛ na e la ewura. Ma e la Ebɔrɛ nɛ e bee sa ŋkpa na. Kananɛ Tabɔɔ be kebee baa du jeŋgreŋ a chɔ abeeana, nɛ Kaamɛl be kebee malɛ dii awɔlto a chɔ teku na, aloŋ nɛ edoŋ nɛ e beeŋ ba kɔ fo na be eleŋ beeŋ baa chɔ feya.

Jɛremaya 48:15

Ama ma e la Enyɛnpe Ebɔrɛ; Ewura nɛ e kɔ eleŋ ga na. Mee nase kɔnɔ nna fanɛ bedoŋ beeŋ ba kɔ kena m pɔ menyi be ndeana so. Menyi be benapo lempo gba beeŋ wu kena na to.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Malakai 1:14

Kɔnɔsho e baa wɔ ekama nɛ e bee puni nsaa ta asɔbɔya nɛ a maŋ daga m ba kaa lara sarga a sa ma, saŋɛ so nɛ e nase kɔnɔ fanɛ e beeŋ ta kusɔbɔya lela nɛ k wɔ mbe asɔbɔya to m ba lara sarga n sa ma na so. Ŋkpal manɛ so ma e la Enyɛnpetale Ewurgboŋ, nɛ efuli kama so ebi bee ŋana ma.”

Matiu 5:35

Menyi alɛ e sa maa bɔ kasawule, ŋkpal manɛ so, k la Ebɔrɛ be keyaputi ase nna. Men sa maa bɔ Jerusalɛm gba, ŋkpal manɛ so, ndoŋ la Ewurgboŋ na be kade nna.

Ditɛronɔmi 7:21

Amoso men sa maa ŋana basa ere jemanɛ nɛ menyi nɛ bumo beeŋ tu abar kena to. Menyi nɛ Enyɛnpe menyi be Ebɔrɛ na e wɔtɔ. E la Ebɔrɛ gboŋgboŋi nɛ mbe asheŋ kɔ kufu nna.