Nshɛ 95:1 - EBƆRƐ BE KAWƆL

¹ Men ba nɛ an boŋ kagbenefuli be nshɛ n sa Enyɛnpe Ebɔrɛ nɛ e bee kuŋ anyi na.

Nshɛ 95:1 ပူးပေါင်းရင်းမြစ်များ

2 Samuɛl 22:47

Enyɛnpe Ebɔrɛ fo wɔtɔ! Meeŋ di fo epaŋ! Fo la kejembu nna nɛ mee ŋana fo to! Meeŋ maŋkura fo ŋkpal fo ka mɔlga ma so.

1 Kronikɛls 16:9

Men boŋ kapandi be nshɛ m maŋkura Enyɛnpe Ebɔrɛ; nseŋ kaŋɛ mbe mamachi be asheŋ woraso be asheŋ.

2 Kronikɛls 20:28

B ka fo kade to nɛ b ta ejaŋjilaŋ nɛ nlopi nɛ mbel m boŋ nshɛ n yɔ bɔrɛlambu na to.

Nshɛ 100:1

Durnya to be basa kikɛ, e baa kpaŋ Enyɛnpe Ebɔrɛ na!

Nshɛ 101:1

O Enyɛnpe Ebɔrɛ, meeŋ boŋ kashɛ a laŋɛ fo kasha nɛ keji asheŋ nɛ amo be ekpa so be kaplɛa so.

Nshɛ 107:15

A daga fanɛ men di Ebɔrɛ epaŋ ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ so.

Nshɛ 107:21

A daga fanɛ men di Ebɔrɛ epaŋ ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ na so.

Nshɛ 107:8

A daga fanɛ men di Ebɔrɛ epaŋ ŋkpal mbe kasha nɛ k maa chɛrga, nɛ emamachisheŋ nɛ e bee wora a sa edimɛdi kikɛ na so.

Nshɛ 117:1

Menyi, efuli pɔtɛana so ebi, men baa di Enyɛnpe Ebɔrɛ na epaŋ! Menyi, edimɛdi be yiri kikɛ, men di mo epaŋ!

Nshɛ 118:1

Men di Enyɛnpe Ebɔrɛ na epaŋ, ŋkpal manɛ so, e walɛ nɛ mbe kasha nɛ k maa chɛrga na malɛ wɔtɔ mbaanaayɔ.

Nshɛ 150:6

Asɔ keniso kikɛ e baa kpaŋ Enyɛnpe Ebɔrɛ na! Men baa kpaŋ Enyɛnpe Ebɔrɛ na!

Nshɛ 18:47

Fo e bishi kuwule n sa ma nseŋ shin nɛ efuliana bee nu a sa ma.

Nshɛ 34:3

Men ba chɛ ma to nɛ an malga Enyɛnpe na be keshi be asheŋ. Men shin nɛ an cha abar n fur mbe ketre.

Nshɛ 66:8

Basa, men kikɛ e ba nɛ an fur anyi be Ebɔrɛ na. Men fur mo nɛ basa e nu.

Nshɛ 81:1

Men boŋ nshɛ kagbenefuliso n sa Ebɔrɛ nɛ e bee sa anyi eleŋ na! Men boŋ nshɛ ŋ kpaŋ an nananyɛn Jeekɔb be Ebɔrɛ na!

Nshɛ 89:26

Ndoŋ nna nɛ e kaŋɛ ma le: ‘Fo e la n tuto nɛ ma Ebɔrɛ; Fo e la ma ekumpo nɛ ma emɔlgapo.’

Ɛksodɔs 15:1

Ade kikɛ be kaman nɛ Mosis nɛ Israɛlebi na kikɛ boŋ le be kashɛ ere n sa Enyɛnpe Ebɔrɛ a kaŋɛ: “Meeŋ boŋ kashɛ n sa Enyɛnpe Ebɔrɛ na, ŋkpal manɛ so e kɔ m pɔɔ so kemaŋkuragboŋ so. Mo e shin nɛ egbaŋɛ nɛ bumo be bediipoana mur ashi teku to na.

Ɛksodɔs 15:21

Nɛ Miriam bee boŋ kashɛ a wɔtɔ bumo to a kaŋɛ: “Men boŋ kashɛ n sa Enyɛnpe Ebɔrɛ na, ŋkpal mbe kekɔmpɔɔso be eleŋ nɛ kemaŋkura ka shi ga so. Mo e shin nɛ egbaŋɛturko nɛ amo be bediipo mur teku to na.”

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Matiu 21:9

Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ: “Hosana e baa wɔ Ewura Deevid mo Nanabi so. Nɛfa la esa nɛ e shi Enyɛnpe be ketre to a ba na peya nna. Hosana e baa la Enyɛnpetale peya.”

1 Kɔrintebi 10:4

nseŋ daŋ nuu asɔnuuso koŋwule mo nɛ a daŋ shi Ebɔrɛ kutɔ na. Kefalta mo nɛ kumo nɛ bumo daa na na kutɔ nɛ b daŋ nuu amo. Kefalta na e la Kristo na.

Ɛfesesebi 5:19

Men baa ta Ebɔrɛ be kawɔl to be nshɛ nɛ Ebɔrɛ be basa be kedi epaŋ be nshɛ nɛ abɔrɛsheŋ be nshɛ a boŋ a kute asheŋ a sa abar nsaa ta men be ŋgbene kikɛ a boŋ nshɛ a di Ebɔrɛ Enyɛnpe na epaŋ.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

Kelaraŋŋini 14:3

Nɛ b boŋ kashɛ popɔr ashi kuwurputi na be anishito nɛ asɔbɔya keniso ana nɛ bejuŋkparpo na be anishito. Esa kikɛ daa maaŋ tiŋ ŋ koya kashɛ na she basa ŋgboŋ kalfa nɛ ŋgboŋ adena nɛ ŋgboŋ ana mo nɛ b sɔ n yige kasawule so na.

Kelaraŋŋini 15:3

B daa yil nna a kɔ amo a boŋ anebi Mosis, Ebɔrɛ be kenya na be kashɛ nɛ Kpakpafɔlbi na be kashɛ a kaŋɛ: “Enyɛnpetale Ebɔrɛ, Enyɛnpe fo asheŋ woraso kɔ mamachi pasaa! Fo nɛ fo la efuli kama be Ewura na, fo ekpa niŋi nsaa kɔ kashenteŋ amo to pasaa!

Kelaraŋŋini 19:6

Mmalga ere be kaman nɛ n nu kusɔ ko ka gbri fanɛ jimaŋ damta ka wora awɔr na. Awɔr na daŋ naa gbri fanɛ nchu damta ka bee shile nna nseŋ daŋ naa gbri fanɛ bɔrɛ ka bee ponte to a boŋ to a kaŋɛ le: “Halleluya. Ŋkpal manɛ so, an Nyɛnpetale Enyɛnpe Ebɔrɛ na e wɔ kuwura a ji.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.