Nshɛ 94:16 - EBƆRƐ BE KAWƆL

¹⁶ Wanɛ e naŋ yili ma kaman n tu ma ŋ kɔ basa lubi ere?

Nshɛ 94:16 ပူးပေါင်းရင်းမြစ်များ

2 Bewura 10:15

Jehu ka naŋ lar a yɔ, nɛ e ya tu Rekab pibinyɛn Jonadab. Ndoŋ nna nɛ Jehu chɔrɔ mo nseŋ bishi mo le: “Ma nɛ fo kikɛ be nfɛra la kukoŋwule nna. Feeŋ chɛ ma to a?” Nɛ Jonadab yɛ: “Mm, meeŋ chɛ fo to.” Ndoŋ nna nɛ Jehu kaŋɛ mo le: “Kumo ere ta fo enɔ n sa ma.” Nseŋ pɛ mbe enɔ to ŋ gberge mo nɛ e luri gbaŋɛturko na to,

2 Bewura 9:32

Ndoŋ nna nɛ Jehu maŋ kumu so ŋ keni tokuro na ase m ponte ŋ kaŋɛ: “Wanɛ e bɛ ma so?” Nɛ ewura be laŋ to be benimuana yili tokuro na ase a jule a keni mo.

Nehemaya 5:7

Ndoŋ nna nɛ n fɛ kumo be asheŋ nseŋ kaŋɛ bejuŋkparpoana na nɛ ekrachiana na le: “Manɛ nna nɛ menyee paŋ menyi be basa gbagba amansherbi nsaa wɔtɔ bumo nchu? Kumo be kaman nɛ n tre ekama n shɛr nseŋ malga ŋ gbiti bejuŋkparpoana na ŋ kaŋɛ bumo le,

Nshɛ 118:6

Enyɛnpe Ebɔrɛ na ka wɔ ŋ kutɔ so, m maaŋ naa ŋana kufu. Manɛ nɛ dimɛdi beeŋ tiŋ n wora ma?

Nshɛ 17:13

Enyɛnpe Ebɔrɛ koso ŋ kɔ m pɔɔ bumo so. Ta fo tokobi m mɔlga ma ashi amu kpakpasowuraana be enɔ to.

Nshɛ 59:2

Kuŋ ma ashi kumukpakpasowuraana nɛ baa fin ma nɛ b mɔ na kutɔ.

Aizaaya 59:16

E ka wu fanɛ esa kikɛ maŋ wɔtɔ nɛ e wora kusɔ ko a laŋɛ kumo be kaplɛa so nɛ k jija mbe kagbene ga n ti so. Amoso e beeŋ bɔla mo gbagba be eleŋ so ŋ kɔ n suge basa nɛ baa kɔrfɛ na n yige nseŋ shin nɛ b kɔ m pɔɔ so.

Aizaaya 63:5

K daŋ chinchiŋ ma nna fanɛ esa kikɛ ka daa maŋ wɔtɔ nɛ e chɛ ma to ŋko n wɔtɔ ma enɔ. Amoso ma agbo e wɔtɔ ma eleŋ n shin nɛ ŋ gbagba kɔ m pɔɔ so.

Jɛremaya 5:1

Jerusalɛm to be basa, men nite agbembi so ŋ keni kusɔ nɛ k bee wora, Men keni ŋ kulti, menyi gbagba beeŋ wu fanɛ esa ko wɔtɔ a wora kusɔ nɛ keniŋi nsaa wora ania fanɛ e beeŋ baa ji kashenteŋ a sa Ebɔrɛ a? Menyeeŋ wu loŋ be esa ashi kakpa nɛ menyi bee ji kebɛ a? Nɛ men kaŋ nya loŋ be esa ma, Enyɛnpe Ebɔrɛ na beeŋ ta Jerusalɛm be basa be alubi m paŋ bumo.

Ezikɛl 22:30

Ade kikɛ so nɛ n fin esa nɛ e beeŋ kɔ n sa kadegboŋ na nseŋ kuŋ kumo, nɛ ma agbo maaŋ ba kumo so nɛ k mur. Ama m maŋ nya esa kikɛ.

Nɔmbɛs 10:35

Saŋkama nɛ Livaiebi na baŋ ta ŋkre be deka na n lar a yɔ, le nɛ Mosis daa kaŋɛ: “Enyɛnpe Ebɔrɛ, koso ŋ kɔ fo doŋana n shin nɛ b pesaŋ to n shile.”

Matiu 12:30

Esa kama nɛ e maŋ la n teri la n doŋ nna nɛ ekama malɛ nɛ e maa chɛ ma to a chala, bee gboŋi asɔ nɛ mee chala nna.

3 Jɔn 1:8

Amoso, loŋ be basa e daga fanɛ anyi alɛ e baa chɛ bumo to, saŋɛ na so anyi nɛ bumo beeŋ baa chɛ abar to kashenteŋ be keŋini be kushuŋ na to.

Demujipoana 5:23

Nɛ Enyɛnpe Ebɔrɛ be malaika kaŋɛ: “Sho kade nɛ baa tre Mɛrɔz kɔnɔ! Ŋkpal manɛ so, kumo be basa kini kechɛto ŋ kɔ Enyɛnpe Ebɔrɛ na mo doŋ kpakpasoana kena.”