Nshɛ 93:5 - EBƆRƐ BE KAWƆL

⁵ O Enyɛnpe Ebɔrɛ, fo mbraana wɔtɔ nna mbaanaayɔ, jemanɛ kikɛ fo bɔrɛlambu na du cheembi nna nsaa walɛ kebita.

Nshɛ 93:5 ပူးပေါင်းရင်းမြစ်များ

2 Kronikɛls 29:5

nɛ e malga bumo kutɔ ndoŋ ŋ kaŋɛ le: “Livaiebi, men lara alubi men be ŋgbene to a du cheembi nseŋ luri Enyɛnpe nɛ e la men nananyɛnana be Ebɔrɛ na be bɔrɛlambu na to n lara kusɔ kama nɛ k wora eyurpi daŋkare be ekpa so ashi kumo to.

Nshɛ 119:111

Fo mbraana na la ma mpetɛsɔ nna mbaanaayɔ; amo e naa shin nɛ ma kagbene bee fuli ma.

Nshɛ 119:129

Fo mbraana la mamachi nna pasaa, amoso nɛ mee wora amo kasonu na.

Nshɛ 119:138

Fo keŋini kikɛ la kashenteŋ nna nseŋ daga esa ka yirda amo.

Nshɛ 119:144

Fo mbraana niŋi nna jemanɛ kikɛ, amoso chɛ ma to nɛ m pin amo to nsaa wɔ ŋkpa to.

Nshɛ 29:2

Men di mbe ketre nɛ k kɔ kemaŋkura na epaŋ; nseŋ bunyaŋ mo ŋkpal e ka du cheembi nsaa kɔ kemaŋkura so.

Nshɛ 99:5

Men baa maŋ Enyɛnpe anyi be Ebɔrɛ na so, nsaa bunyaŋ mo ashi mbe kuwurputi ase. Ŋkpal manɛ so, e du cheembi nna.

Nshɛ 99:9

Anyee kpaŋ fo, Enyɛnpe anyi be Ebɔrɛ na, nsaa bunyaŋ fo ashi fo kebee cheembi na ase. Ŋkpal manɛ so, Enyɛnpe anyi be Ebɔrɛ na du cheembi nna.

Ɛksodɔs 28:36

Men ta shuwa lela n lɔŋɛ kusɔ paŋgelambi nseŋ chaŋ le be nsibɛ n deŋ kumo so: ‘Cheembi n sa Enyɛnpe Ebɔrɛ na’

Aizaaya 52:11

Menyi kikɛ nɛ menyee sulɔ bɔrɛlambu na to be asɔ na, e lar kadegboŋ nɛ baa tre Babilɔn na to. Men sa maŋ kaŋ beta keyurpisɔ kikɛ n wora eyurpi daŋkare be ekpa so. Menyi alɛ e bɛr nchu a du farfarbi pɔɛŋ nseŋ lar ndoŋ.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Ezikɛl 43:12

Mbra nɛ k dese a laŋɛ bɔrɛlambu na be kaplɛa so e la fanɛ, kaboŋ nɛ k kulti kumo ashi kebee na be awɔlto na kikɛ la kakpa cheembi gbagba nna.”

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Levitikɔs 19:2

e kaŋɛ Israɛlebi na le: “Men baa du cheembi, ŋkpal manɛ so, ma Enyɛnpe, men be Ebɔrɛ na du cheembi nna.

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Baru lela nɛ Jɔn kute na 4:24

Ebɔrɛ la Kiyoyu nna nɛ a daga fanɛ bumo nɛ baa bunyaŋ mo e baa bɔla mbe Kiyoyu be eleŋ so a bunyaŋ mo kashenteŋto.”

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.