Nshɛ 92:6 - EBƆRƐ BE KAWƆL

⁶ Esa nɛ e maŋ nyi asheŋ maa pin fo asheŋ to; ewulpo malɛ maaŋ tiŋ m pin amo to fanɛ,

Nshɛ 92:6 ပူးပေါင်းရင်းမြစ်များ

Nshɛ 104:24

Enyɛnpe Ebɔrɛ, kanyiasheŋ so nɛ fo bɔla n to asɔ damta. Fo asɔ to so nɛ e kɔ ŋkpa sɔ kasawule so kikɛ nna.

Nshɛ 139:14

Mee kpaŋ fo nna, ŋkpal manɛ so, kananɛ fo to ma na la mamachi nna nsaa keta kufu. Fo asheŋ woraso kɔ mamachi pasaa. M baa nyi kumo ma kagbene to nna geeŋ.

Nshɛ 14:1

Ewulpo e naa kaŋɛ mbe kagbene to fanɛ Ebɔrɛ maŋ wɔtɔ. Loŋ be basa maa wora asheŋ nɛ a bee bɔla ekpa. Bumo be asheŋ woraso kikɛ la alubi nna. Bumo be ekama maa wora asheŋ lela.

Nshɛ 32:9

Amoso n sa maŋ wuli fanɛ gbaŋɛ ŋko kurma; nɛ baa wɔtɔ kebarga ŋko efɔl pɔɛŋ nɛ e bee shuli a sa mo nyɛnpe na.

Nshɛ 49:10

Anyee wu benyiashempo nɛ bewulpo kikɛ ka bee wu; nɛ basa pɔtɛ e ta bumo be asɔ.

Nshɛ 73:22

kawulisheŋ nɛ kebaamaŋ nyi asheŋ e daa kɔ ma, nɛ n daa wora asheŋ fo anishito fanɛ kusɔbɔya na.

Nshɛ 75:4

Ma e naa kaŋɛ kumukpakpasowura fanɛ e sa maa kpeŋ a wu mbe kumu.

Nshɛ 94:8

Ma basa, manɛ nna nɛ men paŋ nfɛra loŋ? Saŋɛ mo nɛ menyi beeŋ naŋ nya kanyiasheŋ?

Aŋasa 1:22

“Ewulpo, fee sha fanɛ fo baa la ewulpo saŋkikɛ nna nsaa keni kenyi jiga a? Fo kini kenyi be kekoya nna a? Saŋɛ mo nɛ feeŋ fara a koya asheŋ?

Aŋasa 24:7

Ewulpo maaŋ tiŋ m pin kanyiasheŋ be mmalga to. B baa malga kenishipere be mmalga ewulpo maŋ kɔ shɛŋ a kaŋɛ.

Aŋasa 30:2

N duli kusɔbɔya a chɔ dimɛdi; M maŋ naa kɔ dimɛdi be nfɛra

Aizaaya 1:3

Ana nɛ ekurma nyi basa nɛ b wɔ bumo nsaa bela bumo. Ama ma basa, Israɛlebi, bre maŋ nyi ma. B maa pin asheŋ to gba kuraa.”

Aizaaya 28:29

Kanyiasheŋ ere kikɛ shi Enyɛnpetale Ebɔrɛ na kutɔ nna. Ebɔrɛ bee kre ŋkre kanyiasheŋ so nna, nɛ amo alɛ bee wora a bɔlɔ so jemanɛ kikɛ!

Aizaaya 55:9

Kananɛ ebɔrɛso wɔ esoso a chɔ kasawule so na, aloŋ nɛ ma kasheŋwora nɛ nfɛra fɛso chɔ menyi peya.

Jɛremaya 10:14

Basa nɛ baa lɔŋɛ agbir maŋ kɔ nfɛra kikɛ! Ebɔyɛpo nɛ baa ta shuwa ŋko gbiti a wurge agbirana so na bee ji anishinyɔr nna ŋkpal bumo be agbirana nɛ e maŋ kɔ kashenteŋ nɛ ŋkpa so.

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Luuk 12:20

Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.