Nshɛ 92:14 - EBƆRƐ BE KAWƆL

¹⁴ Baaŋ baa du fanɛ ndibi nɛ e bel nseŋ kraa kɔ eleŋ a sɔr asɔrso.

Nshɛ 92:14 ပူးပေါင်းရင်းမြစ်များ

Job be kawɔl 17:9

Basa niŋiso beeŋ baa wora kusɔ nɛ k daga, ŋkpal loŋ so baaŋ baa nya eleŋ a ti so.

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Nshɛ 71:18

Naniere, nɛ m bel n fuli kumu, sa maŋ pal kaman n sa ma, O Ebɔrɛ. Shin nɛ m baa kraa wɔtɔ a malga fo eleŋgboŋ be asheŋ a sa kaman to ebi nɛ baa ba na.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Aizaaya 46:4

Ma e la menyi be Ebɔrɛ nsaa beeŋ keni menyi so n ya fo fanɛ menyi ka beeŋ ya bel n fuli amu. Ma e to menyi nsaa keni menyi so; meeŋ chɛ menyi to nseŋ kuŋ menyi nɛ shɛŋ shɛŋ maaŋ wora menyi.”

Jɛremaya 17:8

Amodoŋwura beeŋ baa du fanɛ kedibi nɛ k yili m mata kabombi nna nsaa teŋi kumo be nliŋi a yɔ nchu na to nna. Kakpa baŋ bel edɛ gba k maa ŋana kufu, ŋkpal k ka kɔ afantaŋ bumbuŋ jemanɛ kikɛ so. Bɔrɛ maŋ ba gba k maa fɔŋ shɛŋ so, kumo ere bee sɔr kumo be asɔrso nna.

Ezikɛl 47:12

Ndibi be yiri yiri beeŋ kɔr a yil kabombi na be kaba kama so a sa kusɔ jiso. Amo be afantaŋ maa ba nɛ aba bolo, amo alɛ maaŋ yige kebaasɔr kikɛ. Kufɔl kikɛ a beeŋ baa kɔ asɔrso popɔr, ŋkpal manɛ so a bee nya nchu nɛ a bee shi bɔrɛlambu na to nna. Ndibi na be asɔrso beeŋ baa la ajibi nɛ amo be afantaŋ malɛ e baa chɛ basa alɔ.” Kasawule na be Egbaŋ ana be asheŋ

Matiu 3:10

Men du fanɛ ndibi sɔrso nna. Kedibi kama nɛ k maa sɔr asɔrso lela, kekpanfu tea wɔtɔ epul na to nɛ b ta ŋ ku kumo be kaseto n lɛ nseŋ ta kumo n wɔtɔ edɛ to.

Filipaiebi 1:11

Nɛ menyi alɛ baa wɔ loŋ be kebaawɔtɔ to, kashenteŋ be edalelasheŋ nɛ a shi Yesu Kristo nawule kutɔ e naaŋ bɔlɔ menyi to nɛ basa e ta kemaŋkura nɛ epaŋ be kedi n sa Ebɔrɛ.

Juud 1:12

Nɛ le be basa ere baŋ tu menyi n chena kakpa nɛ asɔriebi bee shɛr a ji a ŋini abar kasha, k du fanɛ asɔ lubi ka do kusɔ fuful so nna. Baa paŋ anishinyɔr nna a tase a ji a nuu a keni bumo nawule be amu so. B du fanɛ bɔrɛ ka mɔl nna nɛ afu ta awɔlpa na n choŋ nɛ bɔrɛ na gboŋi na nna. K maŋ kɔ tɔnɔ kikɛ kuraa. B naa du fanɛ ndibi sɔrso mo nɛ a maŋ kɔ asɔrso amo be kesɔr be saŋɛ na nna, amoso, b du fanɛ ndibi mo nɛ a wu nɛ b tia amo nna nɛ k ki fanɛ a wu nna na kuraa.