Nshɛ 92:12 - EBƆRƐ BE KAWƆL

¹² Basa lela beeŋ dii dama fanɛ ŋkubadibi ka purge na; baaŋ daŋ n yili fanɛ Lebanɔn be ndibi nɛ baa tre sida na.

Nshɛ 92:12 ပူးပေါင်းရင်းမြစ်များ

1 Bewura 4:33

E daŋ malga ndibigboŋana nɛ awurbi nɛ afitiri be yiri yiri be asheŋ, nseŋ ŋini asɔbɔya nɛ mbuibi nɛ asɔ gbeyeso nɛ ekɔrɔtɔ kikɛ be asheŋ.

1 Bewura 6:29

B daŋ wora emalaika anyɔ na nɛ abii be ndibi nɛ atoto be ndulgi nna n deŋi bɔrɛlambu na be epunto nɛ kumo be ŋkpar to be ebu nɛ baa tre acheembiana to be kakpa cheembi na be egbalana kikɛ so.

Ɛsta 9:5

Ŋkpal loŋ so Juwebi na daŋ wora bumo doŋana na kusɔ k par bumo nna nseŋ ta etokobi m mɔ bumo kikɛ.

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Nshɛ 104:16

An Nyɛnpe Ebɔrɛ, fo ndibi bee nya nchu nna jemanɛ kikɛ, aloŋ nɛ ndibigboŋ nɛ baa tre sida nɛ fo duu Lebanɔn be efuli so na gba bee nya nchu.

Nshɛ 148:9

Abeegboŋana nɛ abeebiana kikɛ, nɛ ndibi sɔrsoana nɛ kupo to be ndibi kikɛ e baa kpaŋ mo.

Nshɛ 37:34

Ta fo yirda n wɔtɔ Enyɛnpe na to, nsaa bɛ mo so. E beeŋ shin nɛ fo chena kasawule ere so n wu kananɛ belubiworapo beeŋ mur.

Nshɛ 52:8

Ama ma ere du fanɛ ɔlif be kedibi nna, a daŋ nsaa walɛ saŋkama ashi Ebɔrɛ be laŋ to. Ma alɛ be yirda deŋ mbe kasha nɛ k maŋ kɔ ekar na so saŋkikɛ nna.

Nshɛ 72:7

Shin nɛ ewura na e baa ji asheŋ nɛ amo be ekpa so a sa ekama, nseŋ shin nɛ kayurwushi nɛ kedamaya e sɔ kaplɛkama hale nɛ kufɔl e ya wu.

Nshɛ 92:7

kumukpakpasowura beeŋ tiŋ m purge fanɛ afitiri, nɛ belubiworapoana e nya asɔ nseŋ dii dama. E maŋ nyi fanɛ bumo kikɛ beeŋ mur cheche mbaanaayɔ.

Aizaaya 55:13

Ndibi sɔrso beeŋ kɔr n yili mboŋ nɛ ewidibi daa yil, saŋɛ na so k beeŋ baa la tɔɔnɛ a dese mbaanaayɔ. Kumo alɛ beeŋ naa la kanyiŋi a laŋɛ kusɔ nɛ ma, Enyɛnpe Ebɔrɛ na wora be kaplɛa so.”

Jɛremaya 17:8

Amodoŋwura beeŋ baa du fanɛ kedibi nɛ k yili m mata kabombi nna nsaa teŋi kumo be nliŋi a yɔ nchu na to nna. Kakpa baŋ bel edɛ gba k maa ŋana kufu, ŋkpal k ka kɔ afantaŋ bumbuŋ jemanɛ kikɛ so. Bɔrɛ maŋ ba gba k maa fɔŋ shɛŋ so, kumo ere bee sɔr kumo be asɔrso nna.

Eemɔs 2:9

Ama ŋkpal bumo so, nɛ m mur Amɔriebi nɛ b daa wɔ nteŋ fanɛ ndibi tenteŋ nɛ baa tre Sida na, nsaa kɔ eleŋ malɛ fanɛ ndibi gboŋgboŋi lempo na. N daŋ mur bumo be ayabi nɛ achin kikɛ nna cheche.

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Nɔmbɛs 24:6

A du nna fanɛ abii be ndibi ka yili m bɛ abar so le siir, ŋko kudɔbi nɛ k mata lɔrkar. A du nna fanɛ asɔrso be ndibi nɛ Enyɛnpe Ebɔrɛ na gbagba du, ŋko ndibi nɛ baa tre sida na ka wɔ eboŋkar.