Nshɛ 91:5 - EBƆRƐ BE KAWƆL

⁵ Fo maaŋ naa ŋana kanyɛso be asɔ nɛ a bee keta kufu ŋko kapaso be kelantokɔ kikɛ,

Nshɛ 91:5 ပူးပေါင်းရင်းမြစ်များ

Job be kawɔl 6:4

K du fanɛ Enyɛnpetale Ebɔrɛ na ka to atanyembi nna nɛ amo be kebɔr luri ma eyur to. Ebɔrɛ ta kufugboŋ nna n lɛ ma so.

Nshɛ 112:7

B maaŋ baa ŋana baru lubi ŋkpal manɛ so, bumo be ŋgbene baa yil kakpa koŋwule nna nɛ baa yirda Enyɛnpe Ebɔrɛ na.

Nshɛ 46:2

Amoso hale nɛ kasawule gbuŋgbuŋ to nɛ abeegboŋ tia n tɔr teku be kakpa chiŋgeliŋ gba, kufu maŋ kɔ anyi.

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Sɔlɔmɔn 3:8

Benapo na kikɛ la benapo lempo nɛ b nyi kena to nɛnɛ nna. B nyi tokobi be keta ŋ kɔ nɛnɛ. Bumo be ekama malɛ di tokobi nna nseŋ wora shiriya a jo kusɔ nɛ k beeŋ wora kanyɛso nna.

Aizaaya 21:4

Ndoŋ nna nɛ ma nfɛra wul ma to nɛ kufu pɛ ma ga nɛ mee chicha. N daa yɛlga fanɛ kaaseso e fo manaŋ nna nɛ ma eyur e wushi ma, ama kaaseso ka fo nɛ kusɔ nɛ k chɔ loŋ naŋ tu ma.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Matiu 8:26

Nɛ e bishi bumo: “Manɛ nna nɛ kufu pɛ menyi loŋ? Men be yirda du fimbi pasaa!” Kamalga ere be kaman nɛ e koso m ponte afuana na nɛ kepa na so nɛ kakpa kikɛ wora shruum.

Luuk 12:20

Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

Luuk 12:39

Men baa nyi fanɛ laŋwura kama baa nyi saŋɛ nɛ eyu beeŋ ba mbe laŋ to e maaŋ shin nɛ eyu na e ba tintiŋ n luri mbe kowu m ba yuri.

Hibruwebi 13:6

Amoso, menyeeŋ tiŋ m puchi ŋ kaŋɛ fanɛ: “Enyɛnpe e la ma echɛtopo, m maaŋ baa lɔ kufu. Manɛ nɛ nyiŋgbasa beeŋ tiŋ n wora ma?”