Nshɛ 91:15 - EBƆRƐ BE KAWƆL

¹⁵ Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Nshɛ 91:15 ပူးပေါင်းရင်းမြစ်များ

Job be kawɔl 12:4

Jemanɛ kikɛ kebaawɔtɔ niŋiso to nɛ n daa wɔ, nɛ Ebɔrɛ malɛ daa nu ma kabɔrɛkule. Ama naniere n nekpaana e naa wora ma eyur to na.

Job be kawɔl 5:19

Saŋɛ kikɛ Ebɔrɛ beeŋ baa lara fo ashi etɔrɔ damta nɛ a bee bar fo kagbenejija ga ere kikɛ to.

Nshɛ 10:17

Enyɛnpe Ebɔrɛ, fo e naa nu bumo nɛ baa ji awurfoŋ be kekule. Feeŋ nu bumo be nfubel nseŋ leŋ bumo to.

Nshɛ 138:7

Nɛ etɔrɔ baŋ kulti ma n wɔtɔ gba, fo e naa kuŋ ma ashi bedoŋ nɛ b nya agbo n wɔtɔ ma be enɔ to. Fo gbagba be enɔ lempo na e naa shin nɛ mee nya ma kumu a ji.

Nshɛ 18:15

Nɛ fo kaponte na shin nɛ teku be kasawulebi wɔlto a dese kpantaŋkpalaŋ, nɛ kasawule be gbaltɔlase lar n dese kpatokplo.

Nshɛ 23:4

Hale nɛ n na tentembiri to mina gba, kufu maa pɛ ma. Ŋkpal manɛ so, fo wɔ ma kutɔ. Fo kuwurkpabi nɛ fo kuchuchɔ e naa kuŋ ma.

Nshɛ 37:40

Enyɛnpe na e naa mɔlga bumo; ashi alubiworapoana be enɔ to, ŋkpal b kaa bee fin kekuŋ ashi mo kutɔ so.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 58:9

Nɛ men baŋ kule ma kusɔ kama, meeŋ nu menyi be kekule. Nɛ men tre ma malɛ meeŋ shuli menyi be ketre na! Nɛ men yige kanyaŋ nɛ nfɛlso be kebaawɔtɔ nɛ mmalga lubi be kebaamalga

Aizaaya 65:24

Pɔɛŋ nɛ baaŋ kule ma kusɔ kama gba nɛ n tiŋ n nu bumo be kekule.

Jɛremaya 33:3

Men kule ma nɛ n nu menyi be kekule nseŋ kaŋɛ menyi asheŋgboŋ nɛ menyi maŋ nyi nsaa maaŋ tiŋ m pin amo to na.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 12:43

Bumo alɛ ka daa sha mbo ashi basa kutɔ a chɔ Ebɔrɛ kutɔ na so e shin nɛ b daa wora loŋ.

Baru lela nɛ Jɔn kute na 16:32

Ama men baa nyiŋi fanɛ saŋko beeŋ ba fo, k teŋ fo gba nɛ menyi kikɛ e pesaŋ to nɛ ekama e yɔ mo gbagba pe. Menyeeŋ yige n nawule n to, ama mannɛ n nawule e wɔtɔ, ŋkpal manɛ so, n Tuto wɔ ŋ kutɔ nna.

Baru lela nɛ Jɔn kute na 5:44

Menyee sha kebaanya mbo abar kutɔ, ama men maa wora ania a fin mbo ashi Ebɔrɛ koŋwule na kutɔ nɛ nuso nɛ menyeeŋ wora n yirda?

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

1 Pita 3:22

Mo, Yesu Kristo koŋwule na e yɔ ebɔrɛso n ya kaa tase Ebɔrɛ be jisoso, kakpa nɛ ebunyampo bee chena, a ji emalaika kikɛ nɛ bejuŋkparpoana kikɛ nɛ eleŋana kikɛ so kuwura na.

1 Pita 5:4

Saŋɛ na so, Ekenipo Nimuso na kaŋ ya lar m ba, menyeeŋ nya kemaŋkurawuro mo nɛ k maa terge kikɛ na.

Kelaraŋŋini 3:21

Esa kama nɛ e kɔ m pɔɔ so, meeŋ sa mo ekpa nɛ e tu ma n chena ma kuwurputi so fanɛ kananɛ ŋ kɔ m pɔɔ so nseŋ chena n Tuto kutɔ ashi mbe kuwurputi so na.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.