Nshɛ 90:2 - EBƆRƐ BE KAWƆL

² Pɔɛŋ nɛ fo to abeeana nɛ kasawule nɛ durnya kikɛ na, nɛ fo la Ebɔrɛ nna nsaa wɔtɔ mbaanaayɔ.

Nshɛ 90:2 ပူးပေါင်းရင်းမြစ်များ

Jɛnesis 1:1

Durnya be sososo na, esoso nɛ kasawule nɛ Ebɔrɛ to.

Job be kawɔl 15:7

Mannɛ fo e la dimɛdi juŋkparso durnya to. Fo alɛ maŋ chɛr a chɔ abee nɛ Ebɔrɛ to na.

Job be kawɔl 36:26

Anyi maaŋ tiŋ m pin Ebɔrɛ be keshi to, ŋko n tiŋ ŋ karga mbe nfɛ nɛ e ji.

Nshɛ 102:13

Fo e naaŋ shu Jerusalɛmebi so, ŋkpal manɛ so, jemanɛ fo nɛ feeŋ wu bumo kuwɔr.

Nshɛ 103:17

Enyɛnpe Ebɔrɛ na bee lara mbe kasha nɛ k maa chɛrga na a ŋini bekama nɛ baa bunyaŋ mo mbaanaayɔ nna; mo alɛ nsaa wora a bɔlɔ mbe nnɔ naseso so a sa bumo be kaman to ebi

Nshɛ 146:6

Ebɔrɛ e to esoso nɛ kasawule; mo e to teku nɛ kumo to be asɔ kikɛ nyam. Jemanɛ kikɛ e bee wora a bɔlɔ mbe nnɔ naseso so nna.

Nshɛ 33:9

Mo e malga nɛ durnya fara. Mo e kaŋɛ nɛ kusɔ kama ba.

Nshɛ 93:2

Dra na kikɛ nɛ fee ji kuwura, fo alɛ wɔtɔ nna mbaanaayɔ.

Ɛksodɔs 8:6

Ndoŋ nna nɛ Ɛɛrɔn teŋi mbe enɔ nɛ kekpabi na n shoŋi n shoŋi Ijipt be nchuana kikɛ so nɛ epulo na lar amo to m ba sɔ Ijipt be kasawule so kikɛ.

Aizaaya 44:6

Enyɛnpe Ebɔrɛ nɛ e bee ji kuwura Israɛl so nsaa kuŋ kumo na e kaŋɛ le: “Ma e la sososo nɛ lalaloge; n nawule e la Ebɔrɛ. Ma kaman, Ebɔrɛ kikɛ maŋ wɔtɔ.

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Danɛl 7:9

Kumo be kaman nɛ n wu b ka ta nwurputi n nase, nɛ esa nɛ e maŋ kɔ sososo nɛ lalaloge na chena nwurputi na be kuko so. Mbe piŋi daŋ fuli nna parr fanɛ kebɔrɛjembubi nɛ mbe emin malɛ du fanɛ ateebi. Mbe kuwurputi na daa suse edɛ nna nsaa deŋ kusɔ ko nɛ kumo be aya bel m pere fanɛ ajanwulɛ na so.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Habakuk 1:12

O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe.

Hibruwebi 13:8

Ndere nɛ kabre nɛ saŋkikɛ, Yesu Kristo wɔ ŋkpa to nna mbaanaayɔ. E maa chɛrga kikɛ.

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”