Nshɛ 90:14 - EBƆRƐ BE KAWƆL

¹⁴ Kachipurso kikɛ, shin nɛ fo kasha nɛ k maŋ kɔ ekar na e kukwe anyi, saŋɛ na so, anyeeŋ baa ta kagbenefuli a boŋ nshɛ anyi be kebaawɔtɔ kikɛ to.

Nshɛ 90:14 ပူးပေါင်းရင်းမြစ်များ

Nshɛ 143:8

Ŋkpal ŋ ka ta ma yirda n deŋi fo so so, shin nɛ m baa nyiŋi fo kasha nɛ k maa loge na be asheŋ kachipurso kikɛ. Mee kule fo nna nɛ fo ŋini ma ekpa nɛ meeŋ baa bɔla so a wora asheŋ.

Nshɛ 149:2

Israɛl be basa, men shin nɛ menyi be ŋgbene e fuli menyi ŋkpal menyi be etopo na so; menyi Jerusalɛm to be basa malɛ e ji eyur ŋkpal menyi be ewura so!

Nshɛ 23:6

Kashenteŋto, feeŋ baa wora ma kelela, nsaa ŋini ma kasha, jemanɛ nɛ n wɔ ŋkpa to kikɛ. Meeŋ chena Enyɛnpe Ebɔrɛ be laŋ to hale mbaanaayɔ.

Nshɛ 31:7

Ma kagbene beeŋ fuli ma, nɛ n ji eyur ŋkpal fo kasha nɛ k maa loge na so. Fo wu ma etɔrɔ nɛ awurfoŋ nseŋ chɛ ma to.

Nshɛ 65:4

Fo nɛfa bekama nɛ fo lara na nna, n shin nɛ b chena n sha fo ashi fo bɔrɛlambu to. Anyeeŋ ji anyi be amu ashi fo laŋ to nɛ fo bɔrɛlambu cheembi na to.

Nshɛ 85:6

Naŋ sa anyi eleŋ nɛ anyi, nɛ an la fo basa na be ŋgbene e baa fuli fo so nɛ an baa kpaŋ fo.

Nshɛ 86:4

Shin nɛ fo kayɛrbi be kagbene e fuli mo; ŋkpal ŋ ka shi ma kagbene to a kule fo so.

Jɛremaya 31:15

Enyɛnpe Ebɔrɛ na yɛ: “Awɔr ko bee cha ashi Raama be kade to; k la kenishipereso be kushu be awɔr nna. Reechel e naa shu nseŋ kini kelolo ŋkpal mbe mbia ka wu so.

Zakareya 9:17

Baaŋ baa walɛ kebita kashenteŋto! Mbifɔlbi beeŋ daŋ a kɔ eleŋ nɛnɛ ŋkpal b ka beeŋ nya aboyu damta a ji nsaa nya yabra popɔr a nuu so.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.