Nshɛ 90:10 - EBƆRƐ BE KAWƆL

¹⁰ Nfɛ nɛ anyee ji kikɛ la nfɛ adushunu nna, nɛ an baa kɔ eleŋ malɛ nɛ an ji nfɛ aduburwa; Ama etɔrɔ wurbi nɛ kagbenejija damta e wɔ amo to, ŋkpal manɛ so, a maa chɛr nsaa choŋ fanɛ afu.

Nshɛ 90:10 ပူးပေါင်းရင်းမြစ်များ

Jɛnesis 47:9

Nɛ Jeekɔb kaŋɛ Fɛɛro: “Nfɛ mo nɛ n ji a na a kilgi to durnya ere to wɔ nfɛ kalfa nɛ adesa. Loŋ be nfɛ na malɛ kikɛ la awurfoŋ be nfɛ nna, amo alɛ maŋ naa shi fanɛ kananɛ n tutoana nɛ n nanaana nɛ b daa na a kilgi to na be nfɛ daa shi na.”

Jɛnesis 6:3

Kachako nɛ Enyɛnpetale kaŋɛ: “M maaŋ shin nɛ kiyoyu nɛ n ta n wɔtɔ dimɛdi to na e baa wɔ mo to mbaanaayɔ, ŋkpal manɛ so, e la eyur nɛ ŋklaŋ nna, amoso e beeŋ ji nfɛ kalfa nɛ adunyɔ nawule nna durnya ere to.”

2 Samuɛl 19:35

Yiramu! Ma nfɛ aduburwa nna na. Shɛŋ shɛŋ malɛ maŋ naa yɛlga ma. Ajibi ŋko asɔnuuso kikɛ maŋ naa wora ma ebel. Ma alɛ maŋ naa nu nshɛ gba be ebel, amoso maa sha keki esulɔ n sa fo.

2 Samuɛl 19:36

Le be kakɔka ere maŋ daga ma. Ama meeŋ shuŋi fo n ya dii Jɔɔdan be Lɔr na n yɔ anishito gbrɛbi.

1 Bewura 1:1

Ewura Deevid daŋ bel ga nna, amoso b ka ta ata m buu mo so gba nɛ awo kraa luri mo to nna.

Job be kawɔl 14:10

Ama anyi edimɛdi kɔr ndibi to, an baŋ wu asheŋ loge.

Job be kawɔl 20:8

Basa beeŋ teŋ bumo so fanɛ kananɛ baa teŋ edareana so na.

Job be kawɔl 24:24

Alubiworapoana beeŋ tiŋ n nyalɛ kabre, ama k maaŋ chɛr ko nɛ bumo be asɔ na e mur cheche. Baaŋ ba kaseto fanɛ b ka buse afitiri n lɛ na.

Job be kawɔl 5:7

Ayai! Edimɛdi gbagba e naa fin asheŋ a sa bumo be amu; fanɛ kananɛ ajanwulɛ bee pante edɛ na.

Nshɛ 78:39

E daŋ nyiŋi fanɛ b la eyur nɛ ŋklaŋ nna. B du fanɛ afu nɛ k bee ber a yɔ a maŋ naa laŋɛ nna.

Aizaaya 38:12

Ma ŋkpa daŋ ku so nna nseŋ fo ekar, fanɛ mbolpɔkpapo be wajɛbu nɛ e bɔɔ na, ŋko fanɛ wajɛ nɛ b kraa lue nseŋ ku kumo so ashi kɔrɛ to na. N daa fɛ fanɛ Ebɔrɛ shin nɛ ma ŋkpa loge nna.

Luuk 12:20

Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

Ditɛronɔmi 34:7

Mosis daŋ ji nfɛ kalfa nɛ adunyɔ nna nseŋ wu, ama e daŋ kraa kɔ eleŋ nna fanɛ kabrantiɛ, nɛ mbe anishi malɛ daŋ kraa wu nɛnɛ.

Jeems 4:14

Men maŋ nyi kusɔ nɛ k beeŋ wora echefo gba. Manɛ e la men be ŋkpaana ere? Men be ŋkpaana ere du fanɛ kenyɔlɔ nna, a maa chɛr nseŋ naa yɔ epul na to.

Joshuwa 14:11

Eleŋ nɛ n daa kɔ saŋɛ nɛ Mosis shuŋi ma na nɛ ŋ kra kɔ kabre gba. Ŋ kra kɔ eleŋ nɛ meeŋ tiŋ n yɔ kena to n ya kɔ.