Nshɛ 9:6 - EBƆRƐ BE KAWƆL

⁶ Ama doŋana mur cheche. Fo jija bumo be ndeana kikɛ, nɛ esa kikɛ maaŋ naŋ nyiŋi bumo hale mbaanaayɔ.

Nshɛ 9:6 ပူးပေါင်းရင်းမြစ်များ

2 Bewura 19:25

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ nɛ b pɔr egbalana ŋ kulti na ki nde bureso.

Job be kawɔl 18:17

Bumo ere choŋ nɛ ekama teŋ bumo so nna na.

Nshɛ 34:16

Ama e bee pal kaman nna a sa alubiworapo bre. Bumo alɛ baŋ wu e bee shin nɛ baa teŋ bumo so kuraa nna.

Nshɛ 34:17

Enyɛnpe Ebɔrɛ na bee nu esa nɛ e bee wora asheŋ niŋiso be kushu nna, nsaa mɔlga mo ashi mbe tɔrɔ to.

Nshɛ 46:9

E shin nɛ kena loge durnya to. E buri benapo be atanyembi nɛ akpa to nseŋ chɔɔ bumo be asɔ kuŋso kikɛ.

Nshɛ 7:5

nɛ n wora asɔ ere be kekama, kumo ere fo shin nɛ ma doŋana e ju ma n pɛ. Shin nɛ b chichi ma so m mɔ nseŋ yige ma n lɛ shishɛr to.

Nshɛ 8:2

Hale mbi popɔrbi nɛ mbiwurbi kikɛ bee boŋ nshɛ a di fo epaŋ. Fo kuŋ fo kumu ashi fo doŋana be enɔ to. Fo alɛ maaŋ sa fo doŋ kikɛ kashuli.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Aizaaya 14:17

Kanyɛn nɛ e mur ndegboŋ nseŋ shin nɛ durnya ki fanɛ kiyitokpaŋ na nde a? Mo e daŋ kini keshin nɛ basa nɛ b pɛ kena to na e nya ekpa n yɔ bumo peana na a?”

Aizaaya 26:14

Bumo kikɛ wu naniere nsaa maaŋ naa wɔ ŋkpa to. Bumo be abuniyoyu maaŋ naŋ koso kikɛ, ŋkpal fo ka gberge bumo kusoe nseŋ mur bumo so. Esa maaŋ naŋ nyiŋi bumo kikɛ.

Aizaaya 37:26

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ lempoana ki alambure na.

Jɛremaya 51:25

Babilɔn, fo du fanɛ kebee nna a kɔ eleŋ ga a mur durnya kikɛ, ama ma, Enyɛnpe Ebɔrɛ na ki fo doŋ nna na. Meeŋ to m pɛ fo to ŋ gberge fo n lɛ kasawule nɛ fo bure to ŋ ki fanɛ ebirkesi ka bure to n deŋi abar so na.

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Maika 7:8

N doŋana, men sa maŋ shin nɛ menyi be ŋgbene e fuli nɛ men baa ji njɔŋ ma so. Hale nɛ n tɔr gba, ŋ kraa beeŋ koso. Nɛ n chena tentembiri to gba, Enyɛnpe Ebɔrɛ na e la ma kefulto.

1 Kɔrintebi 15:26

Edoŋ mo nɛ Ebɔrɛ beeŋ mur lalaloge e la luwu.

Kelaraŋŋini 20:2

Ndoŋ nna nɛ e ya nyaŋ kusɔ gbeyeso, mo e la dra na kikɛ be kusɔkpaŋ nɛ baa tre mo koŋwule alubipo ŋko Setani na ŋ kre mo n nase nfɛ kagboŋ.

1 Samuɛl 30:1

Kachɛ sasopo na nɛ Deevid nɛ mbe basa luri Ziklag. Ama saŋɛ nɛ Deevid nɛ mbe basa daa maŋ wɔ ndoŋ na, Amalɛkebi na daŋ kre kena nna n ya purge Juda be kelargato be kaseto be kaba so ebi na hale ŋ kɔ Ziklag n chɔɔ kade na kikɛ

1 Samuɛl 31:7

Israɛlebi nɛ b wɔ Jizreel be ketaŋɛ be kaba ndoŋ, nɛ bumo nɛ bumo alɛ wɔ Jɔɔdan be lɔr na be epeŋilarkpa be kaba so na ka nu fanɛ Israɛl be benapo shile nɛ b mɔ Sɔɔl nɛ mbe mbinyɛnsobi, nɛ bumo alɛ gba shile n lar bumo be nde to nɛ Filistiebi na ba sɔ amo n chena.