Nshɛ 9:2 - EBƆRƐ BE KAWƆL

² Ma kagbene beeŋ fuli ma nɛ n ji eyur ŋkpal fo so. Enyɛnpetale Ebɔrɛ, meeŋ boŋ kashɛ n di fo ketre epaŋ.

Nshɛ 9:2 ပူးပေါင်းရင်းမြစ်များ

Nshɛ 138:1

Meeŋ ta ma kagbene kikɛ ŋ kpaŋ fo; O Enyɛnpe Ebɔrɛ; meeŋ boŋ nshɛ ŋ kpaŋ fo ashi emalaika be anishito.

Nshɛ 26:7

nsaa boŋ kapandi be nshɛ, a malga fo mamachi be ashuŋ be asheŋ.

Nshɛ 27:6

Ndoŋ nna nɛ ŋ kɔ m pɔɔ n doŋana so nseŋ lara sarga ashi mbe bɔrɛlambu to; nseŋ cha awɔr kagbenefuliso m boŋ nshɛ m fur Enyɛnpe Ebɔrɛ na.

Nshɛ 28:7

Enyɛnpe Ebɔrɛ na e naa sa ma eleŋ nsaa kuŋ ma. N yirda mo kashenteŋto. E chɛ ma to n shin nɛ ma kagbene fuli ma. Amoso meeŋ ji eyur nseŋ boŋ nshɛ n di mo epaŋ.

Nshɛ 43:4

Saŋɛ na so meeŋ ya bunyaŋ fo ashi fo bɔrɛsure na ase, ŋkpal fo ka sa ma kagbenefuli gboŋgboŋi so so. Meeŋ ta ma jaŋjilaŋ n laŋ m maŋkura fo, ma Ebɔrɛ na.

Nshɛ 5:11

Ama bumo nɛ baa fin kekuŋ ashi fo kutɔ na bre be ŋgbene bee fuli bumo nna, nɛ baa boŋ nshɛ kagbenefuliso saŋkama. Baa kuŋ bumo nɛ baa sha fo na; Shin nɛ bumo be ŋgbene e baa fuli bumo ŋkpal fo so.

Nshɛ 7:17

Mee chɔrɔ Enyɛnpe Ebɔrɛ ga ŋkpal e ka bee wora asheŋ nɛ amo be ekpa so so. Meeŋ boŋ kashɛ n di Enyɛnpetale Ebɔrɛ nɛ e wɔ esoso na epaŋ.

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Nshɛ 86:12

O Enyɛnpe ma Ebɔrɛ, meeŋ bugi ma kagbene to ŋ kpaŋ fo, nseŋ maŋkura fo ketre mbaanaayɔ.

Nshɛ 92:1

Kekpaŋ Enyɛnpetale Ebɔrɛ na nɛ keboŋ nshɛ n dele mo walɛ ga.

Nshɛ 92:4

Ŋkpal manɛ so, fo asheŋ woraso bee wushi ma kagbene nna, a shin nɛ mee tiŋ a boŋ nshɛ kagbenefuliso, O Enyɛnpe Ebɔrɛ.

Nshɛ 96:3

Men baa malga mbe kemaŋkura nɛ asheŋgboŋ be asheŋ a sa basa nɛ b wɔ efuliana kikɛ so.

Nshɛ 97:12

Menyi nɛ men wɔ kebaawɔtɔ niŋiso to e shin nɛ menyi be ŋgbene e fuli menyi ŋkpal kusɔ nɛ Enyɛnpe Ebɔrɛ na wora so. Men baa nyiŋi kusɔ nɛ Ebɔrɛ cheembi na bee wora nsaa di mo epaŋ.

Nshɛ 97:9

Ŋkpal manɛ so, fo, Enyɛnpe Ebɔrɛ na e naa ji kuwura durnya kikɛ ebi so. Fo alɛ shi ga a chɔ agbirana kikɛ.

Danɛl 5:18

Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.