Nshɛ 9:17 - EBƆRƐ BE KAWƆL

¹⁷ Belubiworapo bee yɔ luwu to nna, nɛ b ya tu efuli pɔtɛana so ebi nɛ b kini fo na.

Nshɛ 9:17 ပူးပေါင်းရင်းမြစ်များ

Job be kawɔl 8:13

Basa nɛ b maŋ nyi Ebɔrɛ du fanɛ agasa nna, jemanɛ nɛ b maŋ nyi mo na nɛ bumo be tama bee loge.

Nshɛ 106:13

Ama k maŋ chɛr ko nɛ b naŋ teŋ kusɔ nɛ e wora so nsaa maŋ naa sɔ mbe kasotoji.

Nshɛ 44:17

An maŋ teŋ fo so, ŋko n lar anyi nɛ fo be kɔnɔ koŋwule be ŋkre na to. Ama asheŋ ere kikɛ tu anyi.

Nshɛ 44:20

An daŋ teŋ fo so nna, nseŋ ya kaa bunyaŋ efuli pɔtɛana so be agbirana,

Nshɛ 49:14

B du fanɛ mbolpɔ nna nɛ luwu bee kpa bumo a yɔ bumo be nchaŋ to. Ebɔrɛ be basa e naŋ ji bumo so kuwura chipurso nɛ bumo be eyurana e baa dese nchaŋ to a bɛ.

Nshɛ 50:22

Men kplaŋ ma so, amoso men kaŋ kusoe n nu nfe, nɛ mannɛ aloŋ meeŋ mur menyi nɛ esa kama maaŋ chɛ menyi to.

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Aŋasa 5:22

Esa lubi be alubi du fanɛ kegba, nɛ mo gbagba bee kilgi a tɔr to nɛ k bee pɛ mo nna.

Aizaaya 3:11

Ama asheŋ maaŋ nyalɛ n sa basa lubi na bre. Kusɔ nɛ b ta n wora basa ko na e naaŋ wora bumo alɛ gba naniere.

Aizaaya 5:14

Bubuni wora shiriya nna m bela ase a jo Jerusalɛm to be bejuŋkparpoana na nɛ jimaŋ damta nɛ baa cha awɔr na, fɔŋfɔŋ bumo nɛ baa puchi kadegboŋ na so na.

Jɛremaya 13:25

E yɛ kusɔ nɛ k beeŋ nya menyi nna na. Kusɔ nɛ e kre kewora fo basa nna na, ŋkpal b ka teŋ mo so nseŋ yirda agbirana nɛ e maŋ kɔ kashenteŋ so.

Jɛremaya 18:15

Ama ma basa bre teŋ ma so nna nseŋ lar ma kaman n ya kaa chɔɔ eduwu a sa agbirana. B daŋ yige ekpa nɛ k daga fanɛ b baa bɔla so a wora asheŋ nna, nseŋ ya kaa bɔla ekpa popɔr so a shuŋ agbir; nɛ k wora fanɛ b ka fiti n tɔr na.

Jɛremaya 2:32

Kejafɔche maaŋ tiŋ n teŋ mbe asɔbuuso nɛ abitasɔ so nseŋ yɔ mbe kejafɔ to. Ama nchɛ damta nɛ men teŋ ma so.

Jɛremaya 3:21

Men nu! Awɔr ko bee wora ashi abee so! Israɛl be basa e naa shu a kule fanɛ n nu bumo be kekule, ŋkpal b ka daŋ luri kebaawɔtɔ lubi to nseŋ daŋ teŋ Enyɛnpe bumo be Ebɔrɛ so so.

Ezikɛl 22:16

Efuli pɔtɛana so be basa beeŋ keni bumo jiga, nɛ fo basa e pin fanɛ ma, e la Enyɛnpe Ebɔrɛ na.”

Hoziya 2:13

Meeŋ gberge mo kusoe ŋkpal e kaa ta nchɛ damta n chɔɔ duwu m bunyaŋ Baal be kegbir so. Ma alɛ beeŋ naŋ gberge mo kusoe ŋkpal e ka teŋ ma so nseŋ ta mbe abitasɔ n wɔtɔ n lar a sha benyɛn so. Ma Enyɛnpe Ebɔrɛ e malga na.

Kelaraŋŋini 20:15

Esa kama nɛ b daa maŋ sibɛ mbe ketre n wɔtɔ ŋkpa be kawɔl na to, b ta mo nna n lɛ edɛ be kepa na to.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”