Nshɛ 9:16 - EBƆRƐ BE KAWƆL

¹⁶ Enyɛnpe Ebɔrɛ be kebaaji asheŋ nɛ amo be ekpa so nɛ baa ta a pin mo. Ama alubiworapoana gbagba be alubi e naa kilgi a ji bumo.

Nshɛ 9:16 ပူးပေါင်းရင်းမြစ်များ

2 Bewura 19:19

Ama fo Enyɛnpe e la anyi be Ebɔrɛ! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so ekama nɛ e wɔ durnya to be efuli kama so beeŋ pin fanɛ fo nawule e la Ebɔrɛ.”

Job be kawɔl 18:9

Bumo alɛ naa nite nna n ya kaa chichi ajigbelɛ so nɛ e bee pɛ bumo be anakuŋ to kpakpa.

Nshɛ 11:6

E beeŋ ta ajanwulɛ tushiso nɛ edɛ wuloŋwuloŋ n lɛ basa lubi so nseŋ ta kawuliwuli tushiso ŋ gberge bumo kusoe.

Nshɛ 140:9

Shin nɛ basa nɛ b kulti ma n wɔtɔ be mmalga lubi e laŋɛ n ji bumo.

Nshɛ 19:14

Enyɛnpe Ebɔrɛ nɛ fo la ma kefaltagboŋ nɛ ma emɔlgapo. Shin nɛ ma kɔnɔ to be mmalga nɛ ma kagbene to be nfɛra, e baa bɔlɔ fo kenishi.

Nshɛ 48:11

Amoso Jerusalɛm nɛ Juda be ndeana to ebi be ŋgbene fuli bumo nna ŋkpal fo kaa bee ji asheŋ nɛ amo be ekpa so so.

Nshɛ 5:1

Enyɛnpe Ebɔrɛ; nu ma kekule; nɛ ma kushuto.

Nshɛ 7:16

Bumo gbagba be alubi beeŋ laŋɛ n deŋi bumo be amu so, nɛ kananɛ baa tintiŋ basa a shin nɛ baa wora asheŋ na e laŋɛ bumo so.

Nshɛ 92:3

Keta alaŋsɔ be yiri kikɛ a boŋ nshɛ a kpaŋ fo ketre bee wora ma ebel nsaa par ma ga.

Ɛksodɔs 14:10

Ewura Fɛɛro nɛ mbe benapo ka ya kaa taga bumo to na nɛ Israɛlebi na maŋ bumo be amu so n wu fanɛ Ijiptebi na ju a buu bumo so a ba nɛ kufu pɛ bumo ga nɛ b shu n tre Enyɛnpe Ebɔrɛ.

Ɛksodɔs 14:31

Israɛlebi na ka wu eleŋgboŋ nɛ Enyɛnpe Ebɔrɛ ŋini ŋ kɔ m pɔɔ Ijiptebi na so na nɛ b bunyaŋ Enyɛnpe Ebɔrɛ na nseŋ yirda mo nɛ mbe kayɛrbi Mosis.

Ɛksodɔs 14:4

Kumo be kaman nɛ n naŋ shin nɛ Fɛɛro be kagbene e ki kpakpa nɛ e ju m buu menyi so, saŋɛ na so meeŋ mur Fɛɛro nɛ mbe beyaasepo kikɛ nɛ Ijiptebi e pin fanɛ ma e la Enyɛnpe Ebɔrɛ nɛ kemaŋkura bɔlɔ ma to na.” Ndoŋ nna nɛ Israɛlebi na wora kusɔ nɛ Mosis kaŋɛ bumo na.

Ɛksodɔs 7:5

Saŋɛ nɛ meeŋ bar kasogberge Ijiptebi so nseŋ lara Israɛl be basa ashi bumo to na pɔɛŋ nɛ baaŋ pin fanɛ ma e la Enyɛnpe Ebɔrɛ na.”

Aŋasa 12:13

Belubiworapo gbagba be mmalga e naa kilgi a kre bumo, ama beshenteŋjipo bre bee lara bumo be amu asheŋ to nna.

Aŋasa 6:2

fo gbagba be kɔnɔ to be mmalga kre fo nna na; nɛ fo kɔnɔ naseso na e kilgi m pɛ fo.

Aizaaya 28:13

Amoso nɛ Enyɛnpe Ebɔrɛ na bee sha keŋini menyi nsibɛbi nɛ mmalgabi nɛ menyi maaŋ pin to na. Kumo be kaman keya kama nɛ menyeeŋ tia, menyeeŋ fiti n tɔr n doro nɛ b naŋ pɛ menyi fanɛ anya.

Aizaaya 8:15

Basa damta beeŋ fiti kumo n tɔr m buri to nɛ bedamta e tɔr kejigbelɛ na to nɛ b pɛ bumo ŋ gberge bumo n yɔ.”

Danɛl 6:25

Ndoŋ nna nɛ ewura Dairus sibɛ kawɔl n sa efuliana nɛ eyiriana nɛ ŋgbar be yiri yiri nɛ a wɔ durnya to kikɛ ŋ kaŋɛ le: “Ebɔrɛ e nɛfa menyi!

Demujipoana 1:7

Ndoŋ nna nɛ Adoni Bɛzɛk kaŋɛ: “Bewura adushunu nɛ n shin nɛ b ku bumo be ashilbinioana nɛ bumo be anashibinioana so nseŋ shin nɛ baa tise ma ejikpa be ejiŋka a ji. Kusɔ nɛ n wora bumo na be kukɔ nɛ Ebɔrɛ bee ka ma na.” Nɛ b ta mo n yɔ Jerusalɛm nɛ e ya wu ndoŋ.

1 Samuɛl 17:46

Kabre be kachɛ ere, Enyɛnpe Ebɔrɛ beeŋ ta fo m bɔɔ ma enɔ nɛ m pɔɔ fo so ŋ ku fo kumu ere, nseŋ ta Filisti be benapo be eyurana n sa mbuibi nɛ kupuŋ to be asɔbɔya nɛ b ji. Saŋɛ na so nɛ durnya kikɛ e pin fanɛ Ebɔrɛ wɔ Israɛlebi kutɔ.