Nshɛ 89:48 - EBƆRƐ BE KAWƆL

⁴⁸ Dimɛdi kikɛ maaŋ tiŋ n suge mbe kumu ashi luwu nɛ nchaŋ be eleŋana to.

Nshɛ 89:48 ပူးပေါင်းရင်းမြစ်များ

Job be kawɔl 30:23

K maaŋ chɛr e beeŋ shin nɛ n wu n yɔ bubuni to, kakpa nɛ ekama beeŋ yɔ kachako na.

Nshɛ 119:84

Saŋɛ mo nɛ a daga fanɛ n jo n ya fo? Jemanɛ mo nɛ feeŋ gberge basa nɛ baa kɔrfɛ ma na kusoe?

Nshɛ 22:29

Durnya to be amansherbiwuraana nɛ b kɔ asɔ ga beeŋ bunyaŋ mo, nɛ bumo nɛ b gbar nchaŋ be kɔnɔ gba e fur mo.

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Nshɛ 49:15

Ama Ebɔrɛ beeŋ mɔlga ma ere ashi nchaŋ to n ta ma n yɔ mo kutɔ.

Kaŋinichiŋgeliŋ 12:7

Anyi be eyurana ere beeŋ bɛta n yɔ shishɛr nɛ a shi to na to, nɛ Kiyoyu nɛ e bee sa anyi ŋkpa nɛ efute na malɛ e bɛta n yɔ Ebɔrɛ nɛ e ta mo n wɔtɔ anyi to na kutɔ.

Kaŋinichiŋgeliŋ 8:8

Esa kama maŋ kɔ eleŋ luwu so ŋko nɛ e tiŋ n chɛrga mbe kaluwuachɛ. Luwu la kena nɛ esa kama maaŋ tiŋ n shile kumo nna, loŋ koŋwule na e la esa nɛ e bee wora alubi. Mbe alubi beeŋ ba dii efuli kachɛ ko.

Kaŋinichiŋgeliŋ 9:5

Kashenteŋto, basa nɛ b wɔ ŋkpa to nyi b ka beeŋ wu, ama basa nɛ b wu bre maŋ naa nyi shɛŋ. Kusɔ lela kikɛ maŋ naa wɔtɔ n sa bumo; bumo ere choŋ nna na, nɛ b teŋ bumo so.

Baru lela nɛ Jɔn kute na 8:51

Ma e kaŋɛ menyi kashenteŋto na fanɛ nɛ esa baa ta ma kamalga na a wɔtɔ mbe kagbene to, e maaŋ wu kikɛ.”

Ashuŋ Shunso 2:27

Ŋkpal manɛ so, fo Ebɔrɛ maaŋ shin nɛ n wu nɛ ma kiyoyu e yɔ luwu to. Fo maaŋ shin nɛ fo kenya nɛ e bee bɛ fo so nɛ kagbene koŋwule e wu m bɛ.

2 Kɔrintebi 4:14

Ŋkpal manɛ so, an nyi fanɛ esa nɛ e tiŋi Enyɛnpe Yesu luwu to na beeŋ tiŋi anyi alɛ gba nɛ Yesu na nseŋ ta anyi nɛ menyi kikɛ n yɔ mo gbagba be anishito.

Hibruwebi 11:5

Inɔk be yirda so nɛ Ebɔrɛ daŋ ta mo n yɔ esoso nɛ e daa maŋ luri luwu to na. B daŋ fin mo nna ŋ gben ŋkpal Ebɔrɛ ka daŋ ta mo na so. Pɔɛŋ nɛ Ebɔrɛ malɛ daŋ ta mo na, b daŋ kpaŋ mo nna ŋkpal mbe aworbi ka daŋ par Ebɔrɛ so.

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.