Nshɛ 89:4 - EBƆRƐ BE KAWƆL

⁴ mbe kaman to ebi e naaŋ baa ki bewura jemanɛ kikɛ. Ma alɛ beeŋ shin nɛ mbe kabuna ebi e baa wɔtɔ mbaanaayɔ.”

Nshɛ 89:4 ပူးပေါင်းရင်းမြစ်များ

2 Samuɛl 7:29

Kusɔ nɛ mee kule fo e la fanɛ fo nɛfa n nanabiana nsaa lara fo bewura bumo to saŋkama. Fo Enyɛnpetale Ebɔrɛ na e nase kɔnɔ fanɛ fo nɛfa beeŋ baa wɔ n nanabiana so hale mbaanaayɔ.”

1 Bewura 9:5

kumo ere ma kɔnɔ nɛ n nase n sa fo tuto fanɛ mbe kanaŋ to be esa e naaŋ baa ji Israɛl be kuwura saŋkama na beeŋ bɔlɔ so.

1 Kronikɛls 22:10

Mo e naŋ pɔr bɔrɛlambu n sa ma. Meeŋ tre mo m pibi nɛ mo alɛ gba e tre ma mo tuto. Mbe mbia e naa baa ji Israɛl be kuwura a ka a sa abar mbaanaayɔ.”

1 Kronikɛls 28:4

Enyɛnpe nɛ e la Israɛl be Ebɔrɛ na e lara ma nɛ ma kaman to ebi fanɛ an baa ji Israɛl be kuwura mbaanaayɔ. N tuto be kanaŋ ashi Juda be yiri na to nɛ e lara fanɛ b baa la bejuŋkparpo. Mbe keparso nɛ e keni n tuto be kanaŋ na kikɛ to n lara ma fanɛ ŋ ki Israɛl be ewura.

Nshɛ 132:11

Fo e daŋ bɔ ntaŋ n nase kɔnɔ n sa mo; kumo alɛ la kɔnɔ naseso nɛ feeŋ wora m bɔlɔ so nna. Fo yɛ: “Jemanɛ kikɛ meeŋ shin nɛ fo kaman to ebi e baa ji kuwura.

Nshɛ 132:12

Nɛ fo kaman to ebi beeŋ baa bɛ ma nɛ fo be kɔnɔkoŋwule be ŋkre na so nsaa wora ma keŋini kasonu, kumo ere meeŋ shin nɛ fo kaman to ebi e baa ji Israɛl be kuwura mbaanaayɔ.”

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nshɛ 89:1

O Enyɛnpe Ebɔrɛ, meeŋ baa boŋ nshɛ a laŋɛ fo kasha nɛ k maŋ kɔ ekar na be kaplɛa so jemanɛ kikɛ. Ma alɛ beeŋ naa ber fo kashenteŋji na be kebomboŋ mbaanaayɔ.

Nshɛ 89:29

Meeŋ shin nɛ mbe kabuna ebi e baa ji kuwura mbaanaayɔ; mbe kanaŋ to be esa e naaŋ baa ji kuwura jemanɛ kikɛ.

Nshɛ 89:36

Mbe kanaŋ to ebi e naaŋ baa ji kuwura jemanɛ kikɛ. Kananɛ epeŋi nɛ kufɔl baa lar awɔlpa so ere, aloŋ nɛ mbe kuwurji gba beeŋ baa wɔtɔ mbaanaayɔ.

Nshɛ 89:50

Enyɛnpe Ebɔrɛ baa nyiŋi kananɛ basa tege ma nseŋ wora fo kayɛrbi eyurto, nɛ n ta amo kikɛ n wɔtɔ kagbene to na be asheŋ.

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Zakareya 12:8

Loŋ be jemanɛ na, ma Enyɛnpe Ebɔrɛ na e naaŋ baa kuŋ bekama nɛ b wɔ Jerusalɛm to, nseŋ shin nɛ bumo to be bepɔshipo gba e baa kɔ eleŋ fanɛ ewura Deevid. Ewura Deevid be kamanebi beeŋ baa juŋkpar bumo fanɛ Ebɔrɛ be malaika gbagba na.

Romebi 15:12

Ade malɛ gba kikɛ be kaman le nɛ anebi Aizaaya yɛ: “Jɛsi be kenanabi beeŋ ba kachako m ba lar n ji nnyamase so kuwura nɛ b ta bumo be tama kikɛ n deŋi mo so.”

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”