Nshɛ 89:38 - EBƆRƐ BE KAWƆL

³⁸ Ama naniere fo, Ebɔrɛ na nya agbo nna n wɔtɔ ewura nɛ fo lara na nseŋ kini mo n lɛ, nseŋ pal kaman n sa mo.

Nshɛ 89:38 ပူးပေါင်းရင်းမြစ်များ

2 Samuɛl 1:21

Sa maŋ shin nɛ bɔrɛ ŋko bunyaŋ a ba Gilbɔa be abee so kikɛ. Sa maŋ shin nɛ kumo alɛ be ndɔana e naŋ wora ajibi. Benapo na be abɛlso kuŋso na kikɛ a dese kasawule a gbelti na. Nɛ Sɔɔl be kebɛlso kuŋso na gba ki kusɔ jiga.

2 Samuɛl 15:26

Ama nɛ fanɛ e maŋ shuli bre, kumo ere e beeŋ tiŋ n wora ma kusɔ kama nɛ e bee sha.”

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

Nshɛ 106:40

Amoso Enyɛnpe Ebɔrɛ na daŋ nya agbo n wora mbe basa nna nseŋ daŋ kishi bumo be asheŋ.

Nshɛ 60:1

Enyɛnpe Ebɔrɛ, fo nya agbo nna n wɔtɔ anyi nseŋ kini anyi, n shin nɛ an tɔr m buri to. Naniere naaŋ sa anyi eleŋ.

Nshɛ 60:10

Enyɛnpe Ebɔrɛ, fo kini anyi kashenteŋto nsaa maaŋ naŋ juŋkpar anyi be benapo nna a?

Nshɛ 77:7

“Enyɛnpe Ebɔrɛ na kini anyi nna n lɛ le mbaanaayɔ a? E maaŋ naŋ wu anyi kuwɔr a?

Nshɛ 78:59

Ŋkpal kusɔ nɛ b wora na so, Ebɔrɛ daŋ nya agbo nna nseŋ kini Israɛl be basa na n lɛ.

Nshɛ 84:9

O Ebɔrɛ, nɛfa anyi be ewura, nɛ fo gbagba lara n sa fo kumu na.

Nshɛ 89:51

O Enyɛnpetale Ebɔrɛ, fo doŋana bee tege ewura nɛ fo lara n sa fo kumu nna na. Kaplɛkama nɛ e yɔ, baa tege mo nsaa wora mo eyurto nna.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Nfabel 2:7

Enyɛnpe Ebɔrɛ na daŋ kini mbe bɔrɛsure nna n lɛ nseŋ daŋ lar mbe bɔrɛlambu cheembi to ŋ ka kumo. E daŋ sa bedoŋ ekpa nna nɛ b da Jerusalɛm be egbalana n lɛ, nseŋ daa wora awɔr a ŋini fanɛ b kɔ m pɔɔ kakpa nɛ an daa shuŋ Ebɔrɛ kagbenefuliso na so.

Nfabel 4:20

B daŋ pɛ ewura nɛ Enyɛnpe Ebɔrɛ gbagba lara n sa anyi nɛ an daa fute a yige mo so na nna. Mo e la ewura nɛ an daŋ yirda fanɛ e beeŋ baa kuŋ anyi ashi edoŋ kama nɛ e beeŋ ba kɔ anyi kena kutɔ.

Hoziya 9:17

Ebɔrɛ nɛ mee shuŋ na beeŋ kini mo gbagba be basa ŋkpal b ka kini kenu n sa mo so. Baaŋ baa na a kilgi to ashi efuli pɔtɛana so nna fanɛ basa nɛ b maŋ kɔ epe na.

Zakareya 11:8

Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Ditɛronɔmi 32:19

Enyɛnpe Ebɔrɛ na ka wu loŋ nɛ e nya agbo nseŋ kini mbe mbia n lɛ.