Nshɛ 89:36 - EBƆRƐ BE KAWƆL

³⁶ Mbe kanaŋ to ebi e naaŋ baa ji kuwura jemanɛ kikɛ. Kananɛ epeŋi nɛ kufɔl baa lar awɔlpa so ere, aloŋ nɛ mbe kuwurji gba beeŋ baa wɔtɔ mbaanaayɔ.

Nshɛ 89:36 ပူးပေါင်းရင်းမြစ်များ

2 Samuɛl 3:9

Nɛ m baa maŋ chɛ Deevid to nɛ e ji kuwura fanɛ kananɛ Enyɛnpe Ebɔrɛ nase kɔnɔ n sa mo fanɛ e beeŋ sɔ kuwurji na ashi Sɔɔl nɛ mbe kanaŋ kutɔ n sa mo nɛ e ki Israɛl nɛ Juda kikɛ be ewura, yili Dan be kasawule nɛ k wɔ kelargato be esoso na so n ya fo Bɛshiba nɛ k wɔ kelargato be kaseto be kaba so kikɛ na, kumo ere Ebɔrɛ e mɔ ma!”

2 Samuɛl 7:16

Fo alɛ Deevid be kenana maa ba nɛ k mur kikɛ. Fo kuwurji beeŋ baa wɔtɔ hale mbaanaayɔ.”

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nshɛ 72:5

Shin nɛ ewura e baa wɔtɔ mbaanaayɔ fanɛ kananɛ epeŋi nɛ kufɔl wɔtɔ na.

Nshɛ 89:29

Meeŋ shin nɛ mbe kabuna ebi e baa ji kuwura mbaanaayɔ; mbe kanaŋ to be esa e naaŋ baa ji kuwura jemanɛ kikɛ.

Nshɛ 89:4

mbe kaman to ebi e naaŋ baa ki bewura jemanɛ kikɛ. Ma alɛ beeŋ shin nɛ mbe kabuna ebi e baa wɔtɔ mbaanaayɔ.”

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Aizaaya 59:21

Ma alɛ bee nase kɔnɔ nna fanɛ meeŋ sa menyi ma Kiyoyu nɛ keŋini nɛ a baa wɔ menyi to mbaanaayɔ. Yili kabre a yɔ, menyeeŋ baa wora ma kasonu nsaa ŋini menyi be mbia nɛ kaman to ebi nɛ bumo alɛ gba e baa wora ma kasonu mbaanaayɔ.”

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Jɛremaya 33:20

“N yili kapa nɛ kanyɛ jemanɛ nɛ a daga fanɛ a baa ba nna. Kusɔ nɛ n yili n sa amo na malɛ maaŋ tiŋ n chɛrga kikɛ.

Jɛremaya 33:21

A loŋ nɛ n nase kɔnɔ n sa ma kenya ewura Deevid gba, fanɛ jemanɛ kikɛ mbe kaman to ebi e naaŋ baa ji kuwura nɛ Livai be yiri to be basa e baa la bɔrɛmatapoana a shuŋ ma jemanɛ kikɛ. Loŋ be kɔnɔ naseso na malɛ maaŋ tiŋ n chɛrga kikɛ.

Eemɔs 4:2

Le nɛ Enyɛnpetale cheembi na nase kɔnɔ ŋ kaŋɛ: “Kachako bedoŋ beeŋ ta akɔltobi ŋ gberge menyi n yɔ. Baaŋ pɛ menyi be ekama fanɛ kekɔltobi ka pɛ kɔrɔtɔ na.

Luuk 1:33

E beeŋ ba ki Jeekɔb be kanaŋ to be Ewura mbaanaayɔ. Mbe kuwura maaŋ loge kikɛ.”

Baru lela nɛ Jɔn kute na 12:34

Ndoŋ nna nɛ jimaŋ na kaŋɛ mo le: “Anyee nu ashi anyi be mbra na to fanɛ Mesaya na beeŋ ba kaa wɔ ŋkpa to mbaanaayɔ nɛ a ji nuso nna nɛ fee kaŋɛ: ‘Baaŋ maŋ Nyiŋgbasa Pibinyɛn na so’? Wanɛ nɛ fee tre Nyiŋgbasa Pibinyɛn na?”