Nshɛ 89:26 - EBƆRƐ BE KAWƆL

²⁶ Ndoŋ nna nɛ e kaŋɛ ma le: ‘Fo e la n tuto nɛ ma Ebɔrɛ; Fo e la ma ekumpo nɛ ma emɔlgapo.’

Nshɛ 89:26 ပူးပေါင်းရင်းမြစ်များ

2 Samuɛl 22:47

Enyɛnpe Ebɔrɛ fo wɔtɔ! Meeŋ di fo epaŋ! Fo la kejembu nna nɛ mee ŋana fo to! Meeŋ maŋkura fo ŋkpal fo ka mɔlga ma so.

2 Samuɛl 7:14

Meeŋ ki mo tuto, nɛ mo alɛ e baa la m pibinyɛn. E baŋ wora n foe, meeŋ niŋi mo fanɛ kananɛ etuto bee niŋi mbe kebia na.

1 Kronikɛls 22:10

Mo e naŋ pɔr bɔrɛlambu n sa ma. Meeŋ tre mo m pibi nɛ mo alɛ gba e tre ma mo tuto. Mbe mbia e naa baa ji Israɛl be kuwura a ka a sa abar mbaanaayɔ.”

Nshɛ 18:46

Fo Enyɛnpe Ebɔrɛ na wɔ ŋkpa to nna. Meeŋ fur fo, Enyɛnpe Ebɔrɛ, ma kefaltagboŋ nɛ fee kuŋ ma. Meeŋ maŋkura fo, ma emɔlgapo.

Nshɛ 43:4

Saŋɛ na so meeŋ ya bunyaŋ fo ashi fo bɔrɛsure na ase, ŋkpal fo ka sa ma kagbenefuli gboŋgboŋi so so. Meeŋ ta ma jaŋjilaŋ n laŋ m maŋkura fo, ma Ebɔrɛ na.

Nshɛ 62:2

Mo e la kefaltagboŋ nɛ emɔlgapo. Mo e la ma ekuŋkpa lempo a kuŋ ma.

Nshɛ 95:1

Men ba nɛ an boŋ kagbenefuli be nshɛ n sa Enyɛnpe Ebɔrɛ nɛ e bee kuŋ anyi na.

Zakareya 9:10

Enyɛnpe Ebɔrɛ na yɛ: “Meeŋ lara kena to be egbaŋɛturko nɛ egbaŋɛ ashi Israɛl be efuli so nɛ Jerusalɛm to. Ata nɛ b lɔŋɛ ŋkpal kena so na beeŋ buri to. Meeŋ bar kayurwushi efuliana na so, nɛ menyi be ewura e yili teku ko ase a ji kuwura n ya fo teku nyɔsopo ase. Mbe kuwurji beeŋ shi Yufreetes be Lɔr na ase n ya fo durnya be ekar kikɛ.”

Matiu 26:39

Ndoŋ nna nɛ e yɔ anishito gbrɛbi n ya gbir n kur kumu n yuu nseŋ kule Ebɔrɛ ŋ kaŋɛ le: “N Tuto, nɛ ekpa wɔtɔ, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Matiu 26:42

E ka malga n loge nɛ e naŋ bɛta kela nyɔsopo n ya kule Ebɔrɛ le: “N Tuto, nɛ ekpa maŋ wɔtɔ fanɛ n lar le be awurfoŋ ere to ama m baŋ luri kumo to nna, fo shin nɛ fo aparsheŋ e wora.”

Maak 15:34

Kerfi asa be jemanɛ na nɛ Yesu boŋ to awɔrso m bishi Ebɔrɛ le: “Elɔi, Elɔi, lama sabaktani?” Kumo be kifito e la fanɛ “Ma Ebɔrɛ, ma Ebɔrɛ, manɛ e ba nɛ fo yige ma?”

Luuk 23:46

Nɛ Yesu boŋ to awɔrso ŋ kaŋɛ: “Etuto, n ta ma kiyoyu m bɔɔ fo enɔ.” E ka baŋ kaŋɛ loŋ n loge nɛ e fute mbe lalaloge be efute.

Baru lela nɛ Jɔn kute na 11:41

Ndoŋ nna nɛ b lara kejembu na nɛ Yesu keni esoso nseŋ kaŋɛ: “Etuto, mee chɔrɔ fo ga fanɛ fo nu ma kekule.

Baru lela nɛ Jɔn kute na 20:17

Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”

Hibruwebi 1:5

Ŋkpal manɛ so, malaika mo malɛ nɛ Ebɔrɛ daŋ kaŋɛ le: “M Pibinyɛn e la fo. Kabre ŋ ki fo Tuto”? Ŋko kede be kaman, malaika mo malɛ nɛ Ebɔrɛ daŋ kaŋɛ fanɛ: “Meeŋ baa la mo Tuto nɛ mo alɛ gba e baa la m Pibinyɛn”?