Nshɛ 89:24 - EBƆRƐ BE KAWƆL

²⁴ Ma kashenteŋji be kasha na beeŋ baa wɔ mo so; ma alɛ beeŋ shin nɛ e baa kɔ a pɔɔ so jemanɛ kikɛ.

Nshɛ 89:24 ပူးပေါင်းရင်းမြစ်များ

Nshɛ 20:1

Enyɛnpe Ebɔrɛ na, e nu fo kekule saŋɛ so nɛ kebaawɔtɔ ki fo so jiga na. An nananyɛn Jeekɔb be Ebɔrɛ na e baa kuŋ fo.

Nshɛ 20:5

Nɛ asheŋ nite nɛnɛ n sa fo, anyeeŋ cha awɔr kagbenefuliso; nseŋ maŋ anyi be etuta so ashi anyi be Ebɔrɛ be ketre to. Enyɛnpetale Ebɔrɛ na e wora asɔ nɛ fee bishi na n sa fo.

Nshɛ 61:7

Shin nɛ e baa ji kuwura fo anishito mbaanaayɔ nɛ fo kasha nɛ kashenteŋji e baa kuŋ mo.

Nshɛ 89:28

Jemanɛ kikɛ meeŋ baa wora a bɔlɔ ma nnɔ nɛ n nase a sa mo; nɛ ma nɛ mo be kɔnɔkoŋwule be ŋkre na e baa wɔtɔ mbaanaayɔ.

Nshɛ 89:33

Ama m maaŋ yige kebaasha Deevid, ŋko ŋ kini kebɛ nnɔ nɛ n nase n sa mo na so.

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Baru lela nɛ Jɔn kute na 17:11

To, naniere mee ba fo kutɔ nna na, a ka gbrɛbi nɛ n lar durnya to, ama bumo ere kraa wɔ durnya to nna. Etuto cheembi, ta fo ketre be eleŋ na a keni bumo so, ketre mo nɛ fo sa ma na nɛ n de na, saŋɛ na so baaŋ baa la kukoŋwule fanɛ kananɛ ma nɛ fo la kukoŋwule na.

Baru lela nɛ Jɔn kute na 17:26

N ta fo ŋ ŋini bumo, ma alɛ kraa beeŋ baa wora loŋ, saŋɛ na so, kasha nɛ fo kɔ a sa ma na beeŋ baa wɔ bumo to nɛ ma alɛ gba e baa wɔ bumo to.”

Baru lela nɛ Jɔn kute na 17:6

N ta fo asheŋ ŋ ŋini basa nɛ fo lara durnya ere to m bɔɔ ma enɔ na. B daa la feya nna nɛ fo ta bumo m bɔɔ ma enɔ nɛ b ta fo kamalga na n wɔtɔ bumo be ŋgbene to.

2 Kɔrintebi 1:20

Ŋkpal manɛ so, Ebɔrɛ be nnɔ naseso baa sha a baa shi kanaŋkamaso, amo kikɛ la mm be mmalga nna ashi Kristo to. Amoso, mo so nɛ anyee bɔla a shuli ‘Amɛn’ a ta kemaŋkura a sa Ebɔrɛ.

Ditɛronɔmi 33:7

Le nɛ Mosis kaŋɛ a laŋɛ Juda be yiri be kaplɛa so: “Enyɛnpe Ebɔrɛ, nu Juda be yiri to ebi be kushu, nseŋ bɛta bumo nɛ eyiriana na kikɛ m ba abar so. Enyɛnpe Ebɔrɛ, kɔ n sa bumo, chɛ bumo to ŋ kɔ bumo doŋana.”

1 Samuɛl 2:1

Ndoŋ nna nɛ Haana boŋ kashɛ ŋ kaŋɛ le: “Enyɛnpe Ebɔrɛ shin nɛ ma kagbene fuli ma. Ma kagbene fuli ma ga ŋkpal Ebɔrɛ ka mɔlga ma nseŋ sa ma eleŋ so. Ŋkpal kusɔ nɛ Ebɔrɛ wora n sa ma ere so meeŋ mushe ma doŋana.