Nshɛ 89:17 - EBƆRƐ BE KAWƆL

¹⁷ Ŋkpal manɛ so, bumo be kemaŋkura nɛ eleŋ shi fo kutɔ nna, nɛ fo kuwɔrwu malɛ bee shin nɛ anyee nya eleŋ a ti so.

Nshɛ 89:17 ပူးပေါင်းရင်းမြစ်များ

Nehemaya 8:10

Kumo be kaman nɛ Nehemaya kaŋɛ basa na: “Naniere men yɔ epe n ya wora kejigboŋ n ji menyi be nnɔ nseŋ ku ajibi na be ako n sa bumo nɛ b maŋ kɔ shɛŋ nɛ b ji na. Kabre la kachɛ cheembi nna n sa Enyɛnpe anyi be Ebɔrɛ na. Amoso men sa maŋ shin nɛ men be ŋgbene a baa jija menyi. Enyɛnpe Ebɔrɛ beeŋ sa menyi kagbenefuli nɛ k beeŋ sa menyi eleŋ.”

Nshɛ 112:9

Baa bugi ŋgbene nna a kɛ betentaŋasepo asɔ nɛ bumo be kelela be kewora malɛ maŋ kɔ ekar. Amoso basa bee nyiŋi bumo jemanɛ kikɛ nna.

Nshɛ 132:17

Meeŋ shin nɛ Deevid be kuwurji e nya eleŋgboŋ. Esa kama nɛ meeŋ lara m buu mo kuwura beeŋ baa nyɛkpɛ a fuli to fanɛ fitila na.

Nshɛ 148:14

Mo e shin nɛ mbe efuli nya eleŋ, saŋɛ na so, mbe basa, Israɛlebi kikɛ, nɛ bumo be asheŋ wɔ mbe kagbene to na, beeŋ baa kpaŋ mo. Men baa kpaŋ Enyɛnpe Ebɔrɛ na!

Nshɛ 28:7

Enyɛnpe Ebɔrɛ na e naa sa ma eleŋ nsaa kuŋ ma. N yirda mo kashenteŋto. E chɛ ma to n shin nɛ ma kagbene fuli ma. Amoso meeŋ ji eyur nseŋ boŋ nshɛ n di mo epaŋ.

Nshɛ 75:10

O Enyɛnpe Ebɔrɛ, feeŋ mur basa lubi be eleŋ, nseŋ shin nɛ basa niŋiso bre be eleŋ e ti so.

Nshɛ 89:24

Ma kashenteŋji be kasha na beeŋ baa wɔ mo so; ma alɛ beeŋ shin nɛ e baa kɔ a pɔɔ so jemanɛ kikɛ.

Nshɛ 92:10

Fo shin nɛ n nya eleŋ fanɛ kupuntona nna, nɛ fo lara ma n yili n sa fo gbagba be kumu.

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

1 Samuɛl 2:1

Ndoŋ nna nɛ Haana boŋ kashɛ ŋ kaŋɛ le: “Enyɛnpe Ebɔrɛ shin nɛ ma kagbene fuli ma. Ma kagbene fuli ma ga ŋkpal Ebɔrɛ ka mɔlga ma nseŋ sa ma eleŋ so. Ŋkpal kusɔ nɛ Ebɔrɛ wora n sa ma ere so meeŋ mushe ma doŋana.

1 Samuɛl 2:10

Bekama nɛ baa kɔ fo Enyɛnpe Ebɔrɛ na beeŋ mur cheche. Feeŋ shin nɛ bɔrɛ e shi esoso m ponte ŋ kɔ bumo. Fo Enyɛnpe Ebɔrɛ na beeŋ ji durnya ere kikɛ demu, nseŋ ta eleŋ nɛ yuku n sa fo ewura lara so.”