Nshɛ 89:16 - EBƆRƐ BE KAWƆL

¹⁶ Baa ji eyur nna ashi fo ketre to karechɛ lelemu kikɛ, nsaa kpaŋ fo ŋkpal fo alelasheŋ so.

Nshɛ 89:16 ပူးပေါင်းရင်းမြစ်များ

Nshɛ 105:3

Men baa ji eyur nsaa bunyaŋ mbe ketre cheembi na ashi men be ŋgbene to kikɛ.

Nshɛ 29:5

Enyɛnpe Ebɔrɛ be kamalga bee buri ndibi nɛ baa tre sida na to nna. K bee buri sida be ndibi nɛ a wɔ Lebanɔn be kebeegboŋ na so burburbi nna.

Nshɛ 29:7

Enyɛnpe Ebɔrɛ be kamalga bee nyɛkpɛ nna fanɛ bɔrɛ ka nyɛkpɛ na.

Nshɛ 33:21

Anyi be ŋgbene fuli anyi nna; ŋkpal an ka yirda mbe ketre so.

Nshɛ 40:10

M maŋ ta fo kumɔlga be asheŋ na n wɔtɔ n nawule be kagbene to nna na. Ŋ ji fo kumɔlga nɛ fo kashenteŋji nɛ fo kasha nɛ k maa chɛrga na be asheŋ be shɛda nna ashi fo basa be nshɛrgboŋ to.

Nshɛ 44:8

Fo anyi be Ebɔrɛ na so nɛ anyee ji njɔŋ nsaa fur fo ketre saŋkama.

Nshɛ 89:12

Fo e to kelargato be esoso nɛ kaseto kikɛ. K du fanɛ abee nɛ baa tre Tabɔɔ nɛ Hɛɛmɔn na bee boŋ nshɛ kagbenefuliso nna a kpaŋ fo ketre.

Aizaaya 2:5

Naniere, Israɛlebi, men shin nɛ an baa wora asheŋ ashi Enyɛnpe Ebɔrɛ na be kefulto nɛ kebaanyi mbe kebaawɔtɔ to!

Aizaaya 46:13

Meeŋ ba mɔlga menyi. Ma nɛ menyi maaŋ naŋ barga abar. M maaŋ naŋ chɛr nseŋ ba mɔlga menyi. Meeŋ mɔlga basa nɛ b wɔ Jerusalɛm to nseŋ shin nɛ Israɛl be efuli na e nya kemaŋkura.”

Jɛremaya 23:6

E kaŋ m ba ji kuwura, Juda be basa kikɛ beeŋ nya bumo be amu nɛ shɛŋ shɛŋ maaŋ naa tɔrɔ bumo nɛ Israɛl be basa e baa wɔ kayurwushi be kebaawɔtɔ to. Le be ewura ere be ketre e naŋ baa la Enyɛnpe Ebɔrɛ e la anyi be Emɔlgapo.”

Levitikɔs 25:8

Men karga nfɛnshunu be ntuŋ ashunu. K ki fanɛ nfɛ adena nɛ akpanu nna na.

Levitikɔs 25:9

Nfɛ adena nɛ akpanu na to be kufɔl shunusopo na be kachɛ kudusopo na nɛ b foŋ kabel awɔrso efuli na kikɛ to. Alubi be Ketampaŋ be Kachɛ nna na.

Luuk 1:47

Ma kagbene fuli ŋkpal Ebɔrɛ ma Emɔlgapo so,

Romebi 1:17

Ŋkpal manɛ so, baru lela na e naa ŋini kananɛ Ebɔrɛ bee nase kumo fanɛ basa e baa la belelapo mbe anishito. Kumo alɛ be sososo kikɛ la yirda nna hale n ya fo ekar. Loŋ gbagba malɛ nɛ abɔrɛsibɛ na bee kaŋɛ na fanɛ: “Esa kama nɛ Ebɔrɛ nase kɔnɔ fanɛ e la elelapo na beeŋ nya ŋkpa ŋkpal mbe yirda so.”

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Filipaiebi 3:9

Ama mannɛ fanɛ ŋ gbagba ka bɔla mbra na so a kɔ alelasheŋ Ebɔrɛ be anishito so. M bɔla Kristo so nna n nya alelasheŋ Ebɔrɛ be anishito. Yirda nɛ baa ta a nya amo ashi mo koŋwule na kutɔ.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.