Nshɛ 89:12 - EBƆRƐ BE KAWƆL

¹² Fo e to kelargato be esoso nɛ kaseto kikɛ. K du fanɛ abee nɛ baa tre Tabɔɔ nɛ Hɛɛmɔn na bee boŋ nshɛ kagbenefuliso nna a kpaŋ fo ketre.

Nshɛ 89:12 ပူးပေါင်းရင်းမြစ်များ

Job be kawɔl 26:7

Ebɔrɛ e parga awɔlpa nɛ k wɔ kelargato be esoso na to, nseŋ shin nɛ durnya shaso nɛ shɛŋ maŋ kɔ kumo to.

Nshɛ 115:16

Ebɔrɛso la Enyɛnpe Ebɔrɛ na nawule peya nna, ama e ta kasawule nna n sa anyi edimɛdi.

Nshɛ 133:3

Kumo alɛ naa du fanɛ bunyaŋ ka shi Hɛɛmɔn be kebeegboŋ na so a wurge Jerusalɛm be abee so nna. Ndoŋ nɛ Enyɛnpe Ebɔrɛ daŋ nase kɔnɔ fanɛ e beeŋ ta ŋkpa nɛ k maŋ kɔ ekar n nɛfa mbe basa na.

Nshɛ 24:1

Kasawule ere nɛ kusɔ kikɛ nɛ k wɔ kumo so, la Enyɛnpe Ebɔrɛ na peya nna. Basa nɛ b wɔ durnya ere to kikɛ, la Enyɛnpe Ebɔrɛ na peya nna.

Nshɛ 24:2

Mo e ta kumo n yili, nseŋ ta teku nɛ nchuana n wɔtɔ kumo be kaseto.

Nshɛ 98:8

Shin nɛ elɔrana e baa gbri fanɛ a ka bee kpla enɔ na, nɛ abeebi so e baa gbri fanɛ a ka bee cha abar a boŋ nshɛ kagbenefuliso ashi Enyɛnpe Ebɔrɛ be anishito.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Jɛremaya 46:18

Ma, Enyɛnpe Ebɔrɛ na e la ewura. Ma e la Ebɔrɛ nɛ e bee sa ŋkpa na. Kananɛ Tabɔɔ be kebee baa du jeŋgreŋ a chɔ abeeana, nɛ Kaamɛl be kebee malɛ dii awɔlto a chɔ teku na, aloŋ nɛ edoŋ nɛ e beeŋ ba kɔ fo na be eleŋ beeŋ baa chɔ feya.

Joshuwa 12:1

Bewura nɛ Israɛlebi na daŋ kɔ m pɔɔ so nseŋ sɔ bumo be nsawule nɛ a wɔ Jɔɔdan be lɔr na be epeŋilarkpa, nseŋ yili Aanɔn be ketaŋɛ to ashi kelargato be kaseto n ya fo kebeegboŋ nɛ baa tre Hɛɛmɔn na ashi kelargato be esoso na nde.

Joshuwa 19:22

Bumo be kasawule na be ekar daŋ fo Tabɔɔ nɛ Shahazumah nɛ Bɛf Shimɛsh nɛ Jɔɔdan be lɔr na. Ndegboŋ kuduashe nɛ amo be ndewurbi e daa wɔ kasawule na so.

Demujipoana 4:12

Sisɛra ka nu fanɛ Barak yɔ kebee nɛ baa tre Tabɔɔ na ase na

Demujipoana 4:6

Kachako nɛ e shuŋi n tre kanyɛn nɛ baa tre Barak nɛ e la Abinoam pibinyɛn nseŋ shi kadegboŋ nɛ baa tre Kedɛsh nɛ k wɔ Naftali be yiri to be kasawule so na, ŋ kaŋɛ mo le: Enyɛnpe, Israɛl be Ebɔrɛ na yɛ: “Keni Naftali nɛ Zɛbyulɔn be eyiri to n lara benyɛn ŋgboŋ kudu n juŋkpar bumo n yɔ kebee nɛ baa tre Tabɔɔ na so.