Nshɛ 89:1 - EBƆRƐ BE KAWƆL

¹ O Enyɛnpe Ebɔrɛ, meeŋ baa boŋ nshɛ a laŋɛ fo kasha nɛ k maŋ kɔ ekar na be kaplɛa so jemanɛ kikɛ. Ma alɛ beeŋ naa ber fo kashenteŋji na be kebomboŋ mbaanaayɔ.

Nshɛ 89:1 ပူးပေါင်းရင်းမြစ်များ

1 Bewura 4:31

E daa nyi asheŋ a chɔ esa kikɛ ashi durnya to. E daa nyi asheŋ a chɔ Eetan nɛ e shi Ɛzra be kanaŋ to na nɛ Heman nɛ Kalkol nɛ Daada nɛ b la Mahɔl be mbinyɛnsobi na. Mbe ketre daŋ dii ga n yɔ efuli nɛ a kulti Juda nɛ Israɛl na.

1 Bewura 5:11

nɛ ewura Sɔlɔmɔn malɛ bee sa ewura Hiram ayu nɛ amo be egbɛ sa fanɛ kilo ŋgboŋ ŋgboŋto be ŋgboŋ alfa anyɔ nɛ ɔlif be ŋku lela egalɔn ŋgboŋ adekpanu, kafɛ kikɛ.

1 Kronikɛls 2:6

Zɛra malɛ be mbinyɛnsobi e daa la Zimri nɛ Etan nɛ Heman nɛ Kalkol nɛ Daada.

Nshɛ 101:1

O Enyɛnpe Ebɔrɛ, meeŋ boŋ kashɛ a laŋɛ fo kasha nɛ keji asheŋ nɛ amo be ekpa so be kaplɛa so.

Nshɛ 106:1

Men kpaŋ Enyɛnpe Ebɔrɛ na! Men ta kechɔrɔ n sa Enyɛnpe Ebɔrɛ, ŋkpal manɛ so, e walɛ nna nɛ mbe kasha malɛ maa chɛrga hale mbaanaayɔ.

Nshɛ 119:90

Fo kashenteŋji malɛ wɔtɔ nna n sa kekurgeto kama to ebi. Fo e to kasawule n nase kumo be kakpa, nɛ k dese dindiŋ a maa fifir.

Nshɛ 36:5

Enyɛnpe Ebɔrɛ, fo kashenteŋji nɛ kasha nɛ fo kɔ a sa basa shi ga. Kumo alɛ maa chɛrga; k bee fo kaplɛkama, hale esoso nɛ awɔlpa to kikɛ.

Nshɛ 59:16

Ama ma ere beeŋ boŋ kasha a laŋɛ fo Ebɔrɛ be eleŋgboŋ na be kaplɛa so. Chipurso kikɛ, meeŋ boŋ kashɛ a laŋɛ fo kasha be kaplɛa so. Ŋkpal manɛ so, fo e la ma ekumpo, kakpa nɛ mee shile a ŋana ashi tɔrɔ be jemanɛ.

Nshɛ 71:8

Meeŋ kpaŋ fo nsaa ber fo kemaŋkura be kebomboŋ karechɛ kikɛ.

Nshɛ 88:11

B maa malga fo kasha nɛ k maŋ kɔ ekar na ŋko fo kashenteŋji be asheŋ ashi bubuni to.

Nshɛ 89:24

Ma kashenteŋji be kasha na beeŋ baa wɔ mo so; ma alɛ beeŋ shin nɛ e baa kɔ a pɔɔ so jemanɛ kikɛ.

Nshɛ 89:33

Ama m maaŋ yige kebaasha Deevid, ŋko ŋ kini kebɛ nnɔ nɛ n nase n sa mo na so.

Nshɛ 89:49

O Enyɛnpe Ebɔrɛ, nnɛ nɛ kashagboŋ nɛ fo daa kɔ na wɔ? Nnɔ nɛ fo nase kashenteŋ be ekpa so n sa Deevid na wɔ nnɛ?

Nshɛ 89:8

Fo e la Enyɛnpetale Ebɔrɛ na. Ekama maŋ naa kɔ kasha nsaa ji kashenteŋ fanɛ fo.

Nshɛ 92:2

Keber mbe kasha be asheŋ be kebomboŋ kachipurso, nɛ mbe kashenteŋji be asheŋ kanyɛso gba walɛ ga.

Aizaaya 25:1

Enyɛnpe Ebɔrɛ, fo e la ma Ebɔrɛ; Meeŋ maŋkura fo nseŋ kpaŋ fo ketre. Fo e wora emamachisheŋ nɛ a bee mɔ kɔnɔ; fo alɛ e ta kashenteŋji n shin nɛ fo ŋkre nɛ fo wora dra na kikɛ bɔlɔ so.

Nfabel 3:23

Esa beeŋ tiŋ n yirda Enyɛnpe Ebɔrɛ na jemanɛ kikɛ nɛ e baa wu mo kuwɔr kachipurso kikɛ.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.