Nshɛ 88:4 - EBƆRƐ BE KAWƆL

⁴ Baa karga ma nna a ti basa nɛ b wu so; ŋ ki fanɛ esa nɛ e maŋ naa kɔ eleŋ nna.

Nshɛ 88:4 ပူးပေါင်းရင်းမြစ်များ

Job be kawɔl 17:1

Ma tama loge nɛ ma jemanɛ malɛ fo n loge, nɛ ma nchaŋ malɛ kur a dese a jo ma.

Nshɛ 143:7

Jande Enyɛnpe Ebɔrɛ, nu ma kabɔrɛkule manaŋ! Ma tama kikɛ loge. Sa maŋ pal kaman n sa ma. Nɛ mannɛ aloŋ meeŋ ya ti bumo nɛ b teŋ wu n yɔ bubuni to na so.

Nshɛ 28:1

Enyɛnpe Ebɔrɛ, fo e la kefaltagboŋ a kuŋ ma. Amoso, nu ma kekule nsaa maŋ kplaŋ ma so. Fo baŋ kplaŋ ma so, k maaŋ chɛr nɛ n wu n yɔ nchaŋ to.

Nshɛ 30:9

Manɛ be tɔnɔ nɛ ma luwu kɔ n sa fo? Manɛ nɛ ma keyɔ nchaŋ to beeŋ wora fo? Bubuni beeŋ tiŋ n fur fo a? Baaŋ tiŋ m malga fo kashenteŋji nɛ alelasheŋ be asheŋ a?

Nshɛ 31:12

B teŋ ma so nna fanɛ esa nɛ e wu, nɛ ŋ ki fanɛ kapɛlanfu na.

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Nfabel 3:15

Ebɔrɛ shin nɛ kebaawɔtɔ ki kekera n sa ma.

Ezikɛl 26:20

Ade kikɛ be kaman, nɛ n shin nɛ men wu n yɔ bubuni to n ya tu bumo nɛ b juŋkpar n yɔ ndoŋ na nɛ nde nɛ a daŋ mur dra dra na kikɛ na. Menyeeŋ ya kaa wɔ bubuni to nɛ esa maaŋ naŋ sɔ menyi so n chena menyi be ndegboŋana to.

Jona 2:6

Ŋ ka daŋ muni n yɔ kasawule be kechimbi to na, n daŋ fɛ fanɛ ma ŋkpa be ekar fo nna na. Ama fo, Enyɛnpe Ebɔrɛ, nɛ fo la ma Ebɔrɛ na lara ma kemaŋ chiŋgeliŋ na to m bar ma ŋkpa to.

Romebi 5:6

Ŋkpal manɛ so, saŋɛ nɛ an daa maŋ kɔ eleŋ na nɛ Ebɔrɛ be jemanɛ fo nɛ Kristo wu n sa bumo nɛ b maŋ kɔ kabɔrɛŋana na.

2 Kɔrintebi 1:9

Kashenteŋto, an daa fɛ anyi be ŋgbene to nna fanɛ b ta luwu be mbra nna n ji m bri anyi. Ama le be kesheŋ ere daŋ ba loŋ nna nɛ an sa maŋ kaa yirda anyi gbagba be amu, ama anyeeŋ baa yirda Ebɔrɛ nɛ e bee tiŋi basa ashi luwu to na.

2 Kɔrintebi 13:4

Kashenteŋto, kapɔshi to nɛ b daŋ gbir mo kedibi largato so, ama Ebɔrɛ be eleŋ nɛ e kɔ a wɔ ŋkpa to naniere. Loŋ nɛ anyi alɛ gba la bepɔshipo mo to, ama ŋkpal Ebɔrɛ be eleŋ so, an tu Kristo na nna a wɔ ŋkpa to nɛ an shuŋ menyi.